19/07/2026
“Pinapauwi na siya ng mga tao niya… pero ayaw niyang umuwi.”
Habang nililinis ang mga aircon ng Wash Autority, napansin kong may sasakyan pa rin na nakaparada sa pinakadulo ng lote.
Tinanong ko ang mga naglilinis ng air con.
“Sir, andiyan pa si Tito Lito. Kanina pa namin pinapauwi pero ayaw umuwi.”
Nacurious ako kaya nilapitan ko siya.
Simple lang ang itsura niya. Tahimik. Walang yabang. Kung hindi mo siya kilala, iisipin mong isa lang siyang ordinaryong contractor na naghahanap-buhay.
Pero habang nagkukwentuhan kami, doon ko na-realize na minsan ang mga pinakatahimik… sila pa ang may pinakamalalim na kwento.
Sabi niya, “Iba na ang panahon ngayon. Ang mga may edad na negosyante medyo napag-iiwanan na. Technology na, social media na, iba na ang marketing.”
Napangiti ako.
Sabi ko, “Tito, bakit hindi niyo po subukan? Maganda naman po ang kwento ninyo.”
Ngumiti rin siya.
Tapos ang sagot niya ang hindi ko makakalimutan.
“May mga anak ako. Tinuruan ko rin sila sa negosyong ito. Sila na ang mas nakakaintindi ng mga diskarte ngayon. Kapag ginawa ko pa ’yan, baka maging kakumpitensya ko pa sila. Kaya ang ginagawa ko na lang, kinukuha ko ang mga project na hindi na nila kayang yakapin.”
Doon ako napaisip.
Siguro ganoon talaga ang pagiging magulang.
Darating ang panahon na hindi mo na uunahin ang sarili mong paglago.
Mas masaya kang makita na mas malayo ang marating ng mga anak mo kaysa sa’yo.
At kahit ganoon siya kasimple, doon ko rin nalaman na napakalawak na pala ng negosyong naitayo niya.
Dekada na siya sa industriya ng air conditioning. Halos buong Pilipinas na ang nasuplayan niya. Pakiramdam ko nga kami na ang isa sa pinakamaliit niyang customer.
Pero ang mas tumatak sa akin ay hindi ang laki ng negosyo niya.
Kundi ang sinabi niya tungkol sa mga customer.
“Huwag mong isipin agad ang kikitain mo. Isipin mo kung paano magiging valuable ang serbisyo mo sa customer. Kapag napasaya mo sila, babalik sila. At ikukuwento ka nila sa pamilya at mga kaibigan nila.”
Napangiti na lang ako.
Kasi iyon din ang paniniwala naming binubuo araw-araw sa Wash Autority.
Hindi kami nakikipagkarera sa pinakamurang serbisyo.
Mas gusto naming makilala bilang negosyong may kalidad, may malasakit, at may pananagutan sa bawat trabahong ginagawa namin.
Dahil sa huli, ang pinakamagandang marketing ay hindi ang pinakamalaking advertisement.
Kundi ang isang customer na kusang nagsasabing,
“Doon ka. Maaasahan mo sila.”
Ito siguro ang isa sa pinakamagandang regalo ng pagiging negosyante.
Hindi lang negosyo ang nabubuo.
Kundi mga pagkakaibigan, mga aral, at mga kwentong dala mo habang buhay.
Salamat, Tito Lito.
Sa pagpapaalala na kahit gaano kabilis magbago ang teknolohiya, may mga prinsipyo sa negosyo na hindi kailanman naluluma.
Integridad. Magandang serbisyo. At tunay na malasakit sa customer.
Kung naghahanap kayo ng subok, maaasahan, at dekada na ang karanasan sa air conditioning, buong puso ko siyang maire-rekomenda.
Tito Lito David
📞 0917-547-3360
