29/09/2021
Pagkaing Espirituwal ngayong Huwebes. Setyembre 30, 2021
Pamagat: Handang Panlunas
Ang totoo, sinugatan Siya dahil sa ating mga pagsuway; binugbog Siya dahil sa ating kasamaan. Ang parusang tiniis Niya ang naglagay sa atin sa magandang kalagayan. At dahil sa mga sugat Niya ay gumaling tayo. -Isaias 53:5
Basahin: Isaias 53:1-6 (Ang Salita ng Dios)
1 Sinong naniwala sa aming ibinalita? At kanino inihayag ng Panginoon ang Kanyang kapangyarihan?
2 Kalooban ng Panginoon na lumago ang Kanyang lingkod, gaya ng tanim na lumalago at nag-uugat sa tuyong lupa. Wala Siyang kagandahan o katangiang makakaakit sa atin para siyaสผy lapitan. 3 Hinamak Siya at itinakwil ng mga tao. Dumanas Siya ng mga sakit at hirap. Tinalikuran natin Siya, hinamak, at hindi pinahalagahan.
4 Ang totoo, tiniis Niya ang mga sakit at mga kalungkutang dapat sanaสผy tayo ang dumanas. Ang akala natin ay pinarusahan Siya ng Dios dahil sa kanyang mga kasalanan.
5 Ang totoo, sinugatan Siya dahil sa ating mga pagsuway; binugbog Siya dahil sa ating kasamaan. Ang parusang tiniis Niya ang naglagay sa atin sa magandang kalagayan. At dahil sa mga sugat Niya ay gumaling tayo.
6 Tayong lahat ay parang mga tupang naligaw. Bawat isa sa atin ay gumawa ng nais nating gawin. Pero Siya ang pinarusahan ng Panginoon ng parusang dapat sana ay para sa ating lahat.
Ang Salita ng Dios (Tagalog Contemporary Bible)
Copyright ยฉ 2009, 2011, 2014, 2015 by Biblica, Inc. ยฎ
Used by permission of Biblica, Inc.ยฎ All rights reserved worldwide.
Isinulat ko sa aking notebook ang mga sinabi ng aming park guide tungkol sa mga halaman sa kagubatan ng Bahamas nang minsang magpunta kami sa isang parke. Itinuro niya rin sa amin kung ano ang halamang nakakalason. Sinabi naman niya na ang gamot sa lason ay ang sanga ng katabi lamang din ng halaman.
Namangha ako sa kung papaanong naisasalarawan ng dalawang halaman ang konsepto ng kaligtasan. Naalala ko si Jesus sa halamang gamot sa lason. Siya ang handang lunas sa anumang lason na dulot ng kasalanan. Gaya ng sanga, nagbibigay ng kagalingan ang dugo ni Jesus.
Nauuwaan naman ni Propeta Isaias na kailangan ng sangkatauhan ng lunas sa kasalanan. Sinabi niya na ang ating kagalingan ay magmumula sa pagsasakripisyo ng isang tao na siyang aako ng lahat ng ating mga kasalanan (ISAIAS 53:3). At iyon nga ang Anak ng Dios na si Jesus. Tulad tayo ng taong may malubhang sakit, pero handa si Cristo na mamatay alang-alang sa atin. Kung sasampalataya tayo sa Kanya, paga-galingin Niya tayo mula sa sakit na dulot ng ating mga kasalanan (TAL. 5).
Maaring abutin ng habambuhay bago tayo matutong mamuhay na gaya ng mga pinagaling na, subalit magagawa natin ito sa tulong ni Hesus.
- Amy Peterson
Ano mga bagay na nasa paligid mo ang nagpapakita ng pagliligtas ng Dios? Ano ang kahulugan sa iyo ng pagpapagaling ni Hesus?
Kahit nasaan ang kasalanan, naroon din si Hesus na handang magligtas sa atin.
React, Share, and post your reflections.
Follow us on Twitter: twitter.com/odbpilipinas
and on Instagram: instagram.com/ourdailybreadpilipinas
Visit filipino-odb.org to learn more about Our Daily Bread Ministries and our resources
Copyright ยฉ 2021 Our Daily Bread Ministries, All rights reserved.
Disclaimer: Please note that internet browsers and online platforms may have built-in translation features that may inadvertently change the meaning and overall thought of our content.
