Сэтгэл хөглөх дуунууд

13/05/2026

ТӨРИЙН МИНЬ ДАЛБАА
Далбаа намирч байхад Монгол хүний зүрх зүгээр байдаггүй.
Нулимс өөрөө цийлэгнэнэ.
Цээж өөрөө тэнэгэр болно.
“Би Монгол хүн шүү дээ” гэж дотроос нэг юм босож ирнэ.

07/05/2026

АРВАН ТАВНЫ САР
Монгол ардын дуу
Хөгжмийн найруулга
Аяс студид бэлтгэв

28/04/2026

БҮСГҮЙН ЕРӨӨЛ
Амьдралд уян зөөлөн өнгө нэмдэг, айл гэрт инээмсэглэл авчирдаг, орчлонг гэрэлтүүлж явдаг сайхан бүсгүйчүүддээ зориулсан сэтгэлийн ерөөл дуу.
Энэ клипэнд олон эгэл сайхан бүсгүйчүүдийн дүр төрх мөнхөрсөн. Өөрийгөө, дотны хүнээ, эсвэл сэтгэлдээ бодож явдаг нэг сайхан бүсгүйг эндээс олж хараарай.

27/04/2026

19/02/2020

ТАЙВАН АМГАЛАН БАЙЦГААЯ
Хятад газар олон жил бизнес аялал хийж байхдаа газар тариалангийн бүс нутгуудаар багагүй л тойрч байлаа. За хязгааргүй үргэлжлэх тариалангийн талбайг хараад олон зүйл бодогддог. Хамгийн түрүүн энэ их өвс тэрбум хүнийг төвөггүй тэжээж байна гэхээр газрын шим гэдэг ч аргагүй л их юм даа гэж бодогдох үе их байлаа.
Гэтэл манай өргөн уудам нутагт 60 сая малд идэх өвс олдохгүй, бэлчээрийн даац хэтрээд байна гэхээр л гайхаад байх юм. Өдөржин шөнөжин туулаад барахгүй их тал нутагтаа бид юугаа ч тариад идсэн газар байна. Малаа ч тэжээгээд, өөрсдөө ч идээд барахгүй их ургацыг хурааж чадах техник технологийн эрин зуунд бид амьдарч байна шүү дээ. Алга дарам газартаа багтаж шингэхээ байсан Япон Солонгосчуудаас илүү азтай ард түмэн.
Хятад оронд гайтай вирус гарсанаас хойш Монголчууд бид багагүй л тэвдэж, сошиалаар янз бүрийн урам хугалсан үг урсах боллоо.
Хил хаалаа гээд хүнсний хомсдолд орно хэмээн айцгааж байгаа нь илүүц юм шиг. Бүтэн жил хил хаагдвал бид яах вэ? гэдгийг эрүүл ухаанаар бодож үзье.
Миний бодоход биднийг бэлэнчлэх сэтгэлгээнд оруулаад байгаа Хятадын бараа бүтээгдэхүүн л ховордоно биз. Харин үндэсний үйлдвэрлэл хөгжих байх гэж бодож байна.
Хятад руу урсдаг валютын их урсгал эх оронд минь үлдэж, үндэсний үйлдвэрлэгч нар маань ашиг орлого сайтай болох сайхан завшаан ч гарч магад.
Ер нь хил хаагдсан чигээрээ байг. Монгол газар хэзээ ч өлсгөлөн болж байгаагүй. Өвөг дээдсийн үлдээсэн сайхан буян бидэнд байгаа шүү.
Тайван амгалан амьдарцгаая Ах дүү нар минь.

19/02/2020

БИ ХЭН БЭ?
Би бизнес санааны эрэлчин, тоног төхөөрөмжийн судлаачын ажлыг сүүлийн 14 жил тасралтгүй хийж байна. Иймээс ч www.terbumtan.com сайт маань олны хүртээл болоод 12 жилийн нүүр үзлээ.
Тоног төхөөрөмжийн худалдаа гэдэг бол их хэцүү ажил. Аливаа тоног төхөөрөмжинд сайн муу гэсэн чанарын ялгаа их байх бөгөөд түүнийг таниж мэднэ гэдэг хэцүү. Ийм болохоор яг үйлдвэр дээр нь өөрийн биеэр зочилон очиж, Монголын нөхцөлд тохирох тоног төхөөрөмжийг инженер хүний нүдээр харж байж сонголт хийдэг. Нөгөө л нэг Монгол хүний гараараа барьж нүдээрээ харж байж итгэдэг зан л даа.
Манай сайтаар дамжуулан жижиг дунд үйлдвэрийн тоног төхөөрөмж худалдан авсан хувь хүн болон аж ахуйн нэгжийн тоо сүүлийн хоёр жилд давхардсан тоогоор 700 гаруй болоод байна.
Тэдний 90 хувь нь худалдан авсан тоног төхөөрөмжиндөө сэтгэл ханамжтай байдаг бол 10 хувь нь гомдол гаргадаг. Сайтынхаа нэр хүндийг унагааж, муу тоног төхөөрөмж нийлүүлэхээс хамгийн их айдаг болохоор гомдол гаргасан хүмүүсийн тоног төхөөрөмжийг худалдан авсан үйлдвэрүүдтэй дахин харилцдаггүй.
Бас зарим нэг харилцагч маань техникийн мэдлэг муутайгаасаа болоод тоног төхөөрөмжтэй буруу харьцаж, эвдлэх тохиолдол хааяа нэг гардаг. Гэвч тэр нь маш цөөн. Тухай бүрт нь үйлдвэрээс нь зөвлөгөө аваад, ажиллуулах зааврыг нь хэлж өгдөг. Зарим нэг эвдэрсэн эд ангийг нь үйлдвэрээс нь үнэ төлбөргүй ч нийлүүлж тусалдаг.
Хөрөөгүй мужаан, анжисгүй тариачин байдаггүй гэж Хятад хүмүүс ярьдаг. Үнэхээр үйлдвэрлэл явуулж байгаа хүн аль болохоор хүний хөдөлмөрийг хөнгөвчилсөн, гар ажиллагаа багатай байх нь чухал. Хүн залхаасан гар ажиллагаа ихтэй үйлдвэрт ажилчин тогтдоггүй. Тэгээд ч үйлдвэрийн бүтээмж гар ажиллаагаар хийж байгаа тохиолдолд бага байдаг. Ашиг орлого ч тийм сайнгүй.
Иймд үндэсний үйлдвэрлэлийг механикжуулж, хэрэгцээт тоног төхөөрөмжийн мэдээллээр нь хангах ажлыг би хийдэг. Үндэсний үйлдвэрлэгч нарт маань тоног төхөөрөмжийн бодит мэдээлэл маш их хэрэгтэй.
Өдөр бүр залууст үйлдвэрлэл явуулах талаар үнэ төлбөргүй зөвлөгөө өгдөг. Үзэж харсан мэддэг зүйлээ сэтгэл харамгүй хэлж өгөх гэдэг бол миний хувьд амьдралын утга учир болоод байна.
Хятад газар 14 жил бизнес аялал хийж, олон арван үйлдвэрээр хэсэж явсан миний хэлсэн бизнес санаа дүү нарт маань хэрэг болдог. Тиймээс ч үнэгүй мөртлөө үнэт зөвлөгөө авсан залуучууд маань миний офис дээрээс сонирхолтой кино үзсэн мэт сэтгэл хангалуун гардаг.
Бид сайн багажтай болоод сэтгэж чадсан цагт юуг ч бүтээж чадах тал бүрийн авъяастай ард түмэн.
Хийе бүтээе гэсэн залуу дүү нартаа хэрэгтэй 2000 гаруй тоног төхөөрөмжийн бодит мэдээлийг санг бэлтгэж чадсандаа сэтгэл хангалуун амьдарч байна. АМЬДРАЛ САЙХАН.
Би Тэрбумтан сайтыг бүтээж чадсан, Сейфний бус сэтгэлийн ТЭРБУМТАН!!! гэж өөртөө урам хайрладаг 60 настан.
https://terbumtan.com/index.php

Баянзүрх дүүрэг 26-р хороо, Дүнжингарав захын урд талд,Глобал Олон улсын дунд сургуулийн хашаанд 207-р байр.