Nissan ad van နွားလေး သီးသန့် အရောင်းဝယ်

  • Home
  • Myanmar
  • Yangon
  • Nissan ad van နွားလေး သီးသန့် အရောင်းဝယ်

Nissan ad van နွားလေး သီးသန့် အရောင်းဝယ် Nissan Ad van Y11 only

19/11/2025

#မြန်မာနိုင်ငံမော်တော်ကားအမျိုးစားသတ်မှတ်ပုံတွေပါ

TOYOTA Company မှ ထုတ်လုပ်သော

ALPHARD- MicroBus
MYANMAR- Pickup
ALLION- Saloon
ARISTO- Saloon
AVANZA- StationWagon
AXIO- Saloon
BB- HatchBack
BELTA- Saloon
BREVIC- Saloon
CALDINA- StationWagon
CAMI- StationWagon
CAMRY- Saloon
CELICA- Saloon
CELSIOR- Saloon
CHR- StationWagon
COASTER- Bus
COROLLA- StationWagon/ Saloon
COROLLA CROSS- StationWagon
COROLLA FIELDER- StationWagon
CORSA- Saloon
CROWN- Saloon
CRESTA- Saloon
CYGNUS- StationWagon
DA80- Bus
DYNA- Truck/ LightTruck/ Bu280/ DumpTruck/ Pickup/ 1-2 Tons 10Ft 14Ft
ESTIMA- MicroBus/ MiniVan
FORTUNER- StationWagon
GRAND HIACE- Micro Bus
HARRIER- SUV/ StationWagon
HIACE- Pickup/ MiniBus/ MicroBus/ DeliveryVan
HIACE KDH- MicroBus/ MiniBus/ DeliveryVan
HILUX- Pickup/ Vigo/ StationWagon
HILUX SURF- StationWagon
HILIX TIGER- DoubleCab/ ExtraCab
HILUX VIGO- Pickup
INNOVA- StationWagon
IPSUM- StationWagon
IQ.KGF- HatchBack
ISUZU- Van/ StationWagon
KLUGER- Van/ StationWagon/ HatchBack
LAND CRUSIER- StationWagon/ Pickup
LANDCRUSIER PRADO- SW
LEXUS- SW
LIGHT TRUCK- 1 Tons/ 2 Tons
LIGHT ACE- Pickup/ Van/ DeliveryVan
MAJESTA- Saloon
MARK II- Saloon/ SW
MARK X- Saloon
NOAH- MiniVan/ MicroBus
PASSO- HatchBack
PASSO SETTE- HatchBack
PIXIS- Pickup
PREMO- Saloon
PROBOX- SW
RACTRS- HatchBack
RAV 4- SW
SERA- SW
SUCCEED- SW
SUPER CUSTOM- MicroBus
TOWNACE- Light Truck/ Pickup/ VAN/ DeliveryVan
TOYOACE- Light Truck
VANGUARD- SW
VISO- Saloon
VITZ- HatchBack
WISH- SW

CNG Gas ဆိုတာလောင်စာဆီအသုံးပြုမှုကို လျှော့ချနိုင်ဖို့အတွက် တီထွင်သူတွေ ခေါင်းစားနေတာကို အရေးကြီးတဲ့ တွေ့ရှိမှုတစ်ခုအနေန...
15/11/2025

CNG Gas ဆိုတာ

လောင်စာဆီအသုံးပြုမှုကို လျှော့ချနိုင်ဖို့အတွက် တီထွင်သူတွေ ခေါင်းစားနေတာကို အရေးကြီးတဲ့ တွေ့ရှိမှုတစ်ခုအနေနဲ့ CNG (Compressed Natural Gas) နဲ့ မော်တော်ယာဉ်တွေ ရွေ့လျားသွားလာနိုင်တယ် ဆိုတာကိုပါ။

ဒါကြောင့်ပဲ အနည်းနဲ့အများဆိုသလို လောင်စာဆီအသုံးပြုမှုကို CNG က အစားထိုးနိုင်လာလို့ လျော့ကျသွားတယ် ဆိုပေမယ့် နေရာအများကြီးတော့ မယူနိုင်ခဲ့ပါဘူး။ ဥပမာပြောရရင် မြန်မာနိုင်ငံမှာဆိုရင်ပဲ လုပ်ငန်းသုံး ယာဉ်တွေမှာသာ ဒီဂက်စ်ကို အသုံးပြုကြပြီးတော့ အိမ်စီးယာဉ်တွေမှာတော့ မသုံးကြပါဘူး။ ဘာလို့လဲဆိုတော့ သူ့အတွက် Station တစ်ခု သီးသန့်ထားရသလို ထိန်းသိမ်းသယ်ယူရတဲ့ အခက်အခဲတွေကြောင့် ဖြစ်ပါတယ်။ ဘယ်လိုပဲဖြစ်ဖြစ် CNG တွေမှာ ကောင်းကျိုးတွေ အများကြီးရှိနေပါတယ်။ CNG က ယာဉ်တွေကို လောင်စာဆီအသုံးပြုမောင်းနှင်ခြင်းထက် လေထုညစ်ညမ်းမှုကို များစွာသက်သာစေပါတယ်။

ဓာတ်ငွေ့တွေထဲမှာလည်း CNG ကိုပိုသိကြပါတယ်။ ဒါပေမဲ့ ဓာတ်ငွေ့တွေ အမျိုးမျိုးရှိပါတယ်။ CNG အပြင် လူသုံးများပြီး လူသိများကြသေးတဲ့ ဓာတ်ငွေ့တွေမှာဆိုရင် LPG လို့ခေါ်တဲ့ Liquefied Petroleum Gas၊ သဘာဝဓာတ်ငွေ့ရည်လို့ခေါ်တဲ့ LNG (Liquefied Natural Gas) တွေနဲ့ တခြားဓာတ်ငွေ့တွေလည်း ရှိပါသေးတယ်။ ဒါတွေကတော့လူသုံးများတဲ့ ဓာတ်ငွေ့ အမျိုးအစားတွေဖြစ်ပါတယ်။ ဒီအထဲကမှ မြန်မာပြည်သူတွေ အသိများတဲ့ CNG အကြောင်းကို ဖော်ပြမှာဖြစ်ပါတယ်။

CNG သမိုင်းနဲ့ အသုံးပြုပုံ

CNG ကို ၁၉၇၀ နဲ့ ၁၉၈၀ ပြည့်နှစ်တွေက လောင်စာဆီအခက်အခဲပေါ်ပေါက်ခဲ့စဉ်က နိုင်ငံအတော်များများမှာ CNG လောင်စာစွမ်းအင်ကို အသုံးပြုခဲ့ကြပေမယ့် လောင်စာဆီဈေးနှုန်းတွေ ပြန်လည်ကျဆင်းပြီးနောက် အသုံးပြုမှု ပြန်လျော့သွားခဲ့ပါတယ်။ အခုတော့ လောင်စာဆီအခက်အခဲကြောင့် ဓာတ်ငွေ့လောင်စာ အသုံးပြုမှုကို တိုင်းပြည်အများစုက ပြန်လည်အာရုံစိုက်လာပါပြီ။ CNG ရဲ့ ဓာတုသင်္ကေတက CH5 ဖြစ်ပါတယ်။ သူ့ကို သန့်စင်တဲ့ သဘာဝဓာတ်ငွေ့မှတစ်ဆင့် ဖိသိပ်ခြင်းဖြင့် ထုတ်လုပ်ကြပြီး လုံခြုံခိုင်ခံ့တဲ့စည်တွေထဲ ထည့်သွင်းသိမ်းဆည်းပြီး အသုံးပြုကြပါတယ်။ ဒီသဘာဝဓာတ်ငွေ့ကို မြန်မာနိုင်ငံမှာ မ.ထ.သ ခေတ်က ခရီးသည်ယာဉ်တွေမှာဆိုရင် CNG တပ်ဆင်ခွင့်လိုင်စင်တစ်စောင်ကို ကျပ်သိန်း ၅၀ အထိ ဈေးပေါက်ခဲ့ပါတယ်။ Y.B.S တွေပေါ်လာပြီး နောက်ပိုင်း ဒီစနစ်ထဲကိုဝင်မဆွဲတဲ့ ယာဉ်တွေကိုပဲ CNG တပ်ဆင်ခွင့်ပိတ်ပင်ထားပြီး ဒီလိုင်စင်အရောင်း အဝယ်ကလည်း ပျောက်ကွယ်လုနီးပါး ဖြစ်နေပါပြီ။ တခြားနိုင်ငံတွေမှာတော့ ဒီကားတွေအပြင် ထရပ်ကားငယ်တွေနဲ့ ခရီးတိုအတွက်သုံး (အငှားယာဉ် အပါအဝင်၊ လုပ်ငန်းသုံးယာဉ်များ) တွေမှာလည်း တပ်ဆင်အသုံးပြုနေကြပါတယ်။

CNG လောင်စာစနစ်ကို အိန္ဒိယနဲ့ ပါကစ္စတန် နိုင်ငံတွေက သယ်ယူပို့ဆောင်ရေးလုပ်ငန်းတွေမှာ အပြည့်အဝသုံးဖို့ အစိုးရက ညွှန်ကြားချက်ထုတ်ပြီး တိုက်တွန်းထားတာပါ။ ဒါကြောင့် အထူးသဖြင့် ကမ္ဘာပေါ်မှာ လေထုညစ်ညမ်းမှု အများဆုံးမြို့ဖြစ်တဲ့ အိန္ဒိယနိုင်ငံမြို့တော် ဒေလီနဲ့ ပါကစ္စတန်နိုင်ငံ၊ ပန်ဂျပ် ပြည်နယ်ထဲက မြို့တွေမှာ အပြည့်အဝ သုံးစွဲနေကြပါတယ်။ ပါကစ္စတန်နိုင်ငံဟာ အပြည်ပြည်ဆိုင်ရာ သဘာဝဓာတ်ငွေ့သုံးယာဉ်များအသင်းရဲ့ လေ့လာချက်အရ သဘာဝဓာတ်ငွေ့လောင်စာစွမ်းအင်သုံး မော်တော်ယာဉ်စီးရေ တတိယအများဆုံး နိုင်ငံဖြစ်ပါတယ်။

CNG သုံးရခြင်းရဲ့ အဓိကအကြောင်းရင်း

CNG ကို မော်တော်ကားတွေ ရွေ့လျားနိုင်ဖို့အတွက် လောင်စာဆီအဖြစ်နဲ့ အသုံးပြုကြပါတယ်။ ဓာတ်ဆီနဲ့ ဒီဇယ်ဆီရဲ့ နေရာမှာ အစားထိုးအသုံးပြုကြတာဖြစ်ပါတယ်။ ဘာဖြစ်လို့ ဒီလိုသုံးရတာလဲဆိုရင် အဓိကကတော့ CNG တွေက ဈေးနှုန်းသက်သာတာ၊ လေထုညစ်ညမ်းမှုမဖြစ်တာ၊ လောင်စာဆီဈေးနှုန်း မြင့်တက်နေတာတွေကြောင့်အပြင် Air-Con သုံးရင်လည်း လောင်စာဆီတွေလို အရမ်းမကုန်တာကြောင့် သုံးကြတာပါ။ ကမ္ဘာ့နိုင်ငံကြီးအများစု လက်ခံအသုံးပြုကြတဲ့ အဓိကအချက်ကတော့ ပတ်ဝန်းကျင် လေထုညစ်ညမ်းမှုကို မဖြစ်ပေါ်စေတဲ့အတွက်ကြောင့် ဖြစ်ပါတယ်။ ပြီးတော့ CNG ကို အသုံးပြုခြင်းဟာ မြင့်တက်လာတဲ့ လောင်စာဆီဈေးနှုန်းကို တုံ့ပြန်ဖို့အတွက်လည်းဖြစ်ပါတယ်။ တချို့နိုင်ငံတွေကတော့ CNG ကို ဓာတ်ဆီနဲ့ နှိုင်းယှဉ်နိုင်ဖို့ Gasoline Gallon Equivalent (GGE) စနစ်နဲ့ တိုင်းတာရောင်းချကြပါတယ်။ ဥပမာအားဖြင့် ဩစတြေးလျနိုင်ငံဟာ အနာဂတ်မှာ CNG သုံး ဘတ်စ်ကားတွေကိုပဲ ဝယ်ယူတင်သွင်းဖို့ ဆုံးဖြတ်ထားပါတယ်။

CNG သုံးမော်တော်ယာဉ်တွေဟာ ကမ္ဘာတစ်ဝန်း အစီးရေသန်းနဲ့ချီပြီး ရှိပါတယ်။ အာဂျင်တီးနားမှာ အများဆုံးအနေနဲ့ အစီးရေလေးသိန်းကျော်အထိ ရှိနေပါတယ်။ ရုရှားမှာ သုံးသိန်းကျော်၊ အမေရိကန်ပြည်ထောင်စုမှာ တစ်သိန်းနီးပါး၊ ဗင်နီဇွဲလားမှာ ငါးသောင်းကျော်၊ နယူးဇီလန်မှာ ငါးသောင်းနီးပါး၊ ကနေဒါမှာ သုံးသောင်းခွဲခန့်၊ အီဂျစ်၊ ဂျာမနီ၊ အိန္ဒိယ၊ ဂျပန်၊ မလေးရှား၊ ပြင်သစ်နဲ့ ဗြိတိန်နိုင်ငံတို့မှာ အစီးရေ ထောင်ဂဏန်းခန့်အထိ အသုံးပြုနေကြပါတယ်။ အိန္ဒိယက လောင်စာဆီ သုံးစွဲတဲ့နေရာမှာ ဒီဓာတ်ငွေ့ကို ၂၅ ရာခိုင်နှုန်းအထိ သုံးဖို့ ကြေညာထားပါတယ်။ အခုနောက်ပိုင်းမှာဆိုရင် အခုအရေအတွက်တွေထက် များစွာသာလွန်နေပြီ ဖြစ်ပါတယ်။ မလေးရှားနဲ့ ဂျပန်နိုင်ငံတွေကလည်း သဘာဝဓာတ်ငွေ့သုံး မော်တော်ယာဉ်တွေ အမြောက်အမြား သုံးစွဲကြတယ်လို့ဆိုပါတယ်။

လက်ရှိ ဓာတ်ငွေ့လောင်စာစွမ်းအင်သုံး ယာဉ်တွေဟာ မူလကလောင်စာဆီ သုံးယာဉ်တွေ အသွင်ကနေ ပြောင်းလဲထားတဲ့ ယာဉ်တွေသာဖြစ်ပါတယ်။ မူလဓာတ်ငွေ့သုံးယာဉ်အဖြစ်တော့ ဘယ်ကားစက်ရုံကမှ ထုတ်လုပ်လာခြင်းမရှိသေးပါဘူး။ ဒီလိုလောင်စာ ဆီရောဓာတ်ငွေ့နဲ့ပါ အသုံးပြုလို့ရတဲ့ ကားတွေကို Bi-fuel (ဓာတ်ဆီ သို့မဟုတ် ဒီဇယ်လောင်စာနှင့် သဘာဝဓာတ်ငွေ့) ကားတွေလို့ခေါ်နိုင်ပါတယ်။ လောင်စာ အမျိုးအစားတစ်မျိုးကနေ တစ်မျိုးကို ပြောင်းလဲနိုင်တဲ့အတွက်ဖြစ်ပါတယ်။

CNG ရဲ့ အားနည်းချက်

အရာပစ္စည်းတစ်ခုမှာ အကောင်းနဲ့အဆိုး ဒွန့်တွဲနေသလို အားသာချက်နဲ့ အားနည်းချက်တွေဆိုတာ အမြဲတမ်းရှိနေပါတယ်။ ဒါကြောင့်ပဲ တီထွင်မှုတွေ ခေတ်အလိုက်ရှိနေတာပဲဖြစ်ပါတယ်။ ဒါကြောင့် CNG တွေမှာလည်း အားသာချက်၊ အားနည်းချက်တွေရှိပါတယ်။ အားသာချက်တွေကို ပြောပြီးပြီဆိုတော့ အားနည်းချက်တွေကပြောပါမယ်။ CNG တွေကို သုံးမယ်ဆိုရင် ဖိနှိပ်ပြီးသိုလှောင်နိုင်တဲ့ ဆလင်ဒါအိုး ဒါမှမဟုတ် ကန်၊ ဓာတ်ငွေ့လောင်စာပိုက်တွေ၊ လောင်စာ ရောစပ်တဲ့ ကိရိယာနဲ့ အင်ဂျင်ကိုထိန်းညှိပေးတဲ့ ကိရိယာတွေကို ပြောင်းလဲဖို့လိုပါတယ်။ ဒီလို ပြောင်းလဲပေးဖို့အတွက် စရိတ်ထပ်မံကုန်ကျမှာပါ။ ဒါ့အပြင် မြန်မာ နိုင်ငံအတွက်ဆိုရင် နယ်ဝေးတွေကို သွားနိုင်မှာ မဟုတ်ပါဘူး။ ရန်ကုန်တိုင်းအတွက်သာ အသုံးပြုနိုင်ပါတယ်။ ဘာဖြစ်လို့လဲဆိုတော့ CNG ဖြည့်ပေးရေးရုံတွေက ရန်ကုန်မှာပဲရှိလို့ပါ။

ဒါကြောင့်လည်းခရီးသည်တင်ယာဉ်တွေနဲ့ မြို့တွင်းသုံး အငှားယာဉ်တွေမှာသာ တပ်ဆင်အသုံးပြုကြတာ ဖြစ်ပါတယ်။ တချို့ အငှားယာဉ်တွေကတော့ ဒီအားနည်းချက်မဖြစ်စေဖို့ အထက်ကဆိုခဲ့တဲ့ လောင်စာဆီရော CNG ပါသုံးနိုင်မယ့် Bifuel စနစ်နဲ့ သုံးကြပါတယ်။ ဒီလိုနှစ်မျိုးသုံးရတာ ဘာမှမခက်ပါဘူး။ CNG ကိုသုံးမယ်ဆို CNG လိုင်းကိုဖွင့်ပြီး လောင်စာဆီလိုင်းကို ပိတ်လိုက်ရုံပါပဲ။ ဒီလိုပဲ အဖွင့်အပိတ်လုပ်ပြီး ပြောင်းသုံးလို့ ရပါတယ်။ ဒီလိုသုံးဖို့အတွက် အကျင့်တစ်ခုအနေနဲ့ တစ်ရက်ကို အနည်းဆုံးလောင်စာဆီနဲ့ စက်နှိုးပေးခြင်းကို ပြုလုပ်ပေးရပါတယ်။ ဒါမှလည်း ဆီကိုပြောင်းသုံးတဲ့ နေရာမှာ အခက်အခဲမဖြစ်စေမှာပါ။ ဒီမှာတော့ ဓာတ်ဆီအင်ဂျင်တွေမှာပဲ CNG တွေနဲ့ တွဲသုံးလို့ ရနိုင်ပါတယ်။ ဒီဇယ်အင်ဂျင်နဲ့တော့ လောင်စာဆီကို နှစ်မျိုးသုံးလို့မရပါဘူး။ တကယ်လို့ ဒီဇယ်အင်ဂျင်သုံးသူတွေအနေနဲ့ နှစ်မျိုးလုံးသုံးချင်တယ် ဆိုရင်တော့ ဓာတ်ဆီအင်ဂျင်ကို ပြောင်းလဲတပ်ဆင်ဖို့လိုပါတယ်။

အခြားလောင်စာဆီတွေနဲ့ နှိုင်းယှဉ်ချက်

လောင်စာဓာတ်ဆီနဲ့ နှိုင်းယှဉ်မယ်ဆိုရင် CNG က ဟိုက်ဒရိုကာဗွန်၊ ကာဗွန်ဒိုင်အောက်ဆိုက်နဲ့ တခြားဘေးထွက်ပစ္စည်းထုတ်လွှင့်မှု အလွန်နည်းပါတယ်။ ဒါကြောင့်ပဲ လေထုညစ်ညမ်းမှုကို လျော့ကျစေတာပါ။ Octane နဲ့ ဆိုရင်လည်း Octane က ဈေးမြင့်တယ်ဆိုပေမယ့် သူ့ထက် စက်နှိုးရ လွယ်ကူပါတယ်။ တခြားနိုင်ငံတွေမှာတော့ ဓာတ်ငွေ့ကို ကိုယ့်နေအိမ်မှာပဲ ဖြည့်တင်းနိုင်ပါတယ်။ ဒါပေမဲ့ သိုလှောင်နိုင်မှု ပမာဏမှာတော့ အကန့်အသတ်တွေ ရှိနေပါတယ်။ ဒါပေမဲ့ ဓာတ်ငွေ့ရဲ့ သဘောသဘာဝကြောင့် စွမ်းအင် အနည်းငယ်နိမ့်ပါတယ်။ ပြီးတော့ ဓာတ်ငွေ့ရဲ့ အခြေခံတည်ဆောက်မှုက ဓာတ်ဆီနဲ့ ယှဉ်ရင်အားနည်းချက်တွေ ရှိနေပေမယ့် စရိတ်တော့ ပိုသက်သာပါတယ်။

Credit

Toyota Ractis အကြောင်းတစေ့တစောင်းMini MPV အမျိုးအစားဖြစ်တဲ့ Toyota Ractis ကို ၂ဝဝ၅ ခုနှစ်၊ အောက်တိုဘာလမှာ Toyota နဲ့ Kan...
15/11/2025

Toyota Ractis အကြောင်းတစေ့တစောင်း
Mini MPV အမျိုးအစားဖြစ်တဲ့ Toyota Ractis ကို ၂ဝဝ၅ ခုနှစ်၊ အောက်တိုဘာလမှာ Toyota နဲ့ Kanto Auto Works တို့ကပူးပေါင်းပြီး ထုတ်လုပ်ခဲ့တာ ဖြစ်ပါတယ်။
Toyota Ractis ကငါးယောက်စီး ကားအမျိုးအစား ဖြစ်သလို Toyota Vitz ကို အခြေခံပြီး ထုတ်လုပ်ခဲ့တာပဲ ဖြစ်ပါတယ်။
၂ဝဝ၅ မိုဒယ်ကနေ ၂ဝ၁ဝ မိုဒယ်အထိကို ပထမမျိုးဆက်၊ ၂ဝ၁ဝ မိုဒယ်နောက်ပိုင်းကို ဒုတိယမျိုးဆက်အဖြစ် သတ်မှတ်ခဲ့ပါတယ်။ ၁၃ဝဝ စီစီမှာ ပထမမျိုးဆက်ရဲ့ Chassis က NCP 100 ဖြစ်ပြီး၊ ဒုတိယမျိုးဆက်ရဲ့ Chassis က NCP 120 ဖြစ်ပါတယ်။ ဒုတိယမျိုးဆက်ကို ၂ဝ၁ဝ ပါရီ ကားပြပွဲမှာ Toyota Verso-S အနေနဲ့ မိတ်ဆက်ပြသခဲ့တာ ဖြစ်ပါတယ်။ Ractis ဆိုတဲ့ အမည်နာမကတော့ Run ၊ Activity ၊ Space စတဲ့ စကားလုံးတွေကို ပေါင်းစုထားတာ ဖြစ်ပါတယ်။

အင်ဂျင်အမျိုးအစား

Toyota Ractis ကို ၁၃ဝဝ စီစီ၊ ၁၅ဝဝ စီစီ အင်ဂျင်နှစ်မျိုးနဲ့ ထုတ်လုပ်ထားပါတယ်။ ၁၅ဝဝ စီစီမှာ 2WD ၊ 4WD နှစ်မျိုးရှိပေမဲ့ ၁၃ဝဝ စီစီမှာတော့ 2WD တစ်မျိုးတည်းနဲ့ပဲ ထုတ်လုပ်ထားပါတယ်။ Paddle Shift Mode ကတော့ ၁၅ဝဝ စီစီ အင်ဂျင်ကားတွေမှာပဲ ရှိတတ်ပါတယ်။

အပြင်ပိုင်းနှင့် အတွင်းခန်း အပြင်အဆင်

ရုပ်ပြောင်းသွားတဲ့ ၂ဝ၁ဝ မိုဒယ်နောက်ပိုင်း ကားတွေက ရှေ့ရှဲလ်၊ ရှေ့မီးခွက်၊ နောက်မီးခွက်တွေ ပြောင်းသွားသလို ဘော်ဒီအချိုး ကလည်း အရင်ပုံဟောင်းနဲ့ မတူတော့ပါဘူး။ ရှေ့ဝိုက်ပါ ကလည်း Vitz ပုံပြောင်းလို တစ်ချောင်းတည်း ဖြစ်သွားပါတယ်။ အတွင်းခန်း အပြင်အဆင်၊ Dashboard ၊ ဒိုင်ခွက်အထိုင်တွေ ပြောင်းသွားပြီး ဂီယာအထိုင်ကလည်း ပုံဟောင်းလို Dashboard ဂီယာ မဟုတ်တော့ဘဲ ဘောဂီယာ ဖြစ်သွားပါတယ်။

Toyota Ractis မှာ G ၊ X ၊ S ၊ X V Package တို့အပြင် Lepice ဂရိတ်လည်း ရှိပါတယ်။ X နဲ့ X V Grade တွေက Base Grade ဖြစ်လို့ Manual Aircon နဲ့ Remote Key ပဲ ဖြစ်ပါတယ်။ Lepice Grade ကလည်း Manual Aircon နဲ့ Remote Key ဖြစ်ပြီး Paddle Shift Mode ပါသွားသလို Steering Leather ကြိုးချုပ် ဖြစ်သွားပါတယ်။ S Grade ကတော့ ၁၅ဝဝ စီစီမှာပဲရှိပြီး Auto Aircon နဲ့ Push-Start ဖြစ်သွားပါတယ်။ G Grade ကတော့ အမြင့်ဆုံးဖြစ်လို့ Auto Aircon ၊ Push-start ၊ Steering Leather ကြိုးချုပ်၊ ဂီယာလက်ကိုင် ကြိုးချုပ်နဲ့ အလွိုင်းအရွယ်အစား ၁၆ လက်မဖြစ်သွားပါတယ်။

Credit

Nissan Note ကားအကြောင်းတစေ့တစောင်း=============================Nissan ရဲ့ Hatchback ကားထဲမှာတော့ အတွင်းခန်းကျယ် ကားနဲ့သင...
12/11/2025

Nissan Note ကားအကြောင်း
တစေ့တစောင်း
=============================
Nissan ရဲ့ Hatchback ကားထဲမှာတော့ အတွင်းခန်းကျယ် ကားနဲ့သင့်တော်တဲ့ အင်ဂျင်ပါဝါ ရှိတဲ့ ကားအမျိုးအစား လို့ ပြောလို့ရပါတယ်။

မျိုးဆက်အား ဖြင့်တော့ လက်ရှိချိန်ထိ မျိုးဆက် ၂ ဆက်ပါ။

စတင်ထုတ်လုပ်တဲ့
၂၀၀၅ ခုနှစ်မှ ၂၀၁၁ ခုနှစ်ထိက ပထမမျိုးဆက်
(First Generation)
Nissan Note E11 ဖြစ်ပြီး ၂၀၁၂ ခုနှစ်က နေ လက်ရှိအချိန်အထိကို ဒုတိယ မျိုးဆက်
(Second Generation)
Nissan Note E12 ကို ထုတ်
လုပ်လျက်ရှိပါတယ်။

First Generation ကားများကို Europe ဘက် အခြမ်းတွင် Engine အနေဖြင့်
1.4L CR14DE I4 88HP
1.6L HR16DE I4 110 HP 1.5K9K dCi 86HP
အင်ဂျင်များဖြင့် ထုတ်လုပ်ပါတယ်။

Europe Made Model များကို Transmission ပိုင်းတွင် Manual 5 Speed
AT 4 Speed Hydraulic ဖြင့် တပ်ဆင်အသုံးပြုပါသည်။

Japanese Made Model များကိုတော့ HR15DE I4 109HP အင်ဂျင်များဖြင့်ထုတ်လုပ်ပြီး Transmission ပိုင်းကိုတော့ CVT ဖြင့်တပ်ဆင်အသုံးပြုပါသည်။

လက်ရှိမြန်မာနိုင်ငံတွင်
အများဆုံး အသုံးပြုသော Nissan Note E11 များသည် Japanese Made Model များသာဖြစ်ပါသည်။

Nissan Note E11
(2005 to 2011)
Nissan Note E11 တွင် စတင်ထုတ်လုပ်သည့်
၂၀၀၅ ခုနှစ်မှ ၂၀၀၇ ခုနှစ်ထိ မှာ ရှေ့ Shell ပုံစံတူဖြစ်ပြီး၊ ၂၀၀၈ ခုနှစ်မှ ၂၀၁၁ ခုနှစ်ထိမှာ အရင် Model နဲ့ Shell ပုံစံ ကွာခြားသွားပါသည်။

ထို့အပြင် Nissan Note Rider Series တွင်လည်း ပုံမှန် Model များဖြင့် ရှေ့ Shell မတူပဲ Nissan Rider Series
အတိုင်း Shell ပုံသဏ္ဌာန်
ပြောင်းသွားပါတယ်။

ထုတ်လုပ်သည့်ခုနှစ်အလိုက် Grade ခွဲများစွာရှိသဖြင့် ကားတစ်စီးနှင့် တစ်စီး အတွင်းပိုင်းတွင် အနည်းငယ် ကွားခြားမှု
လေးများရှိနိုင်ပါတယ်။

Nissan Note E11 နှင့် Engine နှင့် အခြား Specification ပိုင်းဆိုင်ရာ ပုံစံတူ ကားများမှာ Nissan Tida Latio
Nissan AD Van
Nissan Wingroad တို့ဖြစ်ကြပါသည်။

ယခုမြန်မာပြည်တွင် Brand New အသစ်ထုတ်လုပ်ရောင်းချသော Nissan Sunny များလဲ HR15DE Engine သုံးထား
ပြီး Note E11 နဲ့ တချို့ Spare Parts များတူပါသည်။

Nissan Note E12
(2012 to Current)
လက်ရှိမြန်မာပြည်တွင် Nissan Note ပုံပြောင်းလို့
အသိများပါတယ်။

၂၀၁၂ ခုနှစ်မှ စတင်ကာ
လက်ရှိအချိန်ထိ ဆက်လက်ထုတ်လုပ်လျက်ရှိသော
ကားအမျိုးအစားဖြစ်ပါသည်။

Nissan Note E12 ကို Japanese Made Model များ အနေဖြင့် အင်ဂျင် 1.2L HR12DE I3 နှင့် 1.2L HR12DDR I3 တို့ဖြင့်ထုတ်
လုပ်ပါတယ်။

HR12 Engine များကတော့ Straight-3 Engine
(Piston 3 လုံး) ဖြစ်ပြီး HR12DE ကတော့ Enginer Power အနေနဲ့ 59kW
(80PS, 79HP) ထုတ်လုပ်ပြီး HR12DDR ကတော့ Supercharged ဖြစ်ပြီး 72kW (97 hp) ထုတ်လုပ်ပါတယ်။

HR12DE နှင့် HR12DDR
အသုံးပြုသော Nissan Note E12 ကားများသည် Body ပုံစံ အားလုံးတူသော်လည်း
အင်ဂျင်ခန်းဖွဲ့စည်းမှုနှင့်
အတွင်းခန်း Dashboard Designများ ကွာခြားပါတယ်။

2012-2015 Model များသည် အပြင် Body ပုံစံ အတူတူဖြစ်ကာ 2017 Model သည်
ပုံစံအသစ် ဖြင့်ပြောင်းလဲ
ထုတ်လုပ်ပါသည်။

Nissan Note E12 နှင့် Engine & Specification အမျိုးအစားတူ ကားကတော့ Nissan Latio ဖြစ်ပါသည်။

Grade ခွဲများစွာရှိပြီး အတွင်း
ခန်းတွင် Digial Aircon or Manual Aircon အစရှိသဖြင့် Grade ပေါ်မူတည်ပြီး
ပါဝင်သော Function များ
ကွဲပြားခြားနားနိုင်ပါသည်။

အားသာချက်များ
Nissan Note E11 သည် ၎င်းကားနှင့်တန်းတူ အတန်းအစားများဖြစ်သော အခြား 1300cc Hatchback ကား များ နှင့် နှိုင်းယှဉ်ပါက

၁။ အင်ပါဝါ 1.5L ရှိသော
ကြောင့် အခြား 1300cc များ
နှင့်ယှဉ်ပါက မောင်နှင်းရာ
တွင် ပိုမိုကောင်းမွန်တယ်လို့ ခံစားရပါတယ်။

၂။ အတွင်းခန်း
(နောက်ပစ္စည်း) ခန်းအကျယ်အဝန်းမှာလည်းအခြား Hatchback ကားများထက်
ပိုကျယ်ဝန်းပါတယ်။

၃။ Transmission သည်
CVT ဖြစ်သောကြောင့် အခြား AT များထက်မောင်းနှင်ရာ
တွင် ညက်ညောမှုရှိတယ်လို့ ခံစားရပါသည်။

၄။ ပြုပြင်ထိန်းသိမ်းရန်
အပိုပစ္စည်းများ အလွယ်တကူ ဝယ်ယူ ရရှိနိုင်ပါသည်။

၅။ အခြား Hatchback ကားများနှင့်ယှဉ်ပါက ဈေးနှုန်းမှာ သက်သာမှုရှိသလို မိသားစု
အသုံးပြုရန်အဆင်ပြေသော ကားတစ်စီးဖြစ်ပါသည်။

၆။ Nissan Note E12 သည်
ပုံစံအလွန်လှပပြီး အတွင်းခန်း ကျယ်ဝန်းပါသည်။

တန်းတူ ဖြစ်သော အခြား Hatchback ကားဖြစ်သော (Honda Fit GK5) နှင့်ယှဉ်ပါ က ဈေးနှုန်းမှာ သက်သာပြီး HR12DDR တွင် Supercharger ပါဝင်သော
ကြောင့် ယာဉ်မောင်းနှင်မှုတွင် အလွန်ကောင်းမွန်သာလွန်
တယ်လို့ ခံစားရပါသည်။

အဓိက လူကြိုက်နည်းရချင်းများမှာ
၁။ Note E11 body design သည် အမှတ်တမဲ့ ကြည့်ပါက ဆွဲဆောင်မှု နည်းသလိုခံစားရပါသည်။

၂။ Note E12 မှာ ပြင်ဆင်ရာတွင် အပိုပစ္စည်းအနည်းငယ်ရှားသလို ခံစားရပါသည်။

(အရေးကြီးပါက အွန်လိုင်းက နေ တိုက်ရိုက်တင်သွင်းလို့
ရနိုင်ပါသည်၊ အချိန်လေး
သည်းခံစောင့်ပေးရုံပါ ၁
လလောက်ပေါ့)

၃။ Steering Gun Motor Type ဖြစ်လို့ အသံလေးနဲနဲရှိတတ်ပါတယ်။

အရေးကြီးဆုံး သတိထားရ
မည့်အချက်
Nissan Note E11 & E12 ၏ Auto Oil (Gear Oil) ကိုလဲ
လှယ်မည်ဆိုပါက Nissan Genuine CVT NS-2/NS-3
ကိုသာ သုံးစွဲပေးပါရန်၊ အခြား Brand များထည့်မိပါက Transmission System
ထိခိုက်နိုင်ပါသည်။

မူရင်း​ရေးသားသူကို
Credit ​:ပေးပါတယ်ခင

03/09/2025

ဒီညတော့ သီချင်းလေးတစ်ပုဒ်နဲ့ မနက်ဖြန်ဖြစ်လာမဲ့ အနာဂတ်အတွက်

Nissan ad van Y11 မြန်မာခေါ်နွားလေးကားအကြောင်းတတိယစီးရီး AD (Y11) ကို ၁၉၉၉ ခုနှစ် မေလတွင် စတင်ခဲ့ပြီး၊ ဂျပန်၊ နယူးဇီလန် ...
26/08/2025

Nissan ad van Y11 မြန်မာခေါ်နွားလေးကားအကြောင်း

တတိယစီးရီး AD (Y11) ကို ၁၉၉၉ ခုနှစ် မေလတွင် စတင်ခဲ့ပြီး၊ ဂျပန်၊ နယူးဇီလန် (Pulsar) နှင့် ကာရေဘီယံ စျေးကွက်များတွင် ရောင်းချသည့် ဘူတာရုံ wagon ကိုယ်ထည်ဖြင့်သာ ရရှိပြန်သည်။ ၎င်းသည် Nissan Sunny B15 စီးရီးနှင့် စက်ပိုင်းဆိုင်ရာ ဆက်စပ်မှုရှိသော်လည်း ကွဲပြားသော အပြင်ပန်းဒီဇိုင်းရှိသည်။ အတွင်းခန်းဒီဇိုင်းကို ဂျပန်စျေးကွက် Nissan Sunny B15 နှင့်လည်း မျှဝေထားသည်။ ယာဉ်မောင်းဘေးလေအိတ်သည် ယခုအခါ AD Van နှင့် Wingroad နှစ်မျိုးလုံးတွင် စံပြုထားပြီး ခရီးသည်-ဘေးလေအိတ်ကို ရွေးချယ်နိုင်ပြီဖြစ်သည်။ AD Van Max ကို မကမ်းလှမ်းတော့ပါ။ 2001 ခုနှစ် မတ်လတွင်၊ ကျိုတိုရှိ Nissan Shatai စက်ရုံမှ ထုတ်လုပ်ရေး လုပ်ငန်းများကို Shonan ရှိ စက်ရုံသို့ ပြောင်းရွှေ့ခဲ့သည်။

ဩဂုတ်လ 2002 တွင် အေဒီကို မျက်နှာမူခဲ့သည်။ အထူးသဖြင့် bootlid sheet metal ကို ပြန်လည်ပြုပြင်ပြီး မူလဗားရှင်းတွင် မြင်တွေ့ရသော စာသားများကို ဖယ်ရှားကာ မီးကင်ကိုလည်း ပြန်လည်ပြင်ဆင်ထားသည်။ ၂၀၀၄ ခုနှစ် မေလတွင် ရှေ့ဘက်အချက်ပြများကို AD Van အတွက် ရှင်းလင်းသော ယူနစ်များအဖြစ် အခြားအသေးအဖွဲ ဖြတ်ပိုင်းခြားနားချက်များနှင့်အတူ ပြောင်းလဲခဲ့သည်။ 2005 ခုနှစ် နိုဝင်ဘာလမှ စတင်၍ တရားဝင် လိုအပ်ချက်များနှင့် ကိုက်ညီရန် ဥရောပ ပို့ကုန် မော်ဒယ်များကဲ့သို့ အရှေ့ကာကာတွင် ဘေးဘက် အမှတ်အသား မီးကို တပ်ဆင်ခဲ့ပါသည်။

AD Van အမျိုးအစားကို 1.3 L QG13DE ဖြင့် စတင်ခဲ့ပြီး၊ နောက်တွင် 1.5 L QG15DE၊ 1.8 L QG18DE (4WD သာ) နှင့် 2.2 L YD22DD ဒီဇယ်အင်ဂျင်တို့ကိုလည်း လေးဘီးယက်ဖြင့် ရရှိနိုင်သည်။[9] 2000 ခုနှစ် ဇန်နဝါရီလမှစ၍ 1.8-litre အင်ဂျင်ကို LPG ပါဝါသုံး AD Van (CFF-VGY11) ၏ ရှေ့ဘီးယက်ဗားရှင်းဖြင့်လည်း ရရှိနိုင်ပါသည်။ CNG မော်ဒယ်ကို သေးငယ်သော်လည်း တည်ငြိမ်သော နံပါတ်များဖြင့် ရောင်းချသည်။ စုဆောင်းရောင်းချမှုသည် အစီးရေ 1,000 သို့ရောက်ရှိရန် လ 30 ကျော် (ဇူလိုင် 2002) အချိန်ယူခဲ့ရသည်။

အခြားမျိုးကွဲအားလုံးအတွက် 1.3 နှင့် 400 ကီလိုဂရမ် (882 ပေါင်) အတွက် ဝန်ဆောင်ခများမှာ 300 ကီလိုဂရမ် (661 ပေါင်) ဖြစ်သည်။ AD Van ကို DX နှင့် GX မော်ဒယ်များတွင် ရရှိနိုင်ပြီး အပိုပစ္စည်းများ ပက်ကေ့ချ်များကိုလည်း ရရှိနိုင်ပါသည်။ ဂျပန်နိုင်ငံသည် ၎င်း၏မြို့များအတွင်း ဒီဇယ်ကားများအသုံးပြုမှုကို တက်ကြွစွာ တွန်းအားပေးသောကြောင့် ဒီဇယ်အင်ဂျင်ကို ၂၀၀၄ ခုနှစ် ဧပြီလတွင် ရပ်ဆိုင်းခဲ့သည်။

2006 ခုနှစ် ဇန်နဝါရီလတွင် ထုတ်လုပ်မှုကို Nissan ၏ Kyushu Plant သို့ ထပ်မံလွှဲပြောင်းခဲ့ပါသည်။ ဒီဇင်ဘာလတွင် Y12 စီးရီးကို မိတ်ဆက်ခဲ့ပြီး အများအားဖြင့် Y11 ကို အစားထိုးခဲ့သည်။ သို့ရာတွင်၊ Y11 ၏ စီးရီးငယ်မျိုးကွဲများသည် ကနဦးတွင် လေးဘီးယက်၊ manual ဂီယာ သို့မဟုတ် CNG စွမ်းအင်သုံး Y12s များကို ကမ်းလှမ်းထားခြင်း မရှိသောကြောင့် ၂၀၀၈ ခုနှစ် ဒီဇင်ဘာလအထိ ဆက်လက်ထုတ်လုပ်ခဲ့သည်။

စီးပွားဖြစ် AD Van ဗားရှင်းကို Mazda Familia Wagon နှင့် Subaru Leone Van (မတ်လ ၂၀၀၁ ခုနှစ်အထိ) အဖြစ် ဆက်လက်ရောင်းချခဲ့သည်။
1.3cc အင်ဂျင်အတွက် ဆီတိုင်ကီ 50 liters ဆံ့ပါသည်။

07/08/2025

Taxi probox YGN
လှိုင်သာယာမြို့နယ်
က ကား အဝယ်မမှား ဖို့
တင်ပေးတာပါ မှတ်တမ်းပါတာ ကို မသိသလိုပုံစံနဲ့ ရောငါးပါတယ် ပြီးရင် မိုက်ကြေးခွဲပါတယ် အသေးစိတ်နောက်ရက်ထပ်တင်ပေးပါမယ်
နံပါတ် နေရာ ကားပုံအစုံထပ်တင်ပေးပါမယ်

#ကားဘက်ထရီဖြုတ်လိုက်လျှင်ကြုံတွေ့ရမယ့် #ပါဝါဝင်းဒိုးပြဿနာဖြေရှင်းနည်းသင့်ကားရဲ့ ဘက်ထရီကိုအကြောင်းကြောင့် ဖြုတ်ပြီး ပြန...
06/08/2025

#ကားဘက်ထရီဖြုတ်လိုက်လျှင်ကြုံတွေ့ရမယ့် #ပါဝါဝင်းဒိုးပြဿနာဖြေရှင်းနည်း

သင့်ကားရဲ့ ဘက်ထရီကိုအကြောင်းကြောင့် ဖြုတ်ပြီး ပြန်တပ်တဲ့အခါ ကြုံတွေ့ရမယ့် ပြဿနာတွေထဲက တစ်ခုကတော့ ကားတံခါးမှန်တွေကို ယာဉ်မောင်းဘက်က ခလုတ်ကနေ တင်/ချ လုပ်လို့မရတော့တဲ့ ပါဝါဝင်းဒိုးပြဿနာပဲ ဖြစ်ပါတယ်။

ယာဉ်မောင်းဘက်က မှန်ကိုတော့ တင်/ချ ပြုလုပ်လို့ရနေဦးမှာ ဖြစ်ပြီး အခြားတံခါးပေါက်တွေက မှန်တွေကတော့ ယာဉ်မောင်းဘက် ခလုတ်ကနေ တင်/ချ လုပ်လို့မရတော့ဘဲ သက်ဆိုင်ရာတံခါးရဲ့ ခလုတ်ကနေသာ တင်/ချ ပြုလုပ်လို့ရမှာ ဖြစ်ပါတယ်။ ဒီပြဿနာကို ဝပ်ရှော့ပြေးစရာမလို ဝါယာရိန်းဆိုင် ပြေးစရာမလိုဘဲ မိမိကိုယ်တိုင် လွယ်ကူစွာ ဖြေရှင်းနိုင်ပါတယ်။

ဘက်ထရီပြန်တပ်ပြီးပြီဆိုပါက အရင်ဆုံးကားစက်နှိုးထားပါ။ မှန် တင်/ချ လုပ်လို့မရတော့တဲ့ တံခါးမှာရှိတဲ့ခလုတ်ကနေတစ်ဆင့် မှန်ကို အဆုံးထိတင်ပါ။ မှန်အဆုံးထိရောက်သွားပါက ခလုတ်ကို မလွှတ်သေးဘဲ ၅ စက္ကန့်လောက် ဆက်မထားပါ။ အဲ့ဒီနောက် မှန်ကိုအဆုံးထိချပါ။ မှန်အဆုံးရောက်ပါက ခလုတ်ကို မလွှတ်သေးဘဲ ၅ စက္ကန့်လောက် ဆက်ဖိထားပါ။

အားလုံးပြီးရင်တော့ ယာဉ်မောင်းသူဘက်က ခလုတ်ကနေ မှန် တင်/ချ ပြန်လုပ်ကြည့်ပါ။ အဆင်ပြေသွားပြီဆိုပါက ကျန်ရှိနေတဲ့ မှန် တင်/ချ မရတဲ့ တံခါးကိုလည်း အထက်ဖော်ပြနည်းအတိုင်းလုပ်ပေးလိုက်ပါ။ (မှန် တင်/ချ ၅ စက္ကန့်လောက်လုပ်တဲ့အဆင့်တွေမှာ သိပ်မသေချာဘူးထင်ရင် ၂ ခါ ၃ ခါလောက် တင်/ချ ပြုလုပ်ပေးပါ။)

ဘက်ထရီဖြုတ်လိုက်ခြင်းကြောင့် ပါဝါဝင်းဒိုးပြဿနာအပြင် အခြား ပြဿနာတွေဖြစ်တဲ့ တီဗီက နောက်ကြည့်ကင်မရာ မရတော့ခြင်း၊ မြေပုံပြန်တောင်းခြင်း၊ ကုဒ်တောင်းခြင်း အစရှိတဲ့ ပြဿနာတွေလည်း တတ်နိုင်ပါတယ်။ ဒါကြောင့် ဘက်ထရီကိုအကြောင်းမရှိဘဲ မဖြုတ်ကြပါရန်နဲ့ လိုအပ်လို့ ဖြုတ်မည်ဆိုပါကလည်း OBD II ကနေတစ်ဆင့် ပါဝါပေးပြီးမှ ဖြုတ်သင့်ပါတယ်။

ကဲလိုရင် saveသာသွားလိုက် #ရန်ကုန်ဩဂုတ်လအတွက် #လျှပ်စစ်မီးပေးမဲ့အချိန်ဇယားလေးပါ
05/08/2025

ကဲလိုရင် saveသာသွားလိုက်
#ရန်ကုန်ဩဂုတ်လအတွက်
#လျှပ်စစ်မီးပေးမဲ့အချိန်ဇယားလေးပါ

ြောင်း ကားအကြောင်းမသိသေးသူများသိရှိစေရန် ဖော်ပြပေးလိုက်ပါတယ်။Mid-size luxuryကားအဖြစ်ဂျပန်ကားထုတ်လုပ်ရေးcompany Toyotaက၂...
01/08/2025

ြောင်း

ကားအကြောင်းမသိသေးသူများသိရှိစေရန် ဖော်ပြပေးလိုက်ပါတယ်။
Mid-size luxuryကားအဖြစ်ဂျပန်ကားထုတ်လုပ်ရေးcompany Toyotaက၂၀၀၄ခုနှစ်မှာစတင်ရောင်းချခဲ့ပါတယ်။ဂျပန်နဲ့တရုတ်၂နိုင်ငံမှာသာရောင်းချပြီး တရုတ်နိုင်ငံမှာတော့ Toyota Reizအဖြစ်လူသိများပါတယ်။ Mark Xဟာ1968မှာစတင်ထုတ်လုပ်ခဲ့တဲ့Mark llကိုတစ်ဆင့်မြှင့်ပြီးပြန်ထုတ်ထားတာဖြစ်ပါတယ်။ Mark X ဟာအရင်Mark ll တွေနဲ့ညီအကိုတွေဖြစ်သလို အာရှမှာနာမည်ကြီးခဲ့တဲ့ Toyota Chaserနဲ့Luxury carမျိုးဖြစ်တဲ့ Toyota Crestaတို့နှစ်စီးကို ပေါင်းပြီးထုတ်လုပ်ထားတာဖြစ်ပါတယ်။ Mark Xကိုဂျပန်မှာCamryရဲ့ကားsizeနဲ့နောက်ယက်ရော 4WDပါသုံးလို့ရအောင် customersတွေရဲ့တောင်းဆိုမှုအရ ထုတ်လုပ်ထားတဲ့ကားတစ်စီးလည်းဖြစ်ပါတယ်။

Mark Xမှာ253 horse power(189kW) 3.0Lနဲ့212 horse power(158kW)ဆိုပြီးလာပါတယ်
Chassisတွေအနေနဲ့ကတော့
GRX120-2500cc,2WD
GRX125-2500cc,4WD
GRX121-3000cc,2WD ဆိုပြီးပထမမျိုးဆက်မှာလာပါတယ်။
GRX120နဲ့121ခေါ်နောက်ယက်ကားတွေမှာတော့ အော်တိုဂီယာ၆ချက်နဲ့လာပြီး GRX125ဖြစ်တဲ့4WDကားတွေကတော့အော်တိုဂီယာ၅ချက်နဲ့သာရရှိနိုင်ပါတယ်။

ပထမမျိုးဆက်မှာဘဲ 3GR-FSE engineပါပြီးအရေအတွက်အကန့်အသတ်နဲ့ထုတ်ထားတဲ့Mark X supercharged versionလည်းရှိပါတယ်။
သူက 3.0ccဖြစ်ပြီး horse power 316(236kW)ဖြစ်ပြီးတော့six speed auto transmissionဖြစ်ပြီး original 50th Anniversary shellsဖြစ်တဲ့Vertiga bodykitsပါတပါးတည်းပါလာမှာဖြစ်ပါတယ်။ သူကတော့ကျနော်တို့မြန်မာနိုင်ငံထဲမှာမရှိသလောက်ရှားပါတယ်။အခုထိတော့Mark X supercharged ကိုရိုးရိုးပုံစံအနေနဲ့သာတွေ့ဖူးသေးပါတယ်။ ကျနော်ကြည့်မိသလောက် Supercharged engineနဲ့50th Anniversary shells(Vertiga Bodykits)ပါတဲ့ကားကတစီးတည်းရှိအုန်းမှာဖြစ်သလို အဲ့တစီးကလည်းအခုထိဒီနိုင်ငံထဲကိုမရောက်သေးပါဘူး။

ဒီဇိုင်းပိုင်းအရလည်းMark Xဟာ အရှေ့ရှဲလ်'X'ပုံနဲ့အများအားဖြင့်လာသလို လူငယ်အကြိုက် modellista kits,Wald bodykitsတို့Vertiga bodykitsတို့နဲ့လည်းလာပါတယ်
Modellista body kitsနဲ့ဆိုရှဲလ်သုံးတန်းဖြစ်ပြီး အရှေ့မှာXတံဆိပ်မပါဝင်တော့ပါဘူး။Wald skirtsကတော့ရိုးရိုးစကဒ်ပတ်လည်းဖြစ်ပြီးVertigaကတော့လုံးဝရုပ်ပြောင်းရှဲလ်ဖြစ်ပြီး စကာပေါက်နဲ့လာတာဖြစ်ပါတယ်။

Mark Xရဲ့အတွင်းခန်းကတော့ Gradeပေါ်မူတည်ပြီးအမျိုးမျိုးကွဲပြားသွားမှာဖြစ်ပါတယ်။
Gကတော့ Mark Xတိုင်းရဲ့Base Gradeဖြစ်ပြီး
F package
L package
S packageဆိုပြီး၃မျိုးကွဲပါသေးတယ်။GRX121ခေါ် 3.0CCမှာလည်းPremiumနဲ့Premium S packageဆိုပြီးထပ်ကွဲပြားပါသေးတယ်

PackageတွေထဲမှာF packageကအနိမ့်ဆုံးဖြစ်ပြီးတော့သူကအများအားဖြင့် Original TVမဖြစ်သလို,ရိုးရိုးkeyနဲ့လာပြီးထိုင်ခုံတွေကမော်တာမပါပါဘူး။သံဂွေ ဘီးဖုံးနဲ့လာသလို အများအားဖြင့်ဘတ်မှန်မှာမီးတန်း မပါပါဘူး

L packageကတော့အများအားဖြင့်original TVဖြစ်သလိုရိုးရိုးkeyရောsmart key(push start) နဲ့ပါလာပါတယ်။ 16" alloyတွေဖြစ်သလို ထိုင်ခုံတွေကမော်တာတွေနဲ့ဖြစ်ပြီး ကျွန်းကွက်အဝါနဲ့အနီဆိုပြီးရရှိနိုင်ပါတယ်

S packageကတော့ sport packageဖြစ်ပြီးသူက18" alloy Original TV,Smart keyတွေနဲ့ထိုင်ခုံကမော်တာတွေနဲ့ဖြစ်ပြီးအတွင်းခန်းခုံတွေကတော့sportဆန်ဆန်အနက်ရောင်တွေဖြစ်ပြီးoptionအရ လေသန့်စင်စနစ်,auto parking systemပါဝင်လာပေမဲ့ထိုကဲ့သို့ကားကလေလံမှာရှားပါးလှပါတယ်။

3.0Premiumကတော့Gradeရောပစ္စည်းပါစုံပြီးလို့ပြောလို့ရပါတယ်။18" alloyနဲ့လာသလိုOriginal TV,smart key,ထိုင်ခုံမော်တာဖြစ်ပြီးလေသန့်စင်စနစ် Autoပါကင်တို့ကတပါးတည်းပါဝင်လာမှာဖြစ်ပါတယ်။

3.0Premium S packageကတော့Mark Xထဲမှာအပြီးပြည့်စုံဆုံးလို့ပြောလို့ရပါတယ်။သူက18" alloy,Original TV,ထိုင်ခုံတွေကမော်တာပါဝင်လာပြီး Cruise controlပါဝင်လာမှာဖြစ်သလိုခြေကျော်မီး,spoiler,နောက်wiperတွေလည်းပါဝင်လာမှာဖြစ်ပါတယ်။ အတွင်းခန်းကအနက်ရောင်(သို့) leather seatတွေနဲ့လည်းလာပါတယ်။ (Leather seatတွေက အရှေ့ကဖော်ပြထားတဲ့ကားတွေမှာလည်း optionအနေနဲ့ပါတတ်ပါတယ်)

Mark X2004/05ကိုတင်သွင်းမယ်ဆိုရင် ကားဂရိတ်ပေါ်မူတည်ပြီးလေလံစျေးအရ နိုင်ငံတော်အခွန်ပါအပါအဝင် ကျပ်သိန်း၁၉၀ကနေ၂၄၀လောက်ထိကျနိုင်ပါတယ်။
ကားဂရိတ်,အရောင်စသည်တို့ အပေါ်မူတည်ပြီးစျေးများပြောင်းလဲမူ့ရှိပါတယ်...။

Crd---

Address

Yangon

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00

Website

Alerts

Be the first to know and let us send you an email when Nissan ad van နွားလေး သီးသန့် အရောင်းဝယ် posts news and promotions. Your email address will not be used for any other purpose, and you can unsubscribe at any time.

Shortcuts

Share

Category