22/01/2021
📄 #ဆေးစစ်ချက်မလိုပဲ 📄သွားလို့ရတဲ့
နေရာတွေ တူတူသွားရအောင် ! 😃😃
With ( Driver + Fuel + Toll Fees) 👇
🚐 ောက်စီး 🚐
⏳5နာရီ = half day⏩40000ks
⏳10နာရီ =နေ့အပြည့်=Fullday⏩80000ks
🕰️ အချိန်ပို (OT ) 1နာရီ ⏩8000ks
🚘 ောက်စီး 🚘
⏳ 1 နာရီ ⏩6000ks
⏳ 5နာရီ = half day ⏩28000ks
⏳10နာရီ=နေ့အပြည့် =Full day⏩55000ks
မိတ်ဆွေတို့ အချိန်ပိုပေါ်မူတည်၍ အဆင်ပြေဆုံးဖြစ်အောင် ညှိနှိုင်းဆောင်ရွက်ပေးပါ ခင်မျာ 😊
Contacts Ph :
09-752 317 464 / 09- 772 754 178
အိမ်မှာ နေရာတာ ငြီးငွေ့နေပြီ။ ခဏလောက်ဖြစ်ဖြစ် အပြင်လေးထွက်ပြီး အပန်းဖြေချင်ပါတယ်ဆိုတဲ့ သူတွေအတွက် မင်မင်ရှာဖွေလို့ရသမျှ ရန်ကုန်နဲ့ နီးနီးနားနား နေ့ချင်းပြန်သွားလို့ရတဲ့ နေရာလေးတွေ ပြောပြပေးလိုက်တယ်နော်။ 🥰
(2) GREEN HOPE
သန်လျင်မြို့နယ်၊ ရုံးသပြေကန်စံပြကျေးရွာမှာတည်ရှိပါတယ်။ အနားယူဖို့အတွက် နေရာတစ်နေရာ ငှားခ ၁၀၀၀၀ ကျပ်ပါ။ Activity အတွက် လှေစီးတာ၊ ငါးမျှားတာ ပြုလုပ်လို့ရပါတယ်။
(3) ယာခင်းသာ -Yar Khin Thar
သူက သန်လျင် အမှတ် (၂) လမ်းမကြီး၊ ဘော့ချောင်းတံတားအဆင်း ၊ သန်လျင်မြို့နယ်မှာ တည်ရှိပါတယ်။ အပန်းဖြေစရာနေရာ သီးသန့်ဖြစ်လို့ တခြား Activity လုပ်စရာတွေတော့ မရှိပါဘူး။
(4) Rubber Village
သူက မှော်ဘီတိုးဂိတ်အကျော် ပန်းတပွင့်တောင် နားမှာတည်ရှိပါတယ်။ ဈေးနှုန်းအနေနဲ့ကတော့ Day return နှစ်ယောက်စာကို ၄၅၀၀၀/ ၆၅၀၀၀၊ ငါးယောက်စာကို ၇၀၀၀၀/၁၁၈၀၀၀ ဆိုပြီး Package အမျိုးအစား နှစ်မျိုးရှိပါတယ်။
(5) Tha Bar Wa Camp Ground - သဘာဝ
ဒီ Camp လေးက မှော်ဘီ အကျော်နားလေးတင်ပဲ တည်ရှိတာပါ။ မှော်ဘီ ကျော်လာပြီးရင် Star High ဆီဆိုင်ဆိုတာ ရှိပါတယ်။ အဲ့ဆီဆိုင် အကျော် (၃) လမ်းမြောက်၊ ကွက်သစ် (၃) လမ်းအတိုင်း တည့်တည့်ဝင်သွားရုံပါပဲ။ ဈေးနှုန်းကတော့ Day return နှစ်ယောက်စာ ၆၈၀၀၀၊ ရှစ်ယောက်စာ ၁၇၀၀၀၀ ကျပ်ပါ။
(6) W campground
မှော်ဘီ GTU အကျော် လမ်း ညာဘက်ခြမ်းမှာ ဆည်မြောင်းလမ်းဆိုတာရှိပါတယ်။ အဲ့တိုင်းတည့်တည့်ဝင်သွားရင်ရပါတယ်။
ဒါလေးကတော့ မင်မင်တို့သွားခဲ့တုန်းက ရိုက်ခဲ့တဲ့ ဗီဒီယိုလေးပါ။ (https://www.facebook.com/travelwithlove.18/videos/449851569386050)
ဒါက မင်မင်ရေးထားတဲ့ Review အသေးစိတ် Link လေးပါ။ (https://www.facebook.com/220381058830758/posts/752970565571802/ )
(7) Family croft
သူက မှော်ဘီမြို့နယ် ကျောက်ကာကွင်း ကျေးရွာမှာတည်ရှိပါတယ်။ ဈေးနှုန်းကတော့ တစ်ဦးကို ၁၇၀၀၀ ကျပ်ဖြစ်ပြီး ၉ ဦးနဲ့အထက်ဆိုရင်တော့ တစ်ဦးကို ၁၅၀၀၀ ကျပ်ပါ။
(8) Show Caso
ရန်ကုန်တိုင်း လှည်းကူးမြို့နယ်က ငါးဆူတောင် မှာတည်ရှိပြီး အမြန်လမ်း (၁၀) မိုင်ကနေလည်း ဝင်လို့ရပါတယ်။ Day return အတွက် Maximun 6 pax ကို တစ်သိန်းခွဲကျပ်ပါ။
(9) Green Farmer
လှည်းကူးမြို့နယ်၊ ငါးဆူတောင်ကျေးရွာမှာတည်ရှိပါတယ်။ အနားယူဖို့ နေရာငှားခက ၇၀၀၀၀ ကျပ်ဖြစ်ပြီး လူ ၁၂ ယောက်အထိ လက်ခံပါတယ်။
(10) ကရင်လယ်တောနိုဖထော
သူက လှည်းကူးမှာ တည်ရှိပါတယ်။ ရန်ကုန်ကနေ သွားမယ်ဆိုရင် ၁၅ ရောက်မိုင် ရောက်တဲ့အခါ ဂငယ် ကွေ့ကွေ့ပြီး မြေနီလမ်းလေးထဲ ဝင်သွားရမှာပါ။ ကရင်စာစစ်စစ် စားချင်တဲ့သူတွေတော့ နှစ်သက်မှာ သေချာပါတယ်။ အဲ့မှာ ဝါးဖောင်လေးတွေလည်း စီးလို့ရပါတယ်။
(11) Green Leaves - Campground
ဒါလေးကတော့ လှည်းကူးမြို့နယ် ပဲခူးရိုးမ ခြေရင်းမှာတည်ရှိပါတယ်။ အပြီးအစီး တစ်ယောက်ကို ၃၀၀၀၀ ကျပ်ကျသင့်ပြီး အင်းစိန် စော်ဘွားကြီးကုန်းလမ်းဆုံကနေ Camp အထိ ကားအကြို၊ အပို့ရှိပါတယ်။ စနေနေ့ တစ်ရက်တည်းဖွင့်လှစ်ပြီး တစ်ရက်ကို အဖွဲ့ နှစ်ဖွဲ့သာ လက်ခံတဲ့အတွက် Booking ကို ၂ ပတ်ခန့်ကြိုတင်ဖို့လိုပါလိမ့်မယ်။
(12) Sandayaw Hotel & Resort
သူကတော့ (၁၂) မိုင်၊ ရန်ကုန်-ပုသိမ်လမ်းမကြီး စန္ဒယောကျေးရွာ၊ ထန်းတပင်မြို့နယ်မှာ တည်ရှိတဲ့ Resort လေးပါ။ Resort ဝင်ကြေး အခမဲ့ဖြစ်ပြီး နားနေဖို့အတွက် တဲ နဲ့ ဟော်တယ်အခန်းလေးတွေယူမယ်ဆိုရင်တော့ Fee ပေးရပါတယ်။
(13) Mother's Village Resort - အမေ့ရွာ
ဒီ Camp လေးက အမြန်လမ်း ၁၆ မိုင်နားမှာ တည်ရှိပါတယ်။ Day return အတွက် တစ်ယောက်ကို ၁၅၀၀၀ ကျပ်ပါ။ Night Stay ဆိုရင်တော့ တစ်ယောက်ကို ၃၂၀၀၀ ကျပ်ပါ။
(14) ဝင်း သစ်မွှေးခြံ - Win Farm
သူက page တော့မရှိပါဘူး။ သွားမယ်ဆိုရင် Win Bamboo Restaurant (09779985500, 09955892139) ကို ဆက်သွယ်ပြီး Booking ယူလို့ရပါတယ်။ ရန်ကုန် အမြန်လမ်း ၁၆ မိုင် ၆ ဖာလုံမှာ တည်ရှိပါတယ်။ ဝင်ကြေးအခမဲ့ဖြစ်ပြီး အနားယူဖို့ တဲငှားမယ်ဆိုရင် ၅၀၀၀ ကျပ် ပေးရပါတယ်။ ပြင်ပအစားအစာယူလာရင် Table charges ၅၀၀၀ ကျပ်ပါ။
(15) 38 Miles Farm
သူက ရန်ကုန်-မန္တလေး အမြန်လမ်း ၃၈ မိုင်မှာတည်ရှိပါတယ်။ ဈေးနှုန်းကတော့ Day return တစ်ယောက်ကို ၁၃၀၀၀ ကျပ်ပါ။
(16) Shwe yoe Farm
ဒါလေးကတော့ အမြန်လမ်း ၃၉ မိုင်နားမှာ တည်ရှိပါတယ်။ Day return ပဲ လက်ခံပြီးတော့ ဝင်ကြေးကတော့ တစ်ယောက်ကို ၅၀၀၀ ကျပ်ပါ။
(17) တို့လယ္ေတာ
တို့လယ်တော ဆိုတဲ့နာမည်အတိုင်း လယ်ကွင်းလေးတွေ၊ သဘာဝ ပတ်ဝန်းကျင်အလှတွေကို ခံစားပြီး အပန်းဖြေလို့ရပါတယ်။ သူက တွံတေးတံတားအဆင်းလေးမှာ တည်ရှိပါတယ်။
(18) Green Land Hotel & Resort
Green Land Hotel & Resort ရဲ့ တည်နေရာက ရန်ကုန်မြို့နဲ့ (၂၁) မိုင်အကွာ၊ မဲဇလီ-ဒလကျေးရွာ၊ ညောင်တုန်းမြို့နယ်မှာပါ။ မင်မင်ရေးထားတဲ့ Review လေးကို ဒီ Link (https://www.facebook.com/media/set/?vanity=travelwithlove.18&set=a.358520605016802 )မှာ ဝင်ဖတ်လို့ရပါတယ်။
(19) Bago Yoma Eco Resort
ရန်ကုန်ကနေသွားရင် ၆ နာရီသာ ကြာပြီး ပေါက်ခေါင်းမြို့မှာတည်ရှိပါတယ်။ မင်မင်ရေးထားတဲ့ Review လေးကို ဒီ Link (https://www.facebook.com/220381058830758/posts/547440732791454/ ) မှာ ဝင်ဖတ်လို့ရပါတယ်။
(20) ဆယ်အိမ်တန်းကမ်းခြေ
သူက ရန်ကုန်မြို့တစ်ဖက်ကမ်း၊ ကွမ်းခြံကုန်းမြို့နယ်မှာတည်ရှိပါတယ်။ မင်မင်ရေးထားတဲ့ Review လေးကို ဒီ Link (https://www.facebook.com/220381058830758/posts/623943345141192/ ) မှာ ဝင်ဖတ်လို့ရပါတယ်။
(21) Cohort Explorers (Private Island Campsite)
ရန်ကုန်တိုင်း ဥက္ကံမြို့တွင်းမှာ တည်ရှိတဲ့ ဒီ Campsite လေးကတော့ Cohort Explorers နဲ့ ချိတ်ပြီးသွားရမှာပါ။ အသေးစိတ် Link >> https://www.facebook.com/tharngehtwetravelog/posts/1022282871614813
(22) Nyaung Hna Pin Cottage
သူက မှော်ဘီတိုးဂိတ်အကျော်၊ ညောင်နှစ်ပင်ကျေးရွာမှာတည်ရှိပါတယ်။ နေ့ချင်းပြန် ဈေးနှုန်းကတော့ ၁ ဦးမှ စပြီး ၆ ဦးအထိကို 40000 ကျပ်ဖြစ်ပြီး ညအိပ်များအတွက် ၁ ဦးမှ ၆ ဦး အထိကို 60000 ကျပ်ဖြစ်ပါတယ်။
(23) Heather Waddy's Garden
သူက မှော်ဘီမြို့နယ်မှာ တည်ရှိပါတယ်။ အညာထမင်းဝိုင်းလေးနဲ့အတူ တစ်ရက်တာ အပန်းဖြေချင်တဲ့သူတွေအတွက် အဆင်ပြေပါတယ်။ ဓာတ်ပုံလှလှရိုက်ဖို့အတွက် ဂန္ဓမာပန်းခင်းကြီးလည်းရှိပါတယ်နော်။ လည်ပတ်အပန်းဖြေခကတော့ တစ်ယောက်ကို တစ်သောင်းကျပ်ပါ။
(24) Shan Shwe Ou Resort and Restaurant
သူက လှိုင်သာယာအလွန် ထန်းတပင်မြို့နယ် ရန်ကုန်-ပုသိမ်လမ်းမကြီးပေါ်မှာတည်ရှိပါတယ်။ ငါးမျှားတာအပြင် အခြား Activity တွေလည်း လုပ်လို့ရပါတယ်။
(25) INN the FARM
အမြန်လမ်း ၃၇ မိုင် ၇ ဖာလုံ မှာတည်ရှိပါတယ်။ ဈေးနှုန်းအနေနဲ့ နေ့ချင်းပြန်ဆိုရင် တစ်ယောက်ကို ၂၅၀၀၀ ကျပ်ကျသင့်ပါတယ်။ Activity အနေနဲ့ စက်လှေစီးတာ၊ Kayak လှော်တာ ပြုလုပ်လို့ရပါတယ်။
(26) Future Camping Group
အမြန်လမ်း ၃၆ မိုင် ၃ ဖာလုံမှာတည်ရှိပါတယ်။ ဈေးနှုန်းအနေနဲ့က နှစ်ယောက်စာအတွက် နေ့ချင်းပြန် ၆၅၀၀၀ ကျပ်၊ ညအိပ် ၈၅၀၀၀ ကျပ်။ ၈ယောက်စာအတွက် နေ့ချင်းပြန် ၁၅၀၀၀၀ ကျပ်၊ ညအိပ် ၂၅၀၀၀၀ ကျပ်ပါ။
(27) Yoma Horse Camp
Yangon-Mandalay အမြန်လမ်းကနေ ၃၉ မိုင်အကွာမှာ ဘောနပ်ကြီးဆိုတဲ့နေရာရှိပါတယ်။ အဲ့မှာ ဘယ်ဘက်ချိုးပြီး ၄၅ မိနစ်လောက်မောင်းတာလိုက်ရင် Yoma Horse Camp ကို ရောက်ပါပြီ။ Activity တွေအနေနဲ့ လှေစီး၊ မြင်းစီး၊ စက်ဘီးစီး၊ ဘောလုံးကန်၊ ကြက်တောင်ရိုက်တာတွေလုပ်လို့ရပါတယ်။
(28) Little forest -သစ်တောပိစိ
သူက တိုက်ကြီးမြို့၊ ရိုးမပတ်လမ်းမှာ တည်ရှိပါတယ်။ ဈေးနှုန်းအနေနဲ့
Day return ဆို 40000 ကျပ် (၄ယောက်စာပါ)၊ Overnight ဆို -60000 ကျပ် (၄ယောက်စာပါ)
လူ ၄ယောက်လက်ခံပါတယ်... ၄ယောက်ထက်ပိုရင် တစ်ယောက်ကို 5000 ထပ်ပေါင်းယူပါတယ်။ ၂ယောက်ထဲဆိုရင်လည်း ၄ယောက်စာ packageကိုပဲယူရပါတယ်။
(29) Seinn So - စိမ်းစို
Seinn So ရဲ့တည်နေရာလေးက ရန်ကုန် - မန္တလေး အမြန်လမ်းပေါ် ၁၅ မိုင် ၄ ဖာလုံ မှာပါ။ Activity အနေနဲ့ E-Bike, စက်ဘီးစီးတာ ပြုလုပ်လို့ရပါတယ်။
(30) Jungle Walk
ရန်ကုန်-မန္တလေး အမြန်လမ်း 32 မိုင် 6 ဖာလုံ ကနေ အထဲကို အနည်းငယ်ဝင်လိုက်ရင် Jungle Walk Campsite ကို ရင်ရောက်ပါပြီ။ သူက Adventure ကို ကြိုက်တဲ့ သူတွေအတွက် ပိုအဆင်ပြေပါတယ်။ Campsite ထဲမှာ မျောက်၊ တောကြောင်၊ ဘဲ၊ ငါး တွေမွေးမြူထားပါတယ်။
(31) Cocoon - ကိုကွန်း
သူက လှည်းကူးမြို့နယ်မှာ တည်ရှိပါတယ်။ ဈေးနှုန်းကတော့ Day Return တစ်ယောက်ကို ၂၀၀၀၀ ကျပ်ပါ။
(32) Nature Resort CAMP Ground
သူက ပဲခူးမြို့ရှောင်လမ်း ၊ ကန်တော်ကြီးအနီး ၊
ပဲခူးရိုးမတောင်ခြေမှာ တည်ရှိပြီး ဈေးနှုန်းအနေနဲ့ နှစ်ယောက်စာ ၆၈၀၀၀ ကျပ်၊ ၅ ယောက်စာ ၁၂၀၀၀၀ ကျပ်ပါ။
(33) Hevea Forest Campground & Hiking Trails
ဒီ Campground လေးက အမြန်လမ်း ၃၅ မိုင် ၇ ဖာလုံ မှာတည်ရှိပါတယ်။ ဈေးနှုန်းအနေနဲ့ Day Return တစ်ယောက်ကို ၃၀၀၀၀ ကျပ်၊ ၅ ယောက်ကို ၁၃၀၀၀၀ ကျပ်၊ ၈ ယောက် ၂၀၀၀၀၀ ကျပ်ပါ။
(34) ဂျိုးဖြူ Camping Ground
သူက ရန်ကုန်တိုင်း တိုက်ကြီးမြို့နယ် အတွင်းက ဂျိုးဖြူကန်သို့ သွားတဲ့ လမ်းလေးပေါ်မှာ တည်ရှိပါတယ်။ ဈေးနှုန်းအနေနဲ့ Day Return ၂ ယောက်စာ ၆၅၀၀၀ ကျပ်၊ ၄ ယောက်စာ ၁၂၀၀၀၀ ကျပ်၊ ၆ ယောက်စာ ၁၇၀၀၀၀ ကျပ်ပါ။
(35) ယောက်ဖတို့ ခြံ
သူက သစ်တောလမ်း၊ ရိုးမကွေ့၊ တိုက်ကြီးမြို့နယ်မှာ တည်ရှိပါတယ်။ ခြံဝင်ကြေး တစ်ယောက်ကို တစ်ထောင်ကျပ်နှုန်း သတ်မှတ်ထားပြီး တနေ့တာ နားနေဆောင် ငှားရမ်းခက ၅၀၀၀ ကျပ် နဲ့ ၃၀၀၀၀ ကျပ်ဆိုပြီး ရှိပါတယ်။
**************************
ကဲ မင်မင်ကတော့ သွားလို့ရမယ့်နေရာလေးတွေကို အလင်းပြပေးလိုက်ပြီနော်။ သွားတာ၊ မသွားတာက ယူတို့အပိုင်းဖြစ်သွားပြီ။ နောက်ထပ် နေရာလေးတွေ ထပ်တွေ့ရင် ဒီပိုစ့်မှာပဲ edit လုပ်ပြီး ထပ်ပေါင်းထည့်ပေးမှာမို့ ဒီပိုစ့်လေးကို share ထားတာ ပိုအဆင်ပြေမယ်နော်။😍😍
(** Post ကို လွတ်လပ်စွာ Share နိုင်သည်။ တစ်ဆင့်ပြန်လည် ကူးယူဖော်ပြခြင်း သည်းခံပါ။**)
#ရန်ကုန်မြို့နှင့်အနီးတစ်ဝိုက်နေ့ချင်းပြန်လည်ပတ်စရာနေရာများ
