18/04/2022
Road Trip with MAXUS !!!
Road trip စထွက်လာတုန်းက ပြင်ဦးလွင် တခုထဲ တက်မယ်ပေါ့
ကားဦးတည့်ရာမောင်းရင်း ဘယ်တွေရောက်သွားသလဲဆိုတော့
🔹၉ ရက်နေ့ ပြင်ဦးလွင်တက်
💤Hotel Sakura မှာအိပ်
🔹၁၀ ရက်နေ့
🙏လေးမျက်နှာဘုရား
🙏 မဟာအံ့ထူးကံသာဘုရား
🏝B.E ရေတံခွန် နဲ့မှန်တံတား
🙏ပိတ်ချင်းမြောင် မဟာနန္ဒာမူလှိုဏ်ဂူတော်
🙏အပြန်မှာ ပစ်တိုင်းထောင်တောရကျောင်း
🌴 December Garden နဲ့ရေတံခွန်
💤ပြီးတော့ Hotel ပြန်အိပ်
🔹၁၁ ရက်နေ့
🙏တရုတ်ဘုရားကျောင်း
🌴ကန်တော်ကြီးဥယျာဉ်
🦖My House Garden
🙏နှီးဘုရား
❌CozyWorld သွားပေမယ့်ပိတ်ထား
🌴MicoHill
💤Hotel ပြန်အိပ်
🔹၁၂ ရက်နေ့ ပြင်ဦးလွင်မှပြန်ဆင်း
🌴The View Resort ဝင်
🏝 7 mile mini beach
🏝သစ္စာစိန်စီ water park
🚐နေပြည်တော် ခရီးဆက်ပြီး Man Myanmar မှာအိပ်
🙏ညဖက် နေပြည်တော် Uppatasanti Pagoda ဥပ္ပါတသန္တိစေတီတော် ဖူး
💤Man Myanmar မှာအိပ်
🔹၁၃ ရက်နေ့
🙏 Buddhagaya Thatta Thattaha Maha Bawdi Pagoda ဗုဒ္ဓဂါယာ သတ္တသတ္တာဟ မဟာဗောဓိစေတီတော်မြတ်ဖူး
🚐မကွေးခရီးဆက်
🙏မြသလွန်ဘုရား
💤ပဿဒ ဟိုတယ်-2 မှာအိပ်
🔹၁၄ ရက်နေ့
🙏 မန်းရွှေစက်တော်
🙏ရှင်ပင်စက္ကိန်းတဲစေတီတော်
💤ဟိုတယ်ပြန်အိပ်
🔹၁၅ ရက်နေ့ ရန်ကုန်ပြန်ရောက်
✍️စထွက်တုန်းက ကီလို ၁၀၀ ကျော်လားရှိတဲ့ Maxus G50 ဟာ အိမ်ပြန်ရောက်တော့ ကီလို ၂၅၀၀ တောင် ကျော်နေလို့ ချက်ချင်း 1st service engine oil သွားလဲရတာမျိုး
ပြည်လမ်း SR ကိုဖုန်းဆက်ကြည့်တော့ နှစ်ဆန်း ၂ ရက်နေ့မှ ပြန်ဖွင့်မှာမို့ မစောင့်တောပဲ Asia Corner SOUEAST_Asia Corner က လူပျိုကြီး ကိုအောင်မျိုးဦး ကို အပူကပ်တော့ ပိတ်ရက်ကြီးကို service engineer ခေါ်ပြီး အင်ဂျင်ဝိုင်လဲဖို့ တကူးတက စီစဉ်ပေးလို့ ကျေးဇူးအထူးတင်ပါတယ်ဗျို့
✍️ဒီတခေါက်ခရီးသွားတာ အရင်က ကိုယ့်အချစ်တော်ကြီး Soueast DX7 Prime ကိုထားခဲ့ပြီး Maxus G50 နဲ့ ခရီးထွက်ခဲ့တာပါ ။ လူကြီး ၆ ယောက် ကလေး ၂ ယောက် ဝိတ်အပြည့်နဲ့ပဲဆိုပါတော့ ။ ကောင်းတဲ့အချက်က အရင် Ertiga တုန်းကလို နောက်ခန်း မကျဉ်းပဲ အထုပ်တော်တော်မျာများ တင်လို့ရတာကြောင့် အဆင်ပြေပါတယ် ဒါပေမယ့် luggage တွေနဲ့တင်ရင် မဆန့်တာကြောင့် zip နဲ့ ခရီးဆောင်အိတ်အပျော့တွေနဲ့ထည့်ခဲ့တာကြောင့် အတော်တော်လေးအဆင်ပြေသွားပါတယ် ။
ဒီလိုနဲ့ ၁၁၅ မိုင်မှာ ဆီတခါထပ်ထည့်ပြီး အမြန်လမ်းအဆုံးထိ ဆက်မောင်းခဲ့တယ် ။ အမြန်လမ်းအဆုံး အဝိုင်းရောက်တော့ ညာချိုးပြီး မြစ်ငယ်တံတားကိုဖြတ် ပြီး ပြင်ဦးလွင်အတက်လမ်းကို စတင်ခဲ့ပါတယ် ။ DX7 ရော Maxusရောက Semi-Auto တွေဖြစ်တာကြောင့် တောင်တက်တောင်ဆင်းတွေက အခက်အခဲမရှိလှဘူး ။ ထူးခြားတာက DX7 မှာ Auto Gear position ကနေ ညာဖက်ဆွဲပြီး Manual ချိန်းတာနဲ့ Manual Gear 1,2,3,4,5,6 ဆိုပြီး ၆ ချက်ကို Up & Down သွားရတာပါ ။
✍️Maxus ကျတော့ Auto Gear Position ကနေ ညာချိန်းတာနဲ့ S တန်းပေါ်တယ် အပေါ်တချက် Gear Up လိုက်မှပဲ ရောက်ရှိ speed ရဲ့ manual gear နံပါတ်ကိုပြတာပါ ။ သူလည်း S ကနေ 1,2,3,4,5,6,7 ဆိုပြီး ၇ ချက်ပါပါတယ် ။ 7 Speed ဆိုပါတော့ DX7 ထက်ကို ဂီယာ ၁ ချက်ပိုများတယ် ။ တောင်တက်တောင်ဆင်းတွေ လူဝိတ်ဘယ်လောက် များများ manual နဲ့အတက်အဆင်းလုပ်ရတာ တော်တော်အဆင်ပြေတာတွေ့ရတယ် ။ အားနည်းချက်ကတော့ နောက်ဆုံး ခုံတန်းက နည်းနည်းခုန်ပါတယ် ။ speed နဲ့သွားနေရင်း တံတားဖြတ်မိတဲ့အခါ ချိုင့်နည်းနည်းကျမိတဲ့အခါဆိုရင် နောက်ဆုံးခုံတန်းထိုင်တဲ့သူတွေ ခုန်တာတွေ့ရပါတယ် ။ လေပေါင်ချိန် ၃၂ ပတ်လည်ထိုးသွားပေမယ့် လမ်းခရီး အပူချိန်ကြောင့် လေပေါင်တက်ပြီး ခုန်တာလည်းပါနိုင်သလို လမ်းမှာ speed တင်ပြီး ချိုင့်တွေကို မလျော့ပဲ မောင်းမိလို့လည်း ဖြစ်နိုင်ပါတယ် ။ Air con ကတော့ round air-con ဖြစ်တာနဲ့အညီ အပြစ်ပြောစရာမရှိပါဘူး အေးစိမ့်လွန်းလို့ fan တောင်လျော့ယူရပါတယ် ။
✍️သိပ်မကြိုက်တဲ့အချက်ကတော့ ကားပါကင်ကုန်းတက်နေရာမျိုးမှာ ထိုးရင် ဘရိတ်မနင်းထားရင် နောက်ကို ပြန်လိမ့်တက်ပါတယ် Auto stop နှိပ်ထားရင်တော့ မလိမ့်ဘူးပေါ့ DX7 မှာက ကုန်းတက်လည်း လီဗာ လွှတ်ထားရင်နောက်ပြန်မလိမ့်ဘူး Lever ရဲ့ Slow အနည်းအများ RPM ideal လုပ်ထားတာ က Maxus မှာ နည်းလို့ဖြစ်နိုင်ပါတယ် ။ DX7 က normal RPM ကို 800 မှာရှိတယ် Maxus ကတော့ 700 အောက်လောက်ပဲရှိတယ် ကောင်းတဲ့ဖက်ကတွေးရင်တော့ slow နည်းတော့ ဆီစားသက်သာတာပေါ့လေ ။
တောင်တက်လမ်းအတွေ့အကြုံ 🔹🔹🔹
✍️Semi-Auto မောင်းနေကြဖြစ်တဲ့အတွက် manual gear ပြောင်းမောင်းရတာ ဘာမှ အခက်အခဲမရှိလှဘူး ။ Auto ပဲမောင်းနေကြလူဆိုရင်တော့ တောင်ပေါ်မတက်ခင် Manual ဘယ်လိုချိန်းတယ် ဘယ်လိုအရှိန်မှာ gear position ဘယ်လောက်ထားမလဲဆိုတာ အနည်းငယ်တီးခေါက်ပြီးမှတက်စေချင်တယ် နို့မဟုတ်ရင် ကျနော့်တုန်းကလို စစလာချင်း တောင်တက်မတ်မတ်ကြီး ကို ဘယ်အရှိန်မှာ ဘယ် ဂီယာကြီးကို ချိန်းမလဲဆိုတာ ရုတ်တရက် မစဉ်းစားမိတော့ အခက်ကြုံရမှာစိုးလို့ပါ ။ ပုံမှန် အရမ်းမတ်တဲ့ အမြင့်ကြီးတွေလောက်သာ ဂီယာ 1,2, လောက်သုံးပြီးတက်ပေမယ့် ကုန်းတက်လည်းရှည်တယ် ကုန်းမတ်တာလည်းအနေတော်လောက်ပဲဆိုရင်တော့ 3,4 ကိုလိုသလို ချိန်းပြီးတက်လို့ရပါတယ် ။ မြေနည်းနည်းလေးပြန့်ပြီး ကုန်းပြန်ပြေပြီဆိုတာနဲ့ 5,6,7 ကို ကိုယ်တင်တဲ့အရှိန်အလိုက်ပြောင်းပြီးမောင်းပေါ့လေ သိပြီးသားသူတွေကတော့ မခက်ပေမယ့် အခုမှ Semi-Auto မောင်းမယ့်သူတွေဆိုရင် တော်တော်လေးအခက်တွေ့နိုင်တာမို့ ရေးပြရခြင်းဖြစ်ပါတယ် ။
✍️တောင်တက်ကို အဲကွန်း ပိတ်မောင်းစရာလိုလားဆိုတော့ ကိုယ်တက်မယ့်အမြင့်ပေါ်မူတည်ပြီး ကျနော်ကတော့ ဆုံးဖြတ်တာပါပဲ ဂီယာကြီးဆက်တိုက်သုံးရတော့မယ်ဆိုတော့ ပိတ်ပြီးတက်ပါတယ် သိပ်မသုံးရရင်တော့ မပိတ်ပါဘူး ပိတ်ပြီးတက်တော့လည်း အင်ဂျင်ပိုသက်သာတယ်လို့ ယူဆတဲ့အတွက်ဖြစ်ပါတယ် ။
✍️တောင်တက်နေရင်းနဲ့ gear lap တာ နောက်ပြန်လိမ့်တာ ဘာညာတော့ စိုးရိမ်စရာမရှိပါဘူး ကိုယ်က အရမ်းစိုးရိမ်တက်တဲ့သူဆိုရင်တော့ Auto-stop ကို ဖွင့်ပြီးတက်လို့ရပါတယ် ။ တောင်တက်နေရင်းလမ်းတနေရာမှာ ရှေ့ကားက ဆက်မသွားလို့ လမ်းခုလတ်ကြီးရပ်နေတယ်ဆိုပါတော့ ကိုယ်က ဘရိတ်နင်းရင်းနဲ့ ရှေ့ဆက်တက်ဖို့ လီဗာ ပြန်နင်းတဲ့အခါ နောက်ပြန်မလိမ့်အောင် ( တချို့ ခြေနင်းသွက်တဲ့လူတွေက gap time မရှိအောင်နင်းနိုင်ပေမယ့်တချို့နှေးတဲ့လူကျတော့နောက်ပြန်မလိမ့်အောင် ) Auto-stop ကိုနှိပ်ပြီးတက်နိုင်ပါတယ် ။ DX7 ကတော့မလိုပါဘူး Hill Decent Control ပါသလို Ideal RPM လည်းမြင့်တဲ့အတွက် တော်ယုံ ကုန်းလောက်ကတော့ ဘရိတ်မနင်းပဲ ရပ်ထားလို့ရပါတယ် ။
သွားခဲ့တဲ့ လမ်းတလျောက်မှာ အခက်အခဲကြီးကြီးမားမာ မရှိခဲ့ပါဘူး ကြုံခဲ့ရတဲ့အခက်အခဲကတော့အောက်မှာ ဆက်ရေးပါမယ် ရွှေစက်တော် အောက်စက်တော်ရာရဲ့ ကျောက်စရစ်ဂဲတွေပြည့်နေတဲ့သဲသောင်ပြင်မှာဆိုပါတော့ ( ကိုယ့်ဘာသာ မြေမာမှာ မရပ်ပဲ ရေစပ်ဆင်းမိတဲ့ အကျိုးလည်းပါပါတယ် )
✍️ပြင်ဦးလွင်ကနေ နေပြည်တော်ပြန်ရောက်ပြီး မကွေးဖက်ချီတက်ဖို့ နေပြည်တော်ကနေပြန်ထွက်တော့ မိုင် ၂၀၀ ကနေပဲ ပြန်ထွက်ပြီး မိုင် ၂၂၀ က နေပြည်တော်-မကွေးလမ်း (ကံပြားလမ်း ) ကနေပဲ မကွေးကိုဆက်မောင်းခဲ့ပါတယ် ။ ကံပြားလမ်းက အကွေ့တွေတော်တော်များပါတယ် ဒါပေမယ့် တောင်ညိုလမ်းလောက်တော့မဆိုးပါဘူး ။ တောင်တက်တောင်ဆင်းတွေကို Manual Gear နဲ့ပဲ ကုန်းတက်ရင် ၄ နဲ့မောင်း မြေညီရင် ၅နဲ့ ၆ ကိုချိန်းပြီး ကုန်းမတ်ရင် No.3 ချိန်းတက်ဟုတ်နေရောပဲ
အကွေ့အကောက် များတာကြောင့် အရှိန်တော့သိပ်မတင်ပဲ ဖြည်းဖြည်းပဲမောင်းခဲ့တယ် ကားအသစ်ဆိုတော့ break ကအစ ကျင့်သားမရမှာစိုးလို့ ပြီးတော့ Maxus G50 က Soueast DX7 Primeထက်ကို breaking distance ရှည်တယ် ။ ကြိုပြီးဖမ်းနိုင်မှ လိုရာမှာ ကွက်တိမိတာမျိုး ။ DX7 ကတော့ ရောက်တဲ့နေရာကောက်ဖမ်း ကွိကနဲမိတယ် ။ ထားပါတော့ ဒါကတော့ ကားမောင်းသမား တယောက်နဲ့တယောက်အကြိုက်မတူတော့ အမြင်လည်းတူချင်မှ တူမှာ ။
ဒီလိုနဲ့ မကွေးရောက်ခဲ့တယ်ဆိုပါတော့ နောက်တစ်ရက် Hotel မှာ breakfast စားပြီးတာနဲ့ ရွှေစက်တော်ဖက်ကို မင်းဘူးကနေတဆင့် ချီတက်ခဲ့ကြတယ် ။ မင်းဘူးအရောက်မှာ ဘယ်ချိုးရင် နဂါးပွက်တောင် ၊ ညာချိုးရင် ရှင်ပင်စက္ကိန်းတဲ စေတီ ၊ ရှေ့တည့်တည့်ရွှေစက်တော် အဲ့လိုမျိုး ။ ရွှေစက်တော်ကို ၁ နာရီဝန်းကျင်ကားမောင်းရပါတယ် မြေပြန့်ပြီးလမ်းကောင်းပါတယ် လမ်း၁ ဝက်ကျော်မှာ signal မမိဘူး GPS မပေါ်ပေမယ့်လမ်းညွှန်ဆိုင်းဘုတ်တွေရှိပါတယ် ။ ရွှေစက်တော် အဝင်မှာ စစ်ဆေးရေးဂိတ်ရှိလို့ ကားတန်းတော်တော်ရှည်ပါတယ် ။ အဲ .. အကြာကြီးတော့မစောင့်ရပါဘူး ၁၀ မိနစ်လောက်ပေါ့ ပြီးတာနဲ့ အထက်စက်တော်ရာကို အပေါ်ဆုံးထိကို ကားမောင်းတက်လို့ရပါတယ် ။ Manual မမောင်းတက်ရင် ဂီယာကြီးမမောင်းတက်ရင်အောက်မှာပဲကားထားခဲ့ပါ ။ အတက် မတ်ပါတယ် ။
ပြီးရင်တော့ အထက်စက်တော်ရာဖူးပြီး မျောက်စာကျွေးလို့ရပါတယ် ။ သွားခဲ့သမျှထဲမှာ လူအများဆုံးနေရာပါပဲ ။ ရှုပ်ရှပ်ခတ်နေပြီး သန့်ရှင်းမှုလည်း တော်တော် အားနည်းပါတယ် ။ အဲဒီကနေပြန်ဆင်းပြီး အောက်စက်တော်ရာကိုကားမောင်းသွားပါတယ် အဲ့ဒီမှာ ဇတ်လမ်းစတာပါပဲ ။ တဲလေးတွေ ကို မန်းချောင်းတလျောက်ထိုးထားပြီး ကိုယ်တွေကလည်း တဲတွေ ပြည့်နေပြီထင်လို့ သူများတွေသွားတဲ့အတိုင်းအောက်စက်တော်ရာဘုရားဖက်ကို ကားနဲ့ကူးပြီး သောင်ပြင်ဖက်ကိုထွက် ခဲ့တယ် ။ ဘေးကလူတွေ့တော့သတိပေးသား 4WD ဆိုသွားပါ 2WD ဆို ရင် ကားနစ်မယ်ပေါ့ ။
ကံကောင်းချင်တော့ ထမင်းလာရောင်းတဲ့ လင်မယားလေးကလည်း ကိုယ်တွေနဲ့စကားပြောတာ ရင်းနှီးသွားပြီး ကားသွားတဲ့နေရာတောက်လျောက်ကို လိုက်ခဲ့တယ် ။ သူပဲ လမ်းရွေးပေးပြီး သောင်ပြင်ပေါ်ကိုကားမောင်းခဲ့တယ် ။
အဲ့မှာ ကျောက်စရစ်သဲပြင်ပေါ် စ နစ်တာပဲ ။ကိုယ့်ကားပဲလားဆိုတော့လည်းမဟုတ်ဘူး ဘေးမှာလည်း Fort တွေ Double cab တွေလည်းနစ်နေတာပဲ အကုန်လုံး ကူတွန်းပြီး ကူညီပေးကြတယ် ။ ကားကလည်း ဘီးကရုန်းလွန်းလို့ Transmission temperature increased... pls wait ဆိုပြီးပေါ်နေလို့အနားပေးပြီး ခုနကထမင်းရောင်းတဲ့လင်မယားအကူအညီနဲ့ပဲ ဘေးနားက ရေဆင်းကူးပြီးပြန်တက်လာတဲ့ လူငယ်အဖွဲ့တွေလည်း ဝိုင်းတွန်းပြီး လမ်းပေါ်ပြန်တက်ခဲ့တယ် ။ ပြီးတော့ဘုရားနားမှာ ကားထိုးပြီး အောက်စက်တော်ရာဖူးပေါ့ ။ အဲ့မယ် ကားကြီးတွေသာ နစ်တာနော် Honda fit နဲ့ 660cc hijet တွေကျတော့ သောင်ပြင်ပေါ် မောင်းနေတာ အဖြောင့်ဗျာ ပြီးတော့ထမင်းရောင်းတဲ့လူကပြောသွားတယ် ကိုယ့်ဆရာက ကားအသစ်ဆိုတော့ညှာတာကိုးဗျတဲ့ အရှိန်နဲ့ဗြင်းရင်ရတယ်ဆိုပဲ ထားပါတော့ ။
ရွှေစက်တော်ဖူးပြီးနောက်နေ့မှာတော့ ရန်ကုန်ကို မကွေးကနေ ကံပြားလမ်းအတိုင်း တောင်ညိုလမ်းခွဲထိမောင်းပြီးအမြန်လမ်းပေါ်ကနေမောင်းခဲ့တာ အေးအေးလူလူ ညနေ ၄ နာရီဝန်းကျင်လောက်ပြန်ရောက်ပါတယ် ။
✍️ခရီးစဉ်အစအဆုံး ကားကလည်းမောင်းလို့တော်တော်ကောင်းပါတယ် ငြိမ့်နေရော Suspension တော်တော်လေးကောင်းတယ် တခြား MPV တွေလို မာဇတ်ဇတ်ဖြစ်မနေဘူး Turbo ပါတော့ ကားအကျော်အတက်တွေကတော့ပြောစရာသိပ်မလိုအောင် အဆင်ပြေတယ် Highway vs Maxus ရှယ်မိုက်ပါတယ် ။ ဒါတောင် နားရက်က သိပ်မကျန်တော့လို့ ပုဂံဖက်ရော ပြည်ဖက်ရောဆက်မသွားတော့ပဲပြန်လာလိုက်တာ ။
✍️တကယ်တော့ ခရီးကမသွားရတာလည်းကြာပြီ ကမ်းခြေဆိုရင်လည်း တနေရာထဲမှာ နေရမယ် ဘယ်မှလည်စရာမရှိ မနက်ပင်လယ် ညနေပင်လယ်ပဲတွေ့နေရမှာမို့ ဒီလို Road trip ပဲသွားဖြစ်ခဲ့တာ ။
နောင်အခွင့်သာရင် မြစ်ကြီးနားဖက်ရယ် ၊ စစ်ကိုင်းဖက်ရယ် ၊ အောက်ဖက်က မြိတ် ထားဝယ်ဖက်တွေရယ်ကို Maxus နဲ့ထပ်သွားပါဦးမယ် ။
✍️ခရီးစဉ်အစအဆုံး ၇ ရက်ကို ဆီဖိုး ၃သိန်း ၆ သောင်းကျော်လောက်ကုန်ပါတယ် ။ အမြန်လမ်းမှာ ဆီစားနှုန်း ၁ လီတာကို 13-14 km လောက်ရပါတယ် ။ မြို့တွင်းတော့ 10km လောက်ရပါကြောင်း ။
Admin
