الإتقان للكشف عن أعطال السيارات بالكمبيوتر

10/07/2024

26/10/2022

يومكم طيب👋

في ناس تمشي تكشف على سياراتها لما تطلع علامة تشك ويقولوله إن العلامة طلعت بسبب وحده من شماعي المرميطه (حساس الأكسجين) ويغيرها لكن تقعد نفس المشكلة‼️
مش شرط حساس الأكسجين لما يطلع في الجهاز معناها مضروب ويبي التغيير لا⚠️لازم تتأكد قبل من شماعي السيارة أو رشاشاتها شن وضعهم ..صاحب السيارة هذه صار معاه هكي
بإختصار جهاز الكشف لازم تكون تعرف تتعامل معاه بش تعرف تستخرج العطل👍

10/02/2022

الإتقان✅

1.كشف عن أعطال المحرك
2.كشف وتصليح بوكسات
3.كشف بالكاميرا عن المحرك من الداخل والتأكد من الفلافل مضروبة او لا والتأكد من الكلاتايزر مسكر أو لا
4.الكشف عن ضغط المحرك بجهاز الضغط الخاص
5.الكشف عن ضغط مضخة الوقود
6.تغيير حساسات
7. عمل سوفت وير للكمبيو والسكاتلا والABS
8.جهاز خاص بالكشف عن البيانتي لو فيه قطع من الداخل

للإستفسار الإتصال على الأرقام☎️
0916151454
0927961507

10/02/2022

جديد الإتقان📢

كشف وتصليح بوكس محرك السيارات ✅✅

للحجز والإستفسار التواصل على الأرقام☎️
0916151454
0927961507

12/01/2022

🇬🇧Range/Land rover
لاند/رنج روفر

صنعت لاند/رنج روفر بعدة محركات ولكن حنذكر فقط أجود المحركات الشائعة في ليبيا وهم👇

(محرك4.4L)V8_(محرك3.0L)V6

▪️محرك(4.4L.):
محرك 8بستوني ويعتبر محرك ممتاز وقليل الأعطال👍

▪️محرك(3.0L):
محرك 6بستوني لكن قوي 360حصان ويعتبر حساس من الناحية الكهربائية🔌

▪️الفرق من لاند ورنج:
لاند روفر هي الأصل وتعتبر سيارة كفاءتها عالية في الطرق الوعرة على عكس الطرق العادية فهي غير مريحة🛣️ والشي هذا عرِّض الشركة لإنتقادات عديدة❌فهنا قررت الشركة إنها تخش في شراكة مع شركة جغوار📃 وصنعو سيارة أطلقو عليها إسم رنج روفر🤝
الرنج روفر سيارة فارهة وفل أوبشن كراحة وسلاسة في القيادة👌
يعني اللي يبي سيارة فارهة وقوية ودفع رباعي يختار لاند روفر، واللي يبي الرفاهية والسلاسة في الطرق العادي يختار رنج روفر

السيرفز الدوري🛠️
1️⃣ضروري تقيس نسبة رطوبة سائل الفرامل لأن بومبة الفرينو الكهربائية حساسة جداً

2️⃣حافظ على تغيير الزيت والفلتر في وقته بالذات محرك 4.4 لأنه في عيب في شداد سير الكتينة(الدفاف الزيتي يضعف من تجمع الأوساخ) الشي هذا يهرِّب الكتينة

3️⃣تغيير فلتر الهواء في وقته بالذات محرك V6

▪️ميزات لاند/رنج روفر✅
طبعاً تسمى بسيارة الملوك👑ديزاين جميل👌السيارة من الداخل مريحة كجلسة ورفاهية وفخامة_جلد طبيعي_هيكل ألومنيوم يعني خفة وثبات ولا صدأ💯_

▪️عيوب لاند/رنج روفر❎
قطع الغيار(طروفها)ناقصة وغالية جداً💰 غير إقتصادية في الوقود⛽

📢محركات 4.4L مفضلة بالنسبة لليبيا لأن تقدر تاخذ طروف BMW

دمتم بخير👋

10/01/2022

Land/Range rover🇬🇧

السيارة الإنجليزية رنج/لاند روفر🚙 ميزاتها☑️عيوبها❎السيرفز الدوري🧰 أرقام الزيوت المناسبة💯والفرق بين لاند ورنج

بوست مفصل غداً إن شاء الله

دمتم بخير👋

10/01/2022

مساءكم طيب👋

في مشكلة كلموني يشكو منها عدة أصدقاء👇

الناس اللي عندها مشاكل في موانع التسرب اللي هما(الباروليات متع زيت الكمبيو) وغطاء علبة التروس اللي هو(الستقوبا) فيها ندوة يعني تودر في الزيت زي ما نقولو
طبعاً لو كان التسريب قوي وهلبا وانت خشيت بيها في غدير ماء🛑 اللي حيصير هو التالي:
الفاكيوم أو السحب في الكمبيو حيسحب حتى ماء🌊 فالزيت حيتخلط بالماء يعني بتبدا (مخلطة) والكمبيو حينضرب ويصعب تصليحه❌
الكلام هذا موجه للناس اللي عندها تودير زيت كبير بحيث إن كل صبح يلقى تحت سيارته بقعة كبيرة مش مجرد ندوة بسيطة على الكمبيو👍

09/01/2022

Oxygen sensor
حساس الأكسجين

طبعاً هو مشهور بإسم الشمعة الخامسة
ويعتبر حساس الأكسجين من الحساسات المهمة في السيارة💯 تحديداً في السيارات المزودة بحساسين واحد قبل علبة الكربون وواحد بعد علبة الكربون(اللي هو علبة البيئة) وليه دور رئيسي في إقتصاد الوقود في السيارة⛽
ولما يصير عطل في الحساس هذا حيتسبب في عدة مشاكل👇

1️⃣زيادة صرف الوقود في أغلب السيارات⛽

2️⃣يسبب رجة خفيفة في المحرك(رعشة)✴️ في بعض السيارات وبالأخص البي إم دبليوBMW والهونداي Hyundai(الأزيرا) والسيارات الأمريكية وللأسف مش حيطلع العطل في أجهزة الكشف📱بشكل واضح وصريح محتاج خبرة في استعمال جهاز الكشف

3️⃣بعض السيارات تتسببلهم في غصة قوية وصوت خشن في المحرك🚙 وفي اللي لما تصير معاه اللقطة هذه يعتقد إن الكربون مسكر لكن هو عطل في حساس الأكسجين

4️⃣لو إنت من الناس اللي تنظف في الكربون بمادة الأشيدو الحساس هذا حيتآكل وينضرب فحاول تشطفه بالماء كويس
(طبعاً التنظيف بالأشيدو غلط كبير أصلاً بغض النظر على موضوع الحساس)

5️⃣السيارات اللي فيها حساس أكسجين واحد فقط (جاي فوق علبة الكربون) هذا يعتبر ماليشي تأثير كبير زي اللي فيهم حساسين واحد قبل علبة الكربون وواحد بعد علبة الكربون✔️

إن شاء نكون أفدتكم ودمتم بخير👋