صبراته لكشف اعطال السيارات بالكمبيوتر

  • Home
  • Libya
  • Sabratah
  • صبراته لكشف اعطال السيارات بالكمبيوتر

صبراته لكشف اعطال السيارات بالكمبيوتر ورشة اصلاح سيارات
(1)

24/06/2026

كشفنا على سيارة نوع تيوتا كامري 2004محرك v6 كمبيو توماتك

مشكلة السيارة 👇👇👇
فيها شدة بسيطة في غيار مارشا من 2لي 3 تكبيشه مش كبه

بالجهاز معندناش اكواد
الزيت في ليفيلو موجود ولونه طبيعي مافيش رائحه
👇👇👇👇👇
طلعت فالسيارة مع المكيف والع والضي والع قصير طويل فلاطوريات وكل شي شغال مافيش اللقطه الي ادير فيها نهائيا
👇👇👇👇
خليتها ساعتين تلاته وطلعنا فيها بعد المغرب نجربو فيها
طلعت فيها الشده او التكبيشه فالغيار واضحه رغم ان المكيف مطفي والضي القصير بس يخدم
👇👇👇👇
شحن الدينمو تعبان زي ما يوضح الفيديو تحت
توقعاتكم للمشكلة خوتنا

بالتوفيق للجميع

منشور سريع نصيحه اوتنويه 👇👇👇👇👇👇👇👇بخصوص غسيل السيارات من الداخل يا شباب انتبهو خصوصا السيارات الي فيهم شاشات وكل شي ديجتا...
23/06/2026

منشور سريع
نصيحه اوتنويه
👇👇👇👇👇👇👇👇
بخصوص غسيل السيارات من الداخل يا شباب انتبهو خصوصا السيارات الي فيهم شاشات وكل شي ديجتال ازرار وكدا
👇👇👇👇👇👇👇👇
بتغسل من الداخل نظف واغسل بنفسك او ارفعها لي ناس عارفين شغلهم كويس
👇👇👇👇👇👇👇
لان البعض يستخدم في الميه مع الصابون فالغسيل الداخلي تدخل على اللوحات الالكترونيه تضرب بعض الامور في داخليه السيارة وممكن تتلخبط هدا خاطي كنترول التحكم فالهواء لي ديما تسمعه
يتكتك
👇👇👇👇👇👇👇
طبعا البعض يستخدم في الصابون ولميه لسرعه وسهوله الغسيل

ولكن شي هدا خطأ يكلف صاحب السيارة في بعض الاعطال او تلف بعض القطع

حبيت نوه على الشي هدا لان فيه بعض السيارات تجينا بمشاكل بعد الغسيل

بالتوفيق للجميع

23/06/2026

هدا كشف على سيارة نوع
bmw e39 523i
كمبيو عادي
مشكلة السيارة 👇👇👇
فيها لمبة abs و مانع الانزلاق والعات
____________________________
الكشف موجود فالفيديو تحت
👇👇👇👇
حساس abs أمامي لما كشفنا عليه سلك متعه مقطوع
left front wheel speed sensor

👍🏻👍🏻👍🏻👍🏻
بالتوفيق للجميع

جتنا سيارة نوع كيا سورينتوللورشه محرك 35 تقريبا 2013مشكلة السيارة 👇👇👇جايا السيارة تخدم ناقص ركزو تفطفيطه ثابته يعني بسطو...
23/06/2026

جتنا سيارة نوع كيا سورينتو
للورشه محرك 35 تقريبا 2013

مشكلة السيارة 👇👇👇
جايا السيارة تخدم ناقص
ركزو تفطفيطه ثابته يعني بسطوني ميخدمش
____________________________
الكشف والتشخيص 👇👇👇
كشفنا بالجهاز عطانا كود
clyender 1 misfiring detected
والمحرك يرج
مسحنا العطل مافيش تغير نهائيا

صاحبها قال كيف غيرنا بونبة تشي كامله
اهني دخلت على خاصية
active test
وجربت نفصل بالرشاش البساطين
اكل يفصلو ويرجعو يخدمو تمام معدا البسطوني الاول مافيش تغيير في حالته

جيت للمرميطه من الخلف لقينا بخار حالة وتقطر في ميه حيه

جينا للمحرك لقينا السيارة تبكبك فالشيشه الجانبيه والحرارة طلعت
طفينا السيارة
____________________________
الخلاصه 👇👇👇
مشكلة السيارة ان مضروب فيها قرنسيوني دسطاطا تحديدا فالسلندر الاول يدخل في ميه لغرفة الاحتراق والشمعه فصلت

تجمع البخار على غطاء المحرك
ركزو فالصورة 👇👇
تلاحظو وجود لون مغاير لحالة الزيت وزدت تأكدت لما جربنا مسحنا مغطى المحرك من الداخل لون التخليط كباتشنيو واضح

السيارة تحتاج خدمه قرنسيوني

ربي يعوضه خير ان شاء الله

بالتوفيق للجميع

كشفنا على سيارة نوع هونداي سانتافي محرك 27مشكلة السيارة 👇👇👇لما جتنا السيارة للورشه جايا تفطفط وتخدم ناقص عندنا مشكلة في ...
23/06/2026

كشفنا على سيارة نوع هونداي سانتافي محرك 27

مشكلة السيارة 👇👇👇
لما جتنا السيارة للورشه جايا تفطفط وتخدم ناقص عندنا مشكلة في البساطين 4&6
____________________________
الكشف والتشخيص 👇👇👇
الكشف النظري البنزينه تنزل حيه من الكلوطرا الاماميه
bank2
لانها تسرب لبرا وصوتها فيها ثقب

هدا يعني ان الرشاشين مفتوحات دركت وينزلو في البنزين
صاحبها جاب زوز رشاشات تم استبدالهم
السيارة اصبحت تخدم بي 5يعني البسطوني 6خدم وتمام

قعد البسطوني 4يصب فالبنزينه دركت
اهني كشفت عالكهرباء فالفيشه متع الرشاش
خط الموجب موجود

لكن خط الارضي عالق دركت هوا يفترض تجي نبضات من البوكس
بحيث يخدم الرشاش ويفصل ولكن اهني فاتح دركت
____________________________
الخلاصه👇👇
عندنا سبيين اما سلك النبضه الجاي من البوكس مداير شورت التماس مع الهيكل واعطي ارضي دركت

او مشكلة بوكس نفسه في الرشاش هدا صارله شورت داخلي

وانا نرجح السبب التاني ان مشكلة بوكس
بكل الاحوال هدي مشكلة السيارة وهدا تشخيصها

بالتوفيق للجميع

كشفنا على سيارة نوع نيسان صني 2009 مشكلة السيارة 👇👇👇السيارة تولع في ولعه صعبه واحيانا تفصل الكهرباء عالسيارة وهيا تجري ا...
22/06/2026

كشفنا على سيارة نوع نيسان صني 2009

مشكلة السيارة 👇👇👇
السيارة تولع في ولعه صعبه
واحيانا تفصل الكهرباء عالسيارة وهيا تجري ادير فغصه ومرات تاخد ومرات تطفى يعني السيارة متلخبطه
____________________________
الكشف والتشخيص 👇👇👇
كشفنا بالجهاز عطانا كود يخص حساس الامبروكم
circuit

صاحبها جايب 4حساسات

فيهم واحد سليم وهدا ولع السيارة
تمام لكن المشكلة مستمرة
____________________________
الخلاصه👇👇👇
عندنا مشكلة في فيشة الحساس نفسه نحركو فيها السيارة تطفى
ومرات تولع
بالنسبة لي الحساسات التانيات مضروبات هدا شي اكيد
👇👇👇👇👇👇
لكن المشكلة في فيشة الحساس نفسه اما فيه شورت فالاسلاك داخل البيانتي مع الحركه يدير التماس او سنون الفيشه داخليا يتحركو يفصلو بكل الاحوال وضعها تعبان وهدا الي شفناه
👇👇👇👇
يستبدل الفيشه مبدئيا باذن لله تمشي امورها كويسه ان شاء الله

بالتوفيق للجميع

كشفنا على سيارة نوع فورد فوكس تقريبا 2001محرك 18مشكلة السيارة 👇👇ولعت السيارة صعبه ولما ولعت تخدم بزوز بساطين فقط 2&4 يخد...
22/06/2026

كشفنا على سيارة نوع فورد فوكس تقريبا 2001
محرك 18

مشكلة السيارة 👇👇
ولعت السيارة صعبه ولما ولعت تخدم بزوز بساطين فقط
2&4 يخدمو
____________________________
الكشف والتشخيص 👇👇👇
كشفنا بالجهاز معندناش اكواد

التشخيص النظري
السيارة محركها مخدوم وكل شي مغير جديد
____________________________
الخلاصه👇👇👇
مشكلة السيارة فالكاتينه
الكاتينه فالفورد فوكس فيها تعديله
هدي تخلي ولعت السيارة صعبه
وكان ولعت تخدم بزوز بس عادة
تلقى 2&4يخدمو كويس

1&3يخدمو ضعاف وكأنهم ميخدموش نهائيا
____________________________
لابد من الفك وتعديل الكاتينه التعديله الاخرى الي تخلي السيارة ولعتها خفيفه وتتعدل تخدم بي 4

بالتوفيق للجميع

كشفنا على سيارة نوع متشي سبيس ستار موديل 2003او 2002مشكلة السيارة 👇👇👇السيارة عزمها تعبان ولما نضغطولها بشكل مفاجئ السيار...
21/06/2026

كشفنا على سيارة نوع متشي سبيس ستار موديل 2003
او 2002

مشكلة السيارة 👇👇👇
السيارة عزمها تعبان ولما نضغطولها بشكل مفاجئ السيارة معش تاخد قريب تطفى
____________________________
طبعا شكينا فالبونبة تشي
ولكن كشف كمبيوتر امر مطلوب
____________________________
الكشف والتشخيص 👇👇👇
استبعدنا الجهاز
حطينا شوي بنزينه على فلتر الهواء
وضغطنا لسيارة بشكل مفاجئ السيارة تاخد امورها تمام

تمت البنزين الي حطيناها عالفلتر
ولت تقطع تاني ومعش تاخد
____________________________
الخلاصه👇👇👇
تم استبدال البونبة تشي مشت امورها تمام والحمد لله بتوفيق من عند لله

انتبهو لي اعطال البونبة تشي في فصل الصيف وفيه منشور سابق فالصفحه 👇👇👇
بخصوص اعطالها في هذا الفصل وعند ارتفاع درجة حرارة الطقس

بالتوفيق للجميع

كشفنا على سيارة نوع هونداي ازيرا موديل 2007محرك 33مشكلة السيارة 👇👇👇صاحبها يقول فيها نتلات فالغيارات ولما يرخي بينزل من ا...
21/06/2026

كشفنا على سيارة نوع هونداي ازيرا موديل 2007محرك 33

مشكلة السيارة 👇👇👇
صاحبها يقول فيها نتلات فالغيارات
ولما يرخي بينزل من الطريق ادير في كبه واضحه في النهار وفي ليل نفس الشي
____________________________
كشفنا بالجهاز عندنا مشاكل في الافناس وصاحبها عنده بيهم علم وصوتهم واضح

هدا بروحه سبب ولكن
المشكلة الاساسيه في صمام الكونفيرتا فالكمبيو عاطينا
stuck off
يعني فيه مشكلة
____________________________
جربنا خدمناه بالجهاز يخدم صوته موجود
اهني حاجتين اما ضعف كهرباء او الصمام ميكانيكيا فيه مشكلة بسبب شوائب او ما شابه
مسحنا العطل وصاحبها طلع جرب ورجع
قال امورها تمام حاليا اختفت الكبه
رجعت كشفت الكود عندنا اختفى
____________________________
في نفس الوقت قست شحن الدينمو مع المكيف والضي وضي الصاله ومارشا D للأمانة ينزل لي

12.4V

بكل الاحوال السيارة تحتاج دورة باهيه في موضوع المحرك بشكل مبدئي وتعديل زيت الكمبيو والكشف عالبرادة اذا فيه برادة وحتى الدينمو وضعه مشكوك فيه الحقيقه وفي بعض الأحيان يكون هوا السبب الرئيسي باالاضافه لشماعي والبوبينات في حالة منتهيات

الخلاصه 👇👇👇
ان هدا الكود وهدا العطل الي يخص صمام الكونفيرتا ليه سببين اما عطل كهربائي ويتجرب عن طريق
خاصية active test
اذا خدم يتعبر كهربائيا سليم ولكن لابد تتاكد من شحن الدينمو لان احتمال يكون فيه ضعف كهرباء

والسبب الاخر 👇👇👇
بسبب شوائب يعني ميكانيكيا ممكن معلق على وضع معين اما
off او on

بالتوفيق للجميع

كشفنا على سيارة نوع كيا لوتز 2009مشكلة السيارة 👇👇👇السيارة جايا مرة تفطفط تفطفيطه ثابته ومرة تسرح بشكل سريع والمحرك فيه ر...
21/06/2026

كشفنا على سيارة نوع كيا لوتز
2009
مشكلة السيارة 👇👇👇
السيارة جايا مرة تفطفط تفطفيطه ثابته ومرة تسرح بشكل سريع والمحرك فيه رجه
صاحبها قالوله بوبينه غيرها نفس الشي
____________________________
ركزو فالتشخيص 👇👇
انا في منشور سابقا قلت ان الكشف في محرك 4ساهل جدا مقارنه بي v6
خصوصا لما يكون فيها البانك 1
مغطى بالمنافولد (الانجكشن)
____________________________
اولا دخلت خديت الاكواد عندنا حالة مس فاير في البسطوني رقم 1

حسب كلامه رافعها لمكان قالوله بوبينه خدي وحده استعمال اروبي وقعده نفس المشكله

سألته عالشماعي قال مغيرتهمش نهائيا👇👇👇
على طول فكيت عالشمعه حولتها فالبسطوني رقم 2

قعدة المشكلة طبعا
دخلت بيانات حيه لايف داتا
ركزو 👇👇👇
انتقل معانا المس فاير للبسطوني رقم 2 شمعه مافي ذلك شك
____________________________
جابلها سيريا شماعي جدد ركبناهم ورجعنا البوبينه لوله متعها

ولعنا السيارة تعدلت تخدم مستريحه الله يبارك والحمد لله بتوفيق من عند لله

بالتوفيق للجميع

Address

تليل
Sabratah

Opening Hours

Monday 11:00 - 18:30
Tuesday 11:00 - 18:30
Wednesday 11:30 - 18:30
Thursday 11:00 - 18:30
Saturday 11:00 - 18:30
Sunday 11:00 - 18:30

Telephone

+218927678205

Website

Alerts

Be the first to know and let us send you an email when صبراته لكشف اعطال السيارات بالكمبيوتر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category