25/06/2024
ශ්රී ලංකාව තුළ 90 දශකයේ රජ කෙරූ වෑන් රථ..
1. Toyota Hiace
1961 දී ප්රථම වරට ජපානයේදී එළිදුටු ටොයෝටා මාදිලියේ හයිඒස් වෑන් රථය ලංකාව තුල වඩාත් ප්රචලිත වුනේ එහි තුන්වැනි සංස්කරණය වෙන h50, h60 සහ h70 කාණ්ඩයේ වාහන පෙළයි. මෙහි නිෂ්පාදන වර්ෂ ලෙස 1982 – 1989 කාලය සඳහන් වුනත් ලංකාවට මේ වාහන ගෙන්වන ලද්දේ 90 දශකය මුල් භාගය තුළදීයි. මේ වාහන පෙළ වෙනස් වෙන්නේ h50 මාදිලිය (short wheel base) දිගින් අඩු මාදිලිය ලෙසත්, h60 මාදිලිය(long wheel base) දිග මාදිලිය ලෙසත්, h70 මාදිලිය (super long wheel base) උපරිම දිගින් වැඩි මාදිලිය ලෙසට බෙදමින්.
ලංකාව තුල වඩාත්ම ජනප්රිය මාදිලිය වුනේ h60 කාණ්ඩයේ වෑන් රථයි. එයිනුත් h61 කාණ්ඩයේ වෑන් රථය වඩාත් ජනප්රිය වෙනවා. Shell මොඩ්ල් නමින් හඳුන්වන්නේ මේ වාහන මාදිලියයි. 2000සීසී එන්ජින් ධාරිතාවක් සහිතව, ආසන 12 (සීට් පේලි 3) පැමිණි මේ වාහනය වර්තමානයේ මිලෙන් රුපියල් මිලියන 1.9 සිට 2.5 දක්වා පරාසයකට මිල විහිදෙනවා.
2. ISUZU Fargo
වෙළඳ උවමනාවන් (commercial use) සඳහා ඉසුසු සමාගම විසින් නිෂ්පාදනය කරන ලද ෆාර්ගෝ වෑන් රථයේ පළමු පරම්පරාවේ (First Generation) වාහන ලංකාවට පැමිණෙන්නේ 90 දශකය මුල භාගයේදීයි. සාමාන්යයෙන් බර අදින්නට හොඳින් හැකියාව පවතින මේ වෑන් මොඩලය ලංකාවට ගෙන ආ පසුව ලංකාවේ කාර්මිකයින් විසින් ආසන පේලි 2 සහ 3 මාදිලි ලෙසට වෙනස් කර ලංකාවේ වෙළඳ පොලට නිකුත් කරනු ලැබුවා.
ෆාර්ගෝ හි පළමු පරම්පරාවේ වෑන් රථය මැනුවල් ගියර් පද්ධතියකින් සහ 1950සීසී එන්ජින් ධාරිතාවකින් යුතුව නිෂ්පාදය කර ඉදිරිපස වායුසමීකරණයෙන් යුතු වෙනවා. එහෙත් ලංකාව තුල නම් ඩුවල් ඒසී කරන ලද වෑන් රථ සොයා ගන්නට අපහසු නැහැ.
මෙහි වර්තමාන මිල රුපියල් 500,000 – 1000,000 දක්වා විහිදෙනවා.
දෙවැනි පරම්පරාවේ (Second Generation) ෆාර්ගෝ වෑන් රථ ලංකාවට පැමිණෙන්නේ 1995න් පසුවයි. එය අන්තර්ජාලය තුල ඉසුසු සමාගමෙන් නිෂ්පාදනය කළා යැයි කියුවත් ලංකාවට එන්නේ නිසාන් කැරවෑන් වෑන් රථයක් ලෙසටයි.
3. Nissan Vanette
Cab over වෑන් මාදිලියට අයිති Nissan Vanette මුලින්ම නිෂ්පාදනය වන්නේ 1978දියි. මුල්ම කාලේ ඩට්සන් වැනට්, නිසාන් සනී වැනට්, නිසාන් චෙරි වැනට් යන නම් වලින් ප්රචලිත වෙන පළමු පරම්පරාවේ වැන් රථ ලංකාවට එන්නේ හරිම අඩු ප්රමාණයක්.
එහෙත් ලංකාවට 90 දශකයේදී පැමිණෙන්නේ Nissan Vanette හි දෙවෙනි තුන්වෙනි සහ සිව් වෙනි පරම්පරාවේ වැනට් වෑන් රථ යි. 1200cc සිට 2000cc දක්වා පැතිරෙන වැනට් වල එන්ජින් ධාරිතාව සමඟ තවමත් පැරණි මාදිලියේ වාහන වලට හොඳම ඉල්ලුම තිබෙනවා, වර්තමානයේ මිලෙන් රුපියල් මිලියන 1.6 සිට 3.0 පමණ මිල පරාසයක් ඇතුලත හොඳම වර්ගයේ වැනට් වෑන් රථයක හිමි කරුවෙක් වන්නට ඔබට පහසුවෙන්ම හැකියාවක් තිබෙනවා.
4. Nissan Caravan
ඉසුසු සමාගමේ ෆාර්ගෝ වැන් රථය වගේම වෙළඳ උවමනාවන් (commercial use) සඳහා නිසාන් සමාගම විසින් නිෂ්පාදනය කරන ලද කැරවෑන් වෑන් රථය අදටත් ජනප්රියත්වයේ ඉහලින්ම තිබෙනවා. Nissan Urvan, Nisan King Van සහ Nissan HOMY යන නම් වලින් හඳුන්වන වෑන් 90 දශකයේ මෙරටට ගෙන්නූ මේ කැරවෑන් මාදිලියේ වෑන් අතරට වැටෙනවා. මේ වාහනය වර්තමානයේ මිලෙන් රුපියල් මිලියන 2.5 සිට 4.5 දක්වා අතර පරාසයකට විහිදෙනවා.
ඩීසල් ඉන්ධන වලින් ධාවනය වෙන මේ මාදිලියේ වැන් රථ වල එන්ජින් ධාරිතාව 2000 – 2500 cc දක්වා විහිදෙන බව කියන්නටම අවශ්යයි. ජ්යාත්යන්තරය තුල E24 යන මාදිලි අංකනයෙන් හඳුන්වන මේ වාහනය දැනටත් ලංකාවේ මහා මාර්ග වල රජ කරන වෑන් එකක් වෙනවා.
5. Nissan Serena
ඉස්සර සදහටම ඔබ මගේ කියලා වෑන් එකක් හැඳින්වුවා මතකද? ආ ඒ තමා මේ නිසාන් සෙරීනා වෑන් එක. MPV එහෙමත් නැතිනම් multi-purpose vehicle මාදිලියට අයත් වෙන වාහනයක්. Passenger vehicle එකක් ලෙස ඊට ගැලපෙන ලෙසටම නිපදවා අපේ රටට එවුවත් ලංකාවේ කුමක්දෝ හේතුවක් නිසා වාහන ලෝලීන් අතර ජනප්රිය වුනේ නැහැ. අධිකව හීට් වීම, වායුසමීකරණ පද්ධතියේ දෝෂ වැනි දේවල් පැමිණෙන නිසා මේ මාදිලියේ ඉල්ලුම තව තවත් පහල බැස්සා.
එකල වාහන ලෝලීන් අතර පැතිරුණු ආරංචියක් තමා මේ වාහන මාදිලිය අසමත් මාදිලියක් බවත් නිසාන් සමාගම විසින් නැවත මේ වාහන එකතුකිරීම අරඹා ඇති බවත්. නමුත් අන්තර්ජාලයේ අපි කරුණු සොයා බැලුවත් එවැනි ආරංචියක් ගැන හෝඩුවාවක් වත් නැහැ,.
එන්ජින් ධාරිතාව 1600cc, 2000cc, 2300cc ලෙස වර්ග කිහිපයක්ම වෙළඳපොළට නිකුත් කෙරෙන සෙරීනා වෑන් රථය වර්තමානයේ රුපියල් මිලියන 1.3 සිට 2.4 පමණ මිල පරාසයකින් යුතුව මිලදී ගන්නට හැකියාව තිබෙනවා.
6. Toyota Townace / Liteace
නිසාන් වැනට් මාදිලිය වගෙම cab over වාහන මාදිලියට අයත් වෙන ටවුන්ඒස් සහ ලයිට්ඒස් මාදිලි එකම අත්තේ පිපුණු මල් දෙකක් ලෙසට සම කරන්නට හැකියි. එක හා සමාන එන්ජින් මාදිලි කිහිපයක් සහිතව එන මේ වාහන 1200cc 1600cc 2000cc එන්ජින් ධාරිතාවලින් යුතු වෙනවා. බොහෝ විට ගැසොලින් වලින් ධාවනය වෙන මේ වාහනය ඩීසල් එන්ජින් සහිතව නිකුත් කල අවස්ථාත් තිබෙනවා.
විශේෂයෙන්ම ලංකාවට ගෙන එන ලද බොහොමයක් මේ වර්ගයේ වාහන තිබෙන්නේ ඩීසල් වාහන බව මතක තබා ගැනීම වැදගත්. M30, M40, M50, M60, M70, M80 මාදිලි සහ R20, R30, R20, R30 rebodied මාදිලියේ වාහන ලංකාව තුල වඩාත් ජනප්රිය වූ බව කියන්නට පුළුවන්. මේ වාහන තවමත් ලංකාවේ මහාමාර්ග වල ධාවනය වෙනවා. මිලෙන් ගත කල රුපියල් මිලියන 1.5 සිට 3.0 දක්වා පරාසයකට මේ වාහන සියල්ලම විහිදෙන බව කියන්නට පුළුවන්.
අපගේ සමූහය සමග එකතුවීමට..❤️
https://www.facebook.com/groups/526534431238259/
ඔබට අපගේ Leasing ගුරු page එක මගින් දැනුමට යමක් එකතු කර ගැනීමට හැකි වී ඇතිනම් අපගේ Page එක Follow කිරීමට සහ Review එකක් දැමීමට අමතක නොකරන්න ( අහිංසක ඉල්ලීමකි..)
