30/11/2023
⛔️و بما ان مبادرة سيارات المغتربين حالياً متاحة⛔️
🔻🔻كل مايخطر في بالك عن المبادرة 🔻🔻
☢️سؤال ١ : ازاي أشترك في المبادرة وانا مش معايا فلوس تكفي ؟
❌جواب : اشترك بأي نوع سيارة رخيصة زي نيسان صني موديل قديم او شيري اريزو ٣ او سوزوكي اسبريسو او تويوتا كورلا 1000 cc
واي نوع هاتختاره اعمله مالك أول و اختار فئة أساسية.
خد موافقتك الاستيرادية لمدة ٥ سنوات..ولما ربنا يكرمك بفلوس تقدر تعدل السيارة وتدفع الفرق المطلوب.
☢️سؤال ٢ : بعد انتهاء المبادرة (يوم 30 24) لو حبيت أغير السيارة هادفع الفرق بأسعار المبادرة الحالية (اللي فيها خصم ٧٠%) ولا بالأسعار الكاملة (١٠٠%) ؟
❌جواب : هاتدفع الفرق بنفس قيمة الخصم الحالية (٧٠%) حتى بعد انتهاء المبادرة.
☢️سؤال ٣ : ماهي المدة التي أقدر خلالها تعديل السيارة ؟
❌جواب : معاك ٥ سنوات موافقة استيرادية غير فيهم براحتك.
☢️سؤال ٤ : ينفع في خلال ال ٥ سنوات الجايه أغير فئة العربية من متوسطة لكاملة او العكس ؟ أو أغير سنة الصنع ؟ أو أغير من مالك اول لثاني أو العكس ؟ أو أغير بلد المنشأ ؟
❌جواب : ينفع تغير أي حاجة...لو عايز تغير العربية كلها بعربية تانية خالص ينفع.
☢️سؤال ٥ : متي سأسترد الوديعة ؟ وبأي عملة ؟
❌جواب : الاسترداد بعد ٥ سنوات من تاريخ دفع الوديعة والاسترداد بيكون بالجنية المصري (بيشوف قيمة الدولار وقت الاستحقاق بكام وبيحطلك الفلوس بالجنية المصري في حسابك المصري اللي انت حطيت بياناته في التطبيق)
☢️سؤال ٦ : انا مقيم بأحدي الدول .هل ينفع أشتري سيارة من أي دولة أخري غير دولة الاقامة ؟
❌جواب : أه ينفع تشترى من أي مكان براحتك ومن أي دولة براحتك.اشتري واشحن سيارتك لمصر عادي.أو حتى لو عايز تشتريها من المنطقة الحرة في مصر برده عادي.
☢️سؤال ٧ : هل الموافقة الاستيرادية لازم توصلني قبل يوم 30 يناير (موعد انتهاء المبادرة)؟
❌جواب : لأ مش لازم...أهم حاجة الفلوس تكون وصلت في حساب البنك الأهلي المصري قبل يوم 30 يناير (كدا أنت حجزت مكانك خلاص).
☢️سؤال ٨ : الموافقة الاستيرادية اتأخرت أوي ؟
❌ جواب : اتطمن الموضوع كله مسألة وقت وعايز صبر بسبب الضغط الشديد عندهم وبعد كدا هاتجيلك الموافقة بأذن الله.
☢️سؤال ٩ : اخدت الموافقة الاستيرادية..اعمل ايه بعد كدا ؟
❌جواب : ماتعملش أي حاجة خلاص من الابليكيشن كدا دور الابليكيشن انتهى...اذا انت قررت تشحن السيارة الي مصر تبدأ تكلم مخلص جمركي عشان يعرفك الأوراق المطلوبة ويسجلك السيارة علي نافذة مسبق الشحن ACID .واذا مش هاتنزل السيارة دلوقتي خلاص مافيش حاجه مطلوبة منك تعملها.
☢️سؤال ١٠ : هل ينفع أنزل أكتر من سيارة تبع المبادرة ؟
❌جواب : ينفع طبعا بس مش بأسمك .يكون بأسم زوجتك او ابنك او بنتك بشرط يكون عندهم اقامة ويكون ابنك او بنتك عندهم اكثر من ١٦ سنة.
☢️سؤال ١١ : طيب زوجتي وابني ماعندهمش حساب بنكي أجيبلهم كشف حساب بنكي ٦ شهور منين ؟
❌جواب : بترفع كشف حسابك انت البنكي عادي جدا
☢️سؤال ١٢ : هو انا ينفع اشترك لزوجتي من حسابي اللي انا عملته علي التطبيق ؟
❌جواب : لأ مينفعش...لازم تعمل لها حساب منفصل على التطبيق وتدخل بياناتها الشخصية كاملة...الحاجة الوحيدة اللي هاتدخلها من بياناتك هي كشف حسابك البنكي والتفاصيل بتاعته.
☢️سؤال ١٣ : هل لازم ابني او بنتي او مراتي يكون عندهم رخصة قيادة عشان أشتري السيارة بأسمهم ؟
❌جواب : مش لازم..ممكن تشتري السيارة وتنزلها علي طول من المناطق الحرة سواء في الدول الخليجيه او المناطق الحرة في مصر...لأن طبعا فيه بعض دول الخليج مش بيرضوا يعملوا تأمين للسيارة الا لو كان فيه رخصة قيادة..وعشان كدا الافضل تشتري السيارة وتنزلها مباشرة من المناطق الحرة سواء خارج مصر أو داخل مصر براحتك.⚡️
☢️سؤال ١٤ : لما اشترك بسيارة اخري لزوجتي بشترك لها من نفس الحساب بتاعي ؟
❌جواب : لأ بتعمل لها حساب منفصل علي التطبيق وتدخل جميع بيانات زوجتك...كل المطلوب فقط منك انك هاتحط رقم حسابك البنكي انت بالخارج (لو الزوجه لاتعمل ولا يوجد عندها حساب بنكي) وطبعا ترفع كشف حسابك انت البنكي وانت طبعا اللي هتدفع الوديعة...لكن كل البيانات عالتطبيق لازم تكون باسم زوجتك.
☢️سؤال ١٥ : انا ماعنديش حساب بنكي (بالجنية المصري) في مصر ! أعمل ايه وهينفع اشترك في المبادرة ولا لا ؟
❌جواب : اه ينفع تشترك بدون ماتدخل بيانات حسابك المصري اللي بالجنية المصري ...ومن اول صدور الموافقة الاستيرادية معاك سنة كاملة تقدر تفتح فيها حساب بنكي في مصر (أو في البريد المصري) ولما تفتحه تدخل بياناته في التطبيق...ودا اللي هيرجعلك عليه الوديعة بتاعتك بعد ٥ سنوات بالجنية المصري.
☢️سؤال ١٦ : انا عندي حساب بنكي في مصر (ولكن بالدولار) هل ينفع أحط بياناته واسترد عليه الوديعة بعد ٥ سنوات ؟
❌جواب : لأ مينفعش حساب مصري بالدولار...لازم يكون عندك حساب مصري بالجنية المصري .لانك هتسترد الوديعة بعد ٥ سنوات بالجنية المصري.
☢️سؤال ١٧ : أرفع كشف الحساب علي التطبيق قبل ولا بعد اما أحول الوديعة ؟
❌جواب : قبل اما تحول الوديعة مباشرة (وصدقوني مش مطلوب ترفعه مرة أخرى بعد التحويل الا لو التطبيق طلع لك رسالة بتحديث كشف الحساب وقتها ارفع الكشف بعد التحويل)
☢️سؤال ١٨ : هل لازم كشف الحساب يكون مختوم ؟
❌جواب : لأ مش لازم...فقط بتنزل كشف حساب ٦ شهور من التطبيق الاون لاين بتاع البنك بتاعك
☢️سؤال ١٩ : كم مدة كشف الحساب المطلوب ؟
❌جواب : آخر ٦ شهور من قبل تاريخ تحويلك للوديعة...يعني لو هاتحول الوديعة في شهر ابريل ٢٠٢٣ ...يبقي هات كشف حساب ٦ شهور وانت راجع لورا (أبريل ومارس وفبراير....وهكذا ( وياسيدي لو تقدر ترفع كشف حساب اكتر من ٦ شهور يكون افضل..خليك كريم يعني.
☢️سؤال ٢٠ : احول من فرع البنك ولا من تطبيق البنك اونلاين ولا أحول من الصرافة ؟
❌جواب : يفضل تحول من فرع البنك..اذا غير متاح حول من الاونلاين أو الصرافة (بشرط لازم تكتب رقم الطلب ورقم المدفوعة )
☢️سؤال ٢١ : هل مطلوب أحول مبلغ الوديعة بالضبط ؟ ولا أزود ؟
❌جواب : بتزود ١٠٠ دولار . بسبب رسوم البنك الوسيط (ملحوظه : هناك بعض الصرافات بتحول بدون رسوم البنك الوسيط زي صرافة *البحرين BEC للصرافه* في الكويت بتاخد 4 دولار رسوم فقط⚡️
☢️سؤال ٢٢ : الموافقة الاستيرادية ماوصلتنيش علي الايميل ومش عارف أجيبها من التطبيق ؟
❌جواب : اضغط على كلمة (الموافقة الاستيرادية) في التطبيق ثم اضغط على كلمة (طباعة) ...هاتوصلك بعدها الموافقة الاستيرادية علي ايميلك في صورة ملف pdf
☢️سؤال ٢٣ : الموافقة الاستيرادية وصلتني بدون شعار الجمارك ! هل كدا غلط !
❌جواب : لا كدا صح الصح...وفيه صيغتين للموافقات الاستيرادية واحدة بدون شعار الجمارك والتانيه فيها شعار الجمارك والاتنين صح مافيش حاجه غلط.
☢️سؤال ٢٤ : الموافقة الاستيرادية مدتها قد ايه للمالك الأول؟ وامتي مسموح انزل السيارة ؟
❌جواب : الموافقة الاستيرادية مدتها ٥ سنوات.ومسموح لك تنزل السيارة في اي وقت خلال ال ٥ سنوات
☢️سؤال ٢٥ : الموافقة الاستيرادية مدتها قد ايه لغير المالك الأول (مالك ثاني او ثالث او رابع او...) ؟ وامتي مسموح أنزل السيارة مصر؟
❌جواب : الموافقة الاستيرادية مدتها ٥ سنوات أيضا...ولكن انتبه مسموح لك السيارة وقت الافراج الجمركي بأنه يجب الا تتعدي (٣ سنوات) من تاريخ صنع السيارة
*سيارة ٢٠٢٠ أخرها تنزل مصر في ديسمبر ٢٠٢٣
*سيارة ٢٠٢١ اخرها تنزل مصر في ديسمبر ٢٠٢٤
*سيارة ٢٠٢٢ اخرها تنزل مصر في ديسمبر ٢٠٢٥
☢️سؤال 26 : أنا اختارت فئة سيارتي متوسطة ولما نزلت الجمارك اكتشفت انها كاملة ! هيحصل ايه ؟
❌هاتدفع الفرق كاش والفرق دا غير مسترد.
أو تترك السيارة في الميناء وتفتح التطبيق وتعمل تعديل للسيارة وتدفع الفرق وتنتظر موافقة استيرادية جديدة (ولكن المشكلة ان سيارتك هتنتظر كتير في الجمرك وهاتدفع لها ارضيات من ٧٠ الي ٨٠ دولار يوميا) لغاية لما تطلع لك الموافقة الجديدة واللي طبعا ممكن تتأخر عليك.
☢️سؤال 27 : انا أخترت فئة السيارة غلط .أصلحها ازاي
❌جواب : انتبه 🚫🚫اذا انت حولت فلوس الوديعة بالفعل ومنتظر الموافقة الاستيرادية ممنوع منعا باتا تغير حاجه في التوقيت دا من التطبيق وممنوع تلغي طلبك وممنوع تعمل أي تعديل في التطبيق...الموضوع دا مهم جدا فوق ماتتخيلوا 🚫🚫
✅️التغيير بيكون بعد استلام الموافقة الاستيرادية.
☢️سؤال 28 : إزاي أغير العربية بتاعتي ؟ أو أعدل بيانات العربية اللي انا أخدت عليها موافقة استيرادية ؟
❌جواب : افتح التطبيق >> علي يسار الشاشة فوق اضغط على كلمة (حسابي) >>> ثم اضغط على كلمة (طلباتي) >>> ثم اضغط على طلب السيارة >>> ثم اضغط علي (تفاصيل السيارة) >>> ثم اضغط على (تغيير السيارة) >>> ثم اختار السيارة المطلوبة اللي حضرتك عاوز تعدل اليها...ثم اضغط (تأكيد الطلب)...ثم هيطلع لك المبلغ لو فيه فرق المفروض تدفعه...وبتاخد رقم الطلب والمدفوعة وتروح تدفع زي مادفعت قبل كدا...وانتظر الموافقة الاستيرادية بالبيانات الجديدة.
☢️سؤال 29 : لو أنا عدلت السيارة اللي اخدت عليها موافقة استيرادية لسيارة أخرى أعلى في الوديعة ودفعت الفرق في الوديعة بين السيارتين...هاسترد الوديعة أزاي ؟ هستردها علي مرتين ولا مرة واحدة ؟ وهستردها امتي ؟
❌جواب : هتسترد الفلوس بتاعتك كاملة (اللي دفعتها أول مرة + الفرق اللي دفعته بعد التعديل) مرة واحدة بعد خمس سنوات من تاريخ آخر مرة دفعت فيها ! انتبه
❇️و اخيرا لو مش عارف تسجل عالبرنامج نقدر نساعدك فالتسجيل بدون اى مصاريف ✅👍
