Webike香港

Call Website Contact the business

Webike香港 Webike香港！全香港與澳門最大的電單車服務網站
全新媒體品牌《Webike+二輪騎仕》現已上線

電單車零件，騎士用品：https://www.webike.hk/
《Webike+二輪騎仕》中文圈最新電單車資訊：https://plus.webike.hk/

Webike香港！全香港最大的電單車服務網站，提供超過1000個品牌、60萬項改裝零件、騎士用品讓您挑選，並且提供HONDA、YAMAHA、SUZUKI、KAWASAKI、HARLEY-DAVIDSON、 HUSQVARNA、 VESPA、BMW、KYMCO、SYM、AEON、PGO、HARTFORD、 CPI等...原廠零件販售。

🏁 Webike+二輪騎仕「澳門大賽車特別專頁」正式上線！第73屆澳門格蘭披治大賽車將於11月19至22日舉行，同場的第58屆澳門電單車大賽，是與曼島TT、西北200齊名的國際公路電單車賽。去睇大賽車之前要知嘅嘢，Webike+二輪騎仕幫你...
14/10/2026

🏁 Webike+二輪騎仕「澳門大賽車特別專頁」正式上線！

第73屆澳門格蘭披治大賽車將於11月19至22日舉行，同場的第58屆澳門電單車大賽，是與曼島TT、西北200齊名的國際公路電單車賽。

去睇大賽車之前要知嘅嘢，Webike+二輪騎仕幫你整理晒喺一個專頁：

📅 賽程｜四日賽程＋第58屆電單車大賽時間表（正賽 11/21 星期六 09:10 開跑，全程12圈）
🎟️ 門票與看台｜2026年票價、三個看台位置特色、香港購票點及現場票務處時間
⛴️ 由香港出發｜由香港坐船到外港碼頭，步行就到大看台一帶
🗺️ 互動東望洋賽道圖解｜撳彎角編號，即睇葡京彎、髮夾彎等重點彎角介紹
🍜 賽期好去處｜賽車博物館、世遺景點，仲有同期舉行嘅第26屆澳門美食節
🏆 電單車大賽歷史｜由1967年首屆到2025年第57屆回顧
📸 賽場掠影｜2025年電單車大賽現場照片
📰 最新報導｜Webike+ 賽事報導持續更新
❓ 常見問題｜幾時比賽？點樣買飛？一次過答你

👉 立即睇特別專頁：https://plus.webike.hk/lp/macau-grand-prix-2026/

賽程及票價以大會最新公佈為準。

#澳門大賽車 #澳門格蘭披治大賽車 #澳門電單車大賽 #東望洋賽道

世界耐力賽十年王者 TSR 出手！Honda CB1000F 終極改裝「Rebellion」登場，注入鈴鹿賽道黑科技，重現 80 年代 AMA Superbike 傳奇戰魂！🔥原裝 CB1000F 坐姿偏休閒街車？TSR 直接打破既定框架！...
14/10/2026

世界耐力賽十年王者 TSR 出手！Honda CB1000F 終極改裝「Rebellion」登場，注入鈴鹿賽道黑科技，重現 80 年代 AMA Superbike 傳奇戰魂！🔥

原裝 CB1000F 坐姿偏休閒街車？TSR 直接打破既定框架！換上專用上三角台加分離把手，一口氣將把手位置向內收 104mm、高度大幅壓低 128mm，配合 4 段可調後移腳踏，瞬間重塑純種跑車騎乘三角。車頭最神之筆係換裝專屬「子彈型儀表蓋」，將現代方形 LCD 巧妙重塑成經典圓錶輪廓，復古競賽感即刻返晒嚟！⚙️

底盤與動力改裝同樣去到極致！配備與 R's Gear 聯乘開發嘅 UP-TYPE 錐形全段排氣喉（一口氣偷輕 3.2kg），結合 Bito R&D Magtan JB1 鍛造鎂合金車軨、Sunstar 320mm NCR 加大煞車碟，以及 G-Sense Ohlins 避震。全車輕巧靈敏，Honda 直四高轉澎湃、低轉厚實，真正釋放「F」名號嘅旗艦運動靈魂！🛞

完整改裝零件清單同試駕評測我放咗喺第一則留言 👇 更多新車、改裝同好料，密切留意 Webike 香港最新資訊 👀

#電單車改裝 #香港電單車

點解來到今時今日，我哋依然需要一架 400cc 直四？全新日本製造 Honda CB 400 Super Four 同全包圍跑車 CBR 400R Four E-Clutch 正式進駐香港代理陳列室！🔥搭載 399cc 水冷直列四缸引擎，5...
13/10/2026

點解來到今時今日，我哋依然需要一架 400cc 直四？全新日本製造 Honda CB 400 Super Four 同全包圍跑車 CBR 400R Four E-Clutch 正式進駐香港代理陳列室！🔥

搭載 399cc 水冷直列四缸引擎，58 匹馬力要拉到 11,500 轉先完全爆發！相比大排氣量開油就爆，400 直四喺香港路面先真正有機會畀你開油、拉轉、享受萬轉高亢聲浪與機械反饋，呢份純粹嘅「味道」無可取代。⚙️

新車更導入第 2 代 E-Clutch 電控極力子系統，機件更緊湊平整咁融入引擎本體，起步、停燈同轉波毋須拉極力子，同時保留純手動操作樂趣，塞車悠閒或者攻彎熱血自由切換！🛞

同場加映：多用途冒險車 2026 Honda NX 400 推出重磅優惠，由原價 $68,800 勁減 $15,000 至優惠價 $53,800！

詳細試駕分析、完整規格表同實車相片我放咗喺第一則留言 👇更多新車、試駕同好料，密切留意 Webike 香港最新資訊 👀

車輛提供： Honda Motorcycle Hong Kong Chun Kee

#直四神車 #燦基 #電單車 #香港電單車

經典紅白藍賽車戰衣加上身！Honda 於馬來西亞推出全新「ADV160 Tricolore Edition」，將本田賽車靈魂注入人氣跨界綿羊！🔥今次登場嘅 Tricolore 特別版以經典紅白藍三色為主調，致敬 Honda 喺賽場上嘅輝煌歷...
12/10/2026

經典紅白藍賽車戰衣加上身！Honda 於馬來西亞推出全新「ADV160 Tricolore Edition」，將本田賽車靈魂注入人氣跨界綿羊！🔥

今次登場嘅 Tricolore 特別版以經典紅白藍三色為主調，致敬 Honda 喺賽場上嘅輝煌歷史。動力延續 156.9cc eSP+ 4V 水冷單缸引擎（爆發 16 匹馬力），兼顧市區通勤靈活性與輕度越野樂趣！⚙️

2026 年款更全面升級 5 吋全彩 TFT 液晶儀表，支援 Honda RoadSync 智能手機連線（把手按鍵即可操作導航與音樂播放）。腳下配備 Showa 帶氣樽雙槍尾避震，加上 HSTC 循跡控制、Smart Key 免匙系統、USB-C 充電口與 30L 座下大箱，科技同實用性滿載！🛞

詳細規格同三色版彩繪細節我放咗喺第一則留言 👇更多消息，密切留意 Webike 香港最新資訊 👀

#跨界綿羊 #電單車 #香港電單車

滿配電控中量級巡航！張雪機車（ZXMOTO）600V 正式抵港登場，雙向快排、定速巡航加上「怠速熄缸」科技！🔥作為品牌首款巡航力作，張雪 600V 打破傳統巡航車沉重嘅印象，全車濕重壓至僅 195kg！765mm 超親民座高配合前主騎菱格紋...
08/10/2026

滿配電控中量級巡航！張雪機車（ZXMOTO）600V 正式抵港登場，雙向快排、定速巡航加上「怠速熄缸」科技！🔥

作為品牌首款巡航力作，張雪 600V 打破傳統巡航車沉重嘅印象，全車濕重壓至僅 195kg！765mm 超親民座高配合前主騎菱格紋座位，就算身材嬌小嘅男女車友都可以輕鬆雙腳平踏落地。車頭配備「Z 字型」日行燈 LED 頭燈與端子倒後鏡，機甲美學質感拉滿！⚙️

心臟搭載 578cc 90 度水冷 V 型雙缸引擎，爆發 61.2 匹馬力同 61Nm 強勁扭力，配合皮帶傳動同滑動極力子，免去經常洗鏈唧油嘅煩惱。

最引人注目嘅係全車搭載電子油門，原廠標配定速巡航、雙向快排、3 種動力模式以及同級罕見嘅「怠速熄缸功能」（等燈位自動停用後缸免辣腳兼慳油）！配合 18L 大油缸，續航力輕鬆突破 400 公里！🛞

本車由香港代理 DS Moto 引進，HKD 官方售價與到貨消息將於日後公佈。詳細規格同電控亮點我放咗喺第一則留言 👇

更多新車、評測同好料，密切留意 Webike 香港最新資訊 👀

車輛提供 ：張雪機車香港 ZXMOTO Hong Kong

#張雪機車 #巡航車 #快排 #香港電單車

Bonneville 傳奇名號首度降臨 400cc 級距！Triumph 旗下 400 家族最新旗艦「Bonneville T40」同黑化特仕版「Bonneville T40 Black」重磅發表！🔥傳承六十年經典線條，配備水滴型油缸、手繪...
07/10/2026

Bonneville 傳奇名號首度降臨 400cc 級距！Triumph 旗下 400 家族最新旗艦「Bonneville T40」同黑化特仕版「Bonneville T40 Black」重磅發表！🔥

傳承六十年經典線條，配備水滴型油缸、手繪拉線彩繪、鋼絲軨、雙槍尾避震同 Peashooter 響喉！T40 Black 更將引擎、死氣喉同後視鏡全面黑化，配搭棕色毛毛蟲座鞍，復古英倫味濃爆。⚙️

心臟搭載專屬調校嘅 398cc 水冷單缸 TR 引擎，爆發 31 匹馬力同 36Nm 強勁低扭，低轉輸出平順又富脈動聲浪！電控配置更係同級頂配：圓形 4 吋全彩 TFT 儀表（支援 Heritage Mode 經典指針介面同全地圖導航）、標配定速巡航、支援傾角感應嘅彎道 ABS 同循跡系統！🛞

座高 790mm（可選配低座鞍至 770mm），預計 2027 年初公布售價、春季正式交付。

詳細規格同四款新色圖輯我放咗喺第一則留言 👇 更多消息，密切留意 Webike 香港最新資訊 👀

#復古街車 #電單車 #香港電單車

邁向創立 80 週年！Vespa 重磅推出 80th Anniversary 限定紀念車款，經典「粉彩綠」重現 1946 年意式風貌，Sprint 180 仲換上全新 180cc 心臟！🔥今次 80 週年限定版涵蓋旗艦巡航 GTS 300 ...
06/10/2026

邁向創立 80 週年！Vespa 重磅推出 80th Anniversary 限定紀念車款，經典「粉彩綠」重現 1946 年意式風貌，Sprint 180 仲換上全新 180cc 心臟！🔥

今次 80 週年限定版涵蓋旗艦巡航 GTS 300 同運動型格 Sprint 180！全車採用致敬 1946 初代 Vespa 98 嘅「粉彩綠 (Verde Pastello)」專屬車漆，更罕有地採用後視鏡、前護板飾條同後座扶手「全車同色」設計。鑽石切割車軨上印有「EST. 1946」標誌，配合「80 Years」專屬銘牌，復古質感極致吸睛！⚙️

動力科技大幅升級！Sprint 180 首度搭載全新 174cc i-Get 引擎，馬力暴增 20% 達 15.2ps，油耗更節省 12%（43.1km/L）！GTS 300 則繼續由 23.8ps HPE 強悍心臟加持。兩車均升級全彩 TFT/液晶儀表、Vespa MIA 手機連線、Keyless 無匙啟動同雙通道 ABS，GTS 300 更配備 ASR 循跡控制！🛞

香港 Moto Plex 現已登場，同場仲有 Tote Bag、Cap 帽同車主禮包等親民精品。

詳細規格同 80 週年亮點我放咗喺第一則留言 👇 更多消息，密切留意 Webike 香港最新資訊 👀

車輛提供： Motoplex Hong Kong

#綿羊 #電單車 #香港電單車

GB350 升級版大哥登場！Honda 於印度正式公布 501cc 氣冷單缸復古街車「CB500」售價，當地售價折合約 $2.4 萬港幣起！🔥作為 GB350（CB350）嘅大哥級車款，全新 CB500 心臟升級至 501cc 氣冷單缸，並...
30/09/2026

GB350 升級版大哥登場！Honda 於印度正式公布 501cc 氣冷單缸復古街車「CB500」售價，當地售價折合約 $2.4 萬港幣起！🔥

作為 GB350（CB350）嘅大哥級車款，全新 CB500 心臟升級至 501cc 氣冷單缸，並加設油冷散熱器（Oil Cooler）。最大馬力升至 28PS，扭力更達 43.3Nm，比 GB350 狂增 8PS/14Nm，復古鼓動感同中段扭力大幅提升！⚙️

今次官方提供 3 款規格：入門 Alloy 合金軨版、支援無內胎嘅 Spoke 鋼絲軨版，以及配備金線彩繪嘅 Spoke with Stripes 頂級版。全車標配 HSTC 循跡控制、RoadSync 手機連線、輔助滑動極力子同雙通道 ABS。🛞

預計 2026 第 4 季起開始交付。各地更已相繼註冊「GB500」商標，相信未來引進各地市場嘅機會極高！

詳細 3 款版本分佈、馬力數據同售價我放咗喺第一則留言 👇更多消息，密切留意 Webike 香港最新資訊 👀

#復古街車 #電單車 #香港電單車

機甲風混搭美式巡航！KOVE 槍騎兵 625 霸氣登場，獨創「雙油缸」黑科技續航力輕鬆突破 400 公里！🔥打破傳統巡航車水滴油缸嘅框框，槍騎兵 625 採用硬派機甲外觀：透鏡 LED 圓燈配展翼日行燈、手把端子鏡，右側更有極搶眼嘅渦輪造型...
29/09/2026

機甲風混搭美式巡航！KOVE 槍騎兵 625 霸氣登場，獨創「雙油缸」黑科技續航力輕鬆突破 400 公里！🔥

打破傳統巡航車水滴油缸嘅框框，槍騎兵 625 採用硬派機甲外觀：透鏡 LED 圓燈配展翼日行燈、手把端子鏡，右側更有極搶眼嘅渦輪造型進氣罩同消光黑雙出死氣喉！深陷式低座高設計，嬌小男女車友都可以輕鬆雙腳平踏。⚙️

心臟搭載 578cc 水冷 V 型雙缸引擎，爆發 45kW 馬力同 60Nm 低扭，配合皮帶傳動，市區遊車河無需頻繁拖波，保養亦極之輕鬆。最驚艷係車身採用 16L＋4L（座下副油缸）共 20L 雙油缸設計，長途摩旅絕無尋找油站嘅焦慮！🛞

詳細規格同優缺點分析我放咗喺第一則留言 👇 更多新車、試駕同好料，密切留意 Webike 香港最新資訊 👀

車輛提供： 油俠網hkmotopro｜升仕zontes｜凯越kove｜vrooam｜wstandard｜rp｜chigee｜reso｜rs8

#槍騎兵625 #巡航車 #電單車 #香港電單車

克服 40 分鐘入 Pit 維修逆境！Kawasaki Webike Trickstar 於 2026 Bol d'Or 24 小時耐力賽勇奪總第五名，連續兩年拿下 EWC 年度殿軍！🏆今次 2026 EWC 煞科戰可謂波折重重！比賽初期遇...
29/09/2026

克服 40 分鐘入 Pit 維修逆境！Kawasaki Webike Trickstar 於 2026 Bol d'Or 24 小時耐力賽勇奪總第五名，連續兩年拿下 EWC 年度殿軍！🏆

今次 2026 EWC 煞科戰可謂波折重重！比賽初期遇上碰撞損壞整流罩兼慢速爆胎，深夜更因節氣門同電路故障兩度被迫長時間進站。技師團隊爭分奪秒迅速搶修，累計損失將近 40 分鐘，名次一度跌至第 9 位。⚙️

但三位車手（Román Ramos、Christian Gamarino、Grégory LeBlanc）絕不放棄，憑住新型 Ninja ZX-10RR 做出超越領先集團嘅圈速瘋狂追擊，最終狂奔 718 圈以第 5 名衝線！🛞

配合斯帕 24 小時季軍同鈴鹿 8 耐完賽，車隊達成全季 4 站全數完賽，展現出堅韌不屈嘅賽車精神！

詳細賽後車手同總監感言，我放咗喺第一則留言 👇 更多賽事消息、改裝同好料，密切留意 Webike 香港最新資訊 👀

#耐力賽 #電單車 #香港電單車

Address

Hong Kong

Opening Hours

Monday 10:00 - 19:00
Tuesday 10:00 - 19:00
Wednesday 10:00 - 19:00
Thursday 10:00 - 19:00
Friday 10:00 - 19:00
Saturday 10:00 - 19:00
Sunday 10:00 - 19:00

Telephone

+85234670646

Website

,

Alerts

Be the first to know and let us send you an email when Webike香港 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Webike香港:

Shortcuts

Share

Category