22/06/2017
Vehicle Coating，汽車鍍膜其實以大家廣泛認識知分為有9個硬度值指標, 分為1H 到9H。H 係硬度既指標, 響坊間有唔同既講法 (9H會達到鑽石硬度)。但其實真正既說法係HB鉛筆既硬度(Pencil Hardness Test) 。以9H為例，硬度會承受到9H鉛筆劃落車身既硬度作為標準。
市面上大部份鍍膜都主要都強調除左硬度，仲有疏水性，稱為Hydrophobic，而極強既疏水性我地會叫做Super Hydrophobic。
原理為響車漆上既”力架”表面塗上一層分子塗層，其穩定分子既特性會防止水分子(OH-)黏上，以形成我地稱之為”冼水”。
市面上各式各樣既鍍膜有唔同既疏水性，其中仲會有一個疏水性既角度(Contact angle) 係包裝上供人參考，標示該款鍍膜可以撐起水滴既角度(角度越大，越少水份接觸車身表而面)。而受到以上角度仲會影響滑水角度(Sliding Angle)，代表該角度水份會受地心吸力而響表面滑走。
而點解通常大部份客人會同我地反映以前既鍍膜年期冇人地講咁長，成因通常為車主洗車既習慣同保養有所聯繫，當然施膜工序同方法都可以為成因既一種。
市面上每種鍍膜都會反映唔同既光澤同光滑程度，記得做多點事前資料搜集喔。另外每次鍍膜時做的研磨程序會令車身”力架”變薄，所以每部車都會有能夠做鍍膜既次數。所以汽車透明膜(Protection Film) 都係依家汽車美容界一種新熱潮。至於係咩等小弟下集再講下啦
車主如果有機會需要做到鍍膜，不妨可以先去了解一下，再去選擇適合自己既鍍膜。當然有咩問題或指正可以搵我地小編，能夠解答你地既問題我地都會向客人提供最詳細既資料！
或者大家平時有咩方法去護理大家部車？不妨響下面留言一齊探討下～
#鍍膜
