04/02/2020
👉🤔 ზეთის შეცვლა - მითები და რეალური ფაქტები!
🔎 უამრავი მოსაზრება არსებობს ავტომობილის ზეთის შეცვლის შესახებ. ქვემოთ ჩამოთვლილია ამ თემასთან დაკავშირებული ფართოდ გავრცელებული მითები:
↪ მითი1. “ძრავის ზეთი ავტომობილში უნდა შეიცვალოს მხოლოდ მას შემდეგ, რაც ის გაივლის 8 000 – 10 000 კილომეტრს“
- რეალურად, ძრავის ზეთის შეცვლისას, განვლილ კილომეტრაჟთან ერთად, გასათვალისწინებელია დროის ფაქტორიც. ნებისმიერი ძრავის ზეთი, შემადგენლობის თავისებურებებიდან გამომდინარე, დროთა განმავლობაში კარგავს ეფექტურობას და როგორც წესი, ჩასხმიდან 6 თვის თავზე დგება მისი შეცვლის აუცილებლობა. შესაბამისად, ძრავის ზეთი რეკომენდებულია შეიცვალოს ყოველ 8 000 -10 000 კილომეტრზე, ან 6 თვეში ერთხელ, გამომდინარე იქიდან, თუ რომელი შემთხვევა დადგება პირველი
↪ მითი2. „ერთი და იგივე სერიის ზეთის ფერი ყოველთვის ერთნაირია“
- მწარმოებლები უფრო მეტ ყურადღებას უთმობენ პროდუქტის საპოხ თვისებებს, ვიდრე მის ფერს, ამიტომ ზეთის ფერში მცირე განსხვავებები ნორმად ითვლება. ზოგადად, ახალი ზეთის ფერი არის გარდამავალი ქარვისფერსა და ღია ყავისფერს შორის
↪ მითი 3. “ავტომობილებისათვის, რომელთა გარბენი 100 000 -ზე მეტია, საჭიროა 10 - 40“
- თუ ძრავის ექსპლუატაციის პირობები კარგადაა დაცული, დროთა განმავლობაში, საერთოდ არაა საჭირო მისი უფრო სქელ ზეთზე გადაყვანა. საქმე იმაშია, რომ თუ ავტომობილმა ზეთის დაკლება დაიწყო ე. ი. ძრავს რაღაც პრობლემა აქვს. ხშირად ამ პრობლემის მოგვარებაზე იაფი უფრო სქელი ზეთის ჩასხმაა და ეს არც ისე ცუდი გამოსავალია, მაგრამ თუ ავტომობილი ზეთს არ იკლებს, მაშინ მხოლოდ გარბენის გამო ძრავის უფრო სქელ ზეთზე გადაყვანა არაა რეკომენდებული
↪ მითი 4. „თუ ზეთი გამუქდა აუცილებელია მისი სასწრაფოდ შეცვლა“
– ზეთის ფერის შეცვლა სანერვიულო არ არის. ძრავის ზეთი მუქდება იმის გამო, რომ თანამედროვე ზეთებში სპეციალური დანამატები იწვევენ საწვავის არასრული წვის შედეგად წარმოქმნილი ნარჩენების გახსნას და უზრუნველყოფენ ძრავის ნაწილების წმენდას. ზეთის ფერის ცვლილების ინტენსივობა დამოკიდებულია საწვავის ხარისხზე, მის მოხმარებაზე და მანქანის ექსპლუატაციის პირობებზე - მაგალითად, ცუდი ხარისხის ბენზინის გამოყენებისას ზეთის ფერი უფრო მალე მუქდება
↪ მითი 5. „ზეთის რეგულარული ცვლა აუცილებელი არ არის“
- ძრავის ზეთის რეგულარული შეცვლა აუცილებელია და თუ არ შეიცვალა ეს იწვევს წვის შედეგად ძრავში ნარჩენების ინტენსიურ ფორმირებას, ზეთის ცირკულაციის სიჩქარის შემცირებას და ძრავის შემადგენელი ნაწილების შეზეთვის ხარისხის გაუარესებას. საბოლოო ჯამში მკვეთრად იზრდება ძრავის ცვეთა და სერიოზული დაზიანების ალბათობაც. ზეთის შეცვლის რეკომენდებული ინტერვალები დგინდება ავტომწარმოებლის მიერ და მისი დაცვა აუცილებელია
