03/09/2026
ده شرف لينا ياهندسه والله نورتنا وشرفتنا وكان يوم جميل بوجود حضراتك ياهندسه وحضرت المهندس نور المهندس محمد عبد السلام المهندس احمد وباقي تيم ريزول ده شرف لينا بقدومكم لينا ونورتونا والله عربيتك مع Ahmed Bitash
🚨 حصلتلي مشكلة كبيرة في الصعيد… ومكنتش متوقعها خالص! 😳
كل ما أطلع محافظة أقول: خلاص، كده شفت آخر الكرم والجدعنة… ألاقي المحافظة اللي بعدها بتكسر اللي قبلها! ❤️🔥
بجد حابب أحكيلكم عن تجربتي مع أهل الصعيد في زيارتي لبعض المحافظات.
دي كانت أول مرة في حياتي أروح خط الصعيد، وكنت داخل وأنا مش عارف إيه اللي مستنيني… لكن اللي شوفته من استقبال وحب وكرم وضيافة بصراحة حاجة تشرف وترفع الراس. ❤️
من أول ما دخلت محافظة لحد ما مشيت، قابلت ناس في منتهى الأصل والجدعنة والاحترام، وكل واحد استقبلني كأني واحد من أهله.
وأنا عارف إن الصعيد معروف بأهله وأصله وكرمه وجدعنته، لكن الصراحة إن اللي شوفته بعيني كان أكبر بكتير من اللي كنت متخيله. ❤️
والأغرب بقى… إن كل ما أطلع من محافظة وأقول دي كانت آخرها، ألاقي المحافظة اللي بعدها فيها حب وكرم وضيافة أكتر! 😂❤️
وبحب أقول لأهل المنيا تحديدًا:
حقكم عليا ومتأسف إني منزلتش عندكم 🙏❤️
الزيارة دي كانت مرتبطة بشغلنا مع الموزعين والوكلاء، والمنيا مفيهاش وكيل لينا، فعشان كده مقدرتش أنزل.
لكن وعد مني… المنيا ليها زيارة مخصوص. ❤️
من غير شغل ولا مواعيد ولا حاجة… نازل مخصوص أقعد معاكم وأشوفكم وأتشرف بيكم.
ولسه مكمل زيارتي للصعيد…
قنا والأقصر بكرة وبعده ❤️🔥
وأحب أقول لكل أهل الصعيد، من أصغر واحد لأكبر واحد:
شكرًا من قلبي على كل استقبال، وكل كلمة حلوة، وكل ضيافة، وكل موقف جدعنة شوفته منكم. ❤️
بجد زيارة هتفضل علامة في قلبي، وفخور إني قابلت ناس بالأصل والكرم ده.
تحياتي لكل أهل الصعيد… وربنا يديم المحبة بينا ❤️🔥