Amr Sadek Nissan For Help, مدينة نصر حي الواحة, Nasr City (2026)

Q: What is the address?

مدينة نصر حي الواحة

21/07/2026

📌 مشكلة فصل الدواسة اللحظي
* في الحر الشديد
* أثناء تشغيل التكييف
* عند السير في الزحام أو بعد تخطي المطبات ⛔

🌷 نشرح الموضوع واحده واحده لو حضرتك فعلا عايز تفهم الموضوع بالتفاصيل الفنية ... ولو عايز الخلاصة أقرء الروشته على طول🙂

👫كتير من ملاك نيسان قشقاي 1.2 تيربو بيوجهوا لغز محير جداً في عز حر الصيف وأنت واقف في إشارة أو زحمة والتكييف شغال تيجي تطلع بالعربية تلاقي دواسة البنزين (فصلت تماماً) لثانيتين ومفيش استجابة ولو طفيت التكييف العربية بتطلع طلقة.

🧑‍🔧بصفتنا متخصصين هنشرح لك العيب ده هندسياً بيحصل ليه وإزاي بنحله جذرياً في نقاط بسيطة ...

ماذا يحدث ⚡⚡⚡
🔋🪫هبوط الجهد اللحظي (Voltage Drop) في ضفيرة القشقاي وقت الزحمة والحر الشديد بيحصل نتيجة لعاملين رئيسيين :-
▪️ أحمال كهربائية بتسحب أمبير عالي جداً في نفس اللحظة
(قصاد)
▪️مقاومة عالية في السلوك أو الأرضي بتمنع التيار إنه يمر بسلاسة

🌷 تفاصيل وشرح الموضوع🌷
1️⃣ ذروة سحب الأمبير من التكييف والمراوح
لما العربية تكون واقفة في إشارة في عز الحر والتكييف شغال المكونات دي بتشتغل بأقصى طاقتها بمعني
⬅️ (مروحة التبريد الأمامية) بتدخل على السرعة العالية القصوى (High Speed) عشان تسعف حرارة الموتور والسربنتينة والمروحة دي وهي بتقوم بسحب أمبير عالي جداً كلتش الكمبرسور ملقط ومحمل كهربائياً

⬅️ مروحة التكييف الداخلية (Blown Motor) شغاله على أعلى سرعة داخل الصالون
⛔ كل الأحمال دي بتتسحب من علبة الـ IPDM في نفس الوقت وده بيعمل ضغط وسحب فجائي على الشبكة الكهربائية للعربية

2️⃣ مقاومة التلامس وأكسدة الأرضي
مع حرارة حوض المحرك الشديدة كابلات الأرضي الرئيسية (الواصلة بين البطارية والشاسيه وجسم الموتور) بتسخن والسخونة دي بترفع المقاومة
لو فيه أي أكسدة - تمليح - أو بويه مكان رباط كبل الأرضي التيار العالي اللي راجع من المراوح والتكييف مش بيلاقي مسار سريع يرجع بيه للبطارية فيحصل اختناق كهربائي (هبوط جهد) عند نقط التوزيع والكنترول

3️⃣ رطوبة في فيشة حساس ضغط الفريون (التكييف)
حساس ضغط التكييف موجود في مكان سفلي معرض للأتربة والمياه والرطوبة مع السخونة والضغط العالي للفريون في الإشارة الحساس ده لو فيه تمليح داخلي أو قصر جزئي بيبدأ يسحب تيار من خط الـ 5 فولت المرجعي ويصرفه في الأرضي فيسقط الجهد بتاع المجموعة كلها.

🖥️ كيف يترجم الكمبيوتر هذا الهبوط؟
الكمبيوتر (ECU) بيراقب الفولت اللي داخله واللي خارج منه بدقة جزء من الثانية أول ما يحصل الهبوط اللحظي ده وتختلف قراءة الدواسة (APP1) عن الاحتياطية (APP2) الكنترول بيفهم إن فيه (برجلة) في الكهرباء ومفيش استقرار وعشان يضمن إن البوابة متفتحش لوحدها بشكل خطر بيقطع إشارة الدواسة كأمر أمان وحماية (Fail-Safe) لحد ما الحمل يستقر أول ما تشيل رجلك أو تقفل التكييف.

روشتة العلاج الجذري والنهائي بأذن الله
🛡️🛡️🛡️🛡️🛡️🛡️🛡️🛡️🛡️🛡️🛡️🛡️
🛟 تنظيف وتكويد البوابة إزالة ترسبات الكربون وعمل إعادة تعيين (Reset) عشان حركة البوابة الميكانيكية تكون خفيفة وسريعة

🛟 صيانة منظومة التبريد غسيل سربنتينة التكييف الأمامية ومراجعة سرعات المراوح لخفض ضغط الفريون والتحميل الكهربائي

🛟 تقوية شبكة الأرضي ومراجعة ضفيرة الكهرباء والبطارية وتنظيف وتطهير كل كبلات الأرضي للتأكد من ان لايوجد عازل بين كبلات الأرضي وجسم السيارة او ارضي المحرك

🛟 غسيل دورة تبريد المحرك واستخدام مياه تبريد عالية الجوده

🛟استخدام بوجيهات الموصي بها من نيسان لتحسين عملية الاحتراق والمحافظه على المباين لان البوجيه مع الوقت المسافة بين القطبين بتوسع ده غير تراكم الكربون ومن هنا تزيد المقاومه الكهربائية للبوجيه وتكون عائق للتيار الكهربي الوارد من الموبينة فلما البوجيه يكون تالف ومقاومته عالية الموبينة بتضطر تشتغل بأقصى طاقة وتولد فولت أعلى بكتير من طاقتها الطبيعية عشان تعوض الخنق فده بيؤدي الى ارتفاع درجه حرارة الماكينة ده غير انها بتسحب أمبير عالي من وحدة الـ IPDM وتعمل تشويش كهرومغناطيسي بيهز استقرار الجهد جوة الكمبيوتر الهزة دي بتضرب اتزان الخطوط المرجعية 5 فولت اللي مشغلة التكييف والتيربو والدواسة فالكمبيوتر يفصل الدواسة فوراً كأمر أمان

🛟 من اسباب علو درجة حرارة حوض الماتور انسداد علبة البيئة فبالتالي لن يتم تصريف العادم بشكل كامل والباقي بيرد للماكينة فيجب تنظيفها

🛟 تنظيف دورة التربو وخصوصآ سربنتينة تبريد الهواء الخاصه به وذلك لانه عند انسداده لن يتم تبريد الهواء بشكل فعال فابالتالي يدخل الهواء للمحرك ساخن فتعلا حرارته وتؤثر على ضفيرة الكهرباء

❄️❄️ حماية ضفيرة عربيتك من عيوب المقاومة وفصلة الدواسة بتبدأ من حماية حوض الماكينة نفسه من السخونة
🏅 في مركزنا بنهتم بمراجعة عوازل الحرارة للتيربو وغسيل السربنتينات والتأكد من كفاءة سرعات المراوح ودورة التبريد عشان نضمن إن الموتور والكهرباء شغالين في بيئة معتدلة مهما كانت حرارة الصيف 🔥🔥

علم ينتفع به 🌴🌴

05/07/2026

Kayan Auto Service 🚘🛠️ Nissan

نحن نفخر بتقديم خدمات متميزة لسيادتكم 🌷
فريقنا من المهندسين و الفنيين يتمتع بالخبرة الواسعة في صيانه جميع اعطال السيارات

🟦حيث يمكننا تحديد وإصلاح أعطال سيارتك بدقة وفعالية باستخدام أحدث أجهزة الفحص، بالإضافة إلى توافر قطع غيار أصلية وبدائل عالية الجودة ⚙️⚙️

هدفنا هو أن تخرج سيارتك من الورشة بأفضل أداء وأعلى مستوى من الأمان .🛡️

تواصل معنا الآن واحجز موعدك، وسيب الباقي علينا 📞
مدير الصيانة
م.عمرو صادق
01028577788

مدير المركز
م. معتز يحيي
01000841021
‏
🔵 لينك الصفحة
https://www.facebook.com/profile.php?id=100092621657810&mibextid=ZbWKwL

👫 لينك المجموعة
https://www.facebook.com/groups/1133881024071919/?ref=share_group_link

📌 اللوكشن
https://maps.app.goo.gl/Tc3XfCdYLvT9ojpk6

⏰ مواعيد العمل
يوميآ من الساعة 12 ظهراً وحتى الساعة 9 مساءآ عدا يوم الاحد أجازه

17/01/2026

💰 كلام من ذهب 💰
🔆⛔ ليه بتفصل دواسة البنزين للحظات خصوصاً في الصيف اثناء تشغيل التكييف وبمجرد اغلقه ترجع الأمور لطبيعتها ؟؟ او بمرور ثوان 🕑
🔥 وما سبب سماع صوت تصقيفه من المحرك خصوصاً في الحمل والمطالع برغم ان كل بنود الصيانة تمام ؟
🔥 وتظهر اعطال وتختفي او تظهر اعطال مختلفة عن اللي قبلها كل مرة عطل مختلف لكل قرأه
👈 تعالا اقول لحضرتك بالتفاصيل ...

♻️ السبب الرئيسي باختصار هو ان
💻 كل أنظمة الحماية بتشتغل مع بعض
وأي ضعف بسيط كهربا - حرارة - حمل يتحول فورا لتقليل عزم واضح

🌷نفهم بقا اللي بيحصل فعليا خطوة بخطوة ...
اولآ
👈 عامل الحرارة العالية ويتمثل في
◾حرارة الجو عالية
◾حرارة المحرك أعلى
◾حرارة حوض المحرك أعلى عن طريق علبة البيئة والتربو
◾مقاومة الأسلاك والريلايات بتزيد
وعند تشغيل التكييف بيحصل حمل مضاعف لانه بيشغل الكمبرسور ومروحة التبريد تعمل بسرعة عالية وريلايات اضافية تعمل على التشغيل فابالتالي سحب كهرباء اكبر

🔋🪫 النتيجة؟
⚡⬇️ الفولت ينزل لحظيآ او لثوان
⚡🔃 أو يبقى غير مستقر
نزول لحظي تحت 11.8V

👈 فابالتالي
🆘🛡️ أنظمة الحماية بتشتغل وده لأن القشقاي حساسة جدااا للڤولت
لأن العربية فيها أكتر من كنترول… وكلهم متصلين ببعض عن طريق CAN BUS
وأي كنترول يحس بعدم استقرار جهد يطلب من الكنترول العمومي تقليل العزم فورآ
أهم الكنترولات:
▪️ ECM كنترول المحرك
▪️ VDC نظام الثبات
▪️ ABS كنترول الفرامل
▪️ IPDM كنترول الكهرباء الموزع الذكي
▪️ BCM كنترول البودي
▪️ EPS كنترول الباور الدريكسيون
📴 بمعنى:
الدواسة ممكن تفصل لحظيًا أو لثوان لحد ما الفولت يستقر… وترجع الأمور طبيعية.

📴 بمعني
ان الكنترول يفصل الدواسة لحظيآ او لثوان لحين انضباط واستقرار الجهد لأعادة الانظمه كما كانت

❄️ ليه أول ما تطفي التكييف الدنيا تظبط؟
◾ الحمل يقل فجأة
◾ الفولت يستقر
◾ الحرارة تقل شوية
وال Ipdm يرتاح
👈 فالعربية ترجع طبيعية

⛔ عشان نقدر نحلل ونعرف الأعطال والأسباب لابد من معرفة تفاصيل الكنترول ده IPDM
📌اولآ الوظيفة
يشغل ويفصل الريلايات ويتواصل مع الكنترول العمومي عن طريق الكان باص ليراقب الأحمال والفيوزات وحالات تشغيل

📌 ثانيا IPDM بيتحكم في إيه؟
◾كهربا العربية كلها
◾طلمبة البنزبن
◾كمبرسور التكييف
◾مروحة التبريد
◾باور لتغذية الحساسات
◾تغذية المباين ورشاشات الوقود
◾تغذية الكنترول العمومي
📈 أي خلل فيه العربية كلها تتلخبط

⛔ ليه IPDM مشهور بالأعطال في القشقاي؟
لأن
▪️فيه ريلايات داخلية بتسخن
▪️بيتأثر بالحرارة والرطوبة
▪️أي ضعف لحام أو فيشة يعمل أعطال تظهر وتختفي
▪️فصل دواسة
▪️Misfire
▪️Chassis Control Fault

🌀 أولًا: الأسباب (ليه IPDM يعمل Noise)
▪️بطارية ضعيفة أو غير مناسبة
▪️ضعف أرضي (Ground)
▪️ريلاي بيسخن
▪️نقاط تلامس ضعفت
▪️ريلاي بيفصل ويرجع لحظيآ يظهر أكتر في الصيف مع التكييف
▪️فيش مؤكسدة من الماء او التراب اوالحرارة مجرد تأكسد بسيط يعمل Noise
▪️حمل كهربا عالي عن طريق كمبروسر تكييف تقيل مروحة تسحب تيار عالي
▪️حرارة حوض المحرك لان الحرارة الزائده بتزود مقاومة المكونات الإلكترونية

⛔ هل IPDM ممكن يسبب Misfire؟
نعم وبشكل مباشر.
لأن:
IPDM هو مصدر +12V لل
◾الموبينات
◾الرشاشات
ECM بيتحكم فقط مش بيغذي
📌 أي هبوط لحظي في IPDM
⚡شرارة كهرباء أضعف
⚡حقن وقود أضعف
⚡Misfire

⛔ إزاي تفرق بين Misfire من IPDM ومشكلة سلندر؟⚡Misfire بسبب IPDM:
◾متقطع
◾يظهر مع التكييف
◾أكتر من سلندر
◾يختفي فجأة
◾أكواد عشوائية أو مفيش

⚡Misfire موبينه / رشاش:
◾ثابت
◾سلندر واحد
◾يزيد مع الدعس
◾الكود ثابت (P0301 مثلاً)

ازاي اقدر افرق بين سبب ال Misfire من ال ECM او من ال IPDM ؟
🔥اولآ من كنترول ال IPDM
⛔ يزيد او يظهر مع التكييف او طلوع مطلع او مع الحمل
⛔ مفيش كود ثابت
⛔ العربية تتحسن فجأة بعد فصل البطارية وإعادتها مرة أخرى وتنظيف الفيش الخاصة به

🔥ثانياً من ال ECM
⛔ لو ال Misfire ثابت على نفس السليندر بكود عطل واضح برغم كون ⛔الموبينة والرشاش والأسلاك سليمة
⛔مفيش فرق في الحمل
💻 هنا ال ECM
🌍 يا إما لا يعطي أرضي مظبوط
⛓️‍💥 يا إما خرج ضعيف اي الكنترول (ECM) بيطلع إشارة
لكن مش بالقوة أو الجودة الكافية لتشغيل الجزء صح

🔌 ليه الخرج يضعف؟
⛔ تلف جزئي داخل ECM
⛔ كهربا وحشة داخلة ال ECM بطارية ضعيفة او ارضي وحش او فولت مهزوز
⛔ رشاش مقاومته قليلة يسحب تيار زيادة يرهق خرج الكنترول فايتلف الكنترول

🛡️ ثانيًا: الوقاية (إزاي تمنع المشكلة)
▪️بطارية صح باأمبير 70 او 74 امبير
▪️تنظيف وتقوية الأرضي
▪️فحص فيش IPDM دوريآ وتنظيفها بااسبريه مخصص لتنظيف الكهرباء خصوصا قبل الصيف
▪️حافظ على التبريد
▪️تنظيف الكنترولات والحساسات من حين لآخر
▪️مراجعه دفيرة الكهرباء في الصيانات الدورية
▪️تجنب تشغيل الكاسيت او شحن الموبيل والسيارة على الكونتاكت اي محرك متوقف لو البطارية ضعيفة الجهد يهبط والكنترولات تتلخبط ممكن تسجل أخطاء وبعد التشغيل يظهر لاج وفصل دواسة

للاستفسار
م.عمرو صادق
01028577788
م.معتز يحيي
01000841021

مركز كيان لقطع الغيار والصيانه النيسان
متخصصون في النيسان
🌐 لينك الصفحة
https://www.facebook.com/profile.php?id=100092621657810&mibextid=ZbWKwL
👫 لينك الجروب
https://www.facebook.com/groups/1133881024071919/?ref=share_group_link
📌 اللوكشن
https://maps.app.goo.gl/YA717D1zXAfLaJWN7

18/12/2025

⚠️ لغز فتيس الـ CVT.. ليه المشاكل بتظهر بعد تغيير الزيت؟ 🚗🛠️
بعضنا بيغير زيت الفتيس وفجأة تظهر مشاكل مكنتش موجودة مع إن الدنيا كانت تمام تعال نفهم الحكاية ماشية إزاي 💥واحدة واحدة💥 عشان تحمي عربيتك وتكون صاحب الخيار وتريح بالك من التساؤلات 🌹

🥇 تسااولات
ليه تغيير زيت الفتيس ضرورة مش مجرد بند صيانه...
الزيت في فتيس الـ CVT مش مجرد سائل ده هو روح الفتيس ومسؤول عن الأداء العام بجانب المحرك
1️⃣ التبريد والتشحيم حماية الأجزاء الداخلية من التآكل.
2️⃣ التحكم في السولونيدات لأنها المسؤولة عن نقل الحركة بدقة.
3️⃣ توليد الضغط الهيدروليكي بمعنى ان الحركة في الـ CVT تعتمد كلياً على الضغط.
4️⃣ حماية البكرات والسير لمنع الانزلاق وضمان نقل القوة للعجلات

🥈تسااولات
🛢️إزاي الزيت القديم كان مخبي العيب؟
1️⃣ مع الوقت الزيت بيبقى أتقل ولزج ده كان مغطي ضعف وعيب السولونيد لما حطيت زيت جديد الزيت بقى أخف السولونيد الضعيف بان على حقيقته يعني المشكله عندك بالفعل
2️⃣ الزيت الجديد بيسخن أسرع في أول فترة السولونيد الضعيف يبوظ أكتر مع السخونة علشان كده العيب يظهر بعد مشي شوية أو بعد أيام من التغيير
3️⃣ الرواسب كانت ماسكة البستم في سولونيد ضعيف
البستم بيبقى ماشي بالعافية
الرواسب كانت مخلياه ثابت نسبياً الزيت الجديد فك الرواسب البستم بقى يتحرك نص حركة

🥉تسااولات
⛔ هل معني كده مغيرش الزيت؟
لا مش معنى كده إنك ما تغيرش الزيت
ودي نقطة مهمة جداً لازم تتفهم صح تغيير الزيت كان صح 100% واللي حصل مش غلطة تغيير زيت ده عيب كان موجود واتكشف

🏅 تسااولات
ليه ما ينفعش ما تغيرش الزيت؟
لان الزيت القديم عامل زي مسكن مخبي ضعف السلونيد او الڤالڤ بودي ولو سبته بعدم التغيير الموضوع هياثر على السير والبكرات

⭕ بمعني اصح
الزيت القديم = جزء من المشكلة بتكبر مع الوقت

🏅تسااولات
انا لو مغيرتش الزيت واستمرت عليه عشان اريح دماغي مايظهرش العيب؟
لا… ما ينفعش تعتمد على عدم تغيير الزيت كحل وده أخطر اختيار ممكن يتاخد حتى لو العربية شكلها مفيهاش عيب دلوقتي لو ما غيرتش الزيت وكملت عليه الزيت القديم هيكمل تدمير السولونيدات والزيت القديم ممكن يديك إحساس إن الدنيا ماشية لكن في لحظة الضغط ينهار الفتيس يدخل حماية العربية ما تتحركش وده بيحصل من غير إنذار وفي الحالة دي 👈الإصلاح يتحول من سولونيد إلى فتيس كامل

🏅تسااولات
طيب ايه هي الية التغيير الصحيحة
❄️ لازم الفتيس يبرد تمااااماً دون استعجال
🔍 اخذ عينة من زيت الفتيس لتحليل العينه من حيث
( نسبة الرايش - لون الزيت - رائحة الزيت - لزوجة الزيت )
👈 وبناء عليه لو العينة طبيعية وحضرتك محافظ على التغيير من البداية ومنتظم ففي الحالة دي بيتم تغير 4 لتر فقط مع تغيير الفلاتر ثم يتم عمل البرمجه
👈 طيب لو العينة سيئة لابد من عمل دورة غسيل كاملة للفتيس سواء كولارات التبريد والڤالڤ وكرتيرة الزيت وتغيير الفلاتر و ضع 6 لتر زيت او 7 حسب المقياس ثم يتم عمل البرمجه
👈 استخدام الزيت الاصلي الموصي به ( NS3 )

🌹 واخير والملخص المفيد
✅ حافظ على معاد التغيير واستخدم الزيت أصلي
✅ ما تغيرش الزيت = تأجيل مشكلة وتكبيرها
✅ الأستمرار بزيت قديم = تدمير بطيء للفتيس
✅ الزيت الجديد + تشخيص متقن = أقل خسارة
✅ ترك السيارة كي تبرد تماماً قبل التغيير
✅ أخذ عينة من زيت الفتيس لتحديد آليه التغيير
✅ برمجة السيارة بعد التغيير حتى تنضبط الضغوط أسرع
والسحب يتحسن
✅ سواقة هادية حتى يتأقلم الزيت والفتيس يعيد ضبط نفسه

والله الموفق🙏
اللهم صلي وسلم وبارك على سيدنا ونبينا محمد 🌹

للاستفسار
مركز كيان لقطع الغيار والصيانه
م.عمرو صادق
01028577788

16/12/2025

صورة ومعلومة ... 💥
افهم بنفسك فتيس ال Cvt🌹

14/12/2025

💥💥💥 من اهم البوستات اللي تهم ملاك قشقاي
⛔️ "صوت السكا كين" ⚔️ من الأمام جهة اليسار
ورعشة ✨ وخبطة ✨ وتأخير الطلعة ✨ عند الطلوع من رامب او طلعة كوبري ✨ او اثناء السير بسرعة منخفضة : الـ Low Brake Solenoid.. جندي الإقلاع المجهول في CVT !!

📋 هنا هافهمك كل التفاصيل ركز معايا جدااا🌹🌹
👈🏻المفهوم 👈🏻 الأعراض👈🏻 الوقاية 👈 الحل

⚙️ آلية العمل
هو اللي بيتحكم في ضغط الزيت اللي بيروح لـ (طقم الطلعة) علشان
(يمسكه) وقت البداية فالعربية تطلع بنعومة ومن غير رعشة
(ويفصله) بعد ما العربية تمشي، طقم الطلعة يفصل تدريجيآ الفتيس يكمل بالبكرات والسير فقط

⚙️ الوظيفة
تجعل بداية الحركة ناعمة وآمنة ويفصل بعد أول المشي يعمل في بداية الطلعة فقط لمساعدة البكرات
1️⃣ البكرة الأمامية (Primary) على أقل قطر
2️⃣ البكرة الخلفية (Secondary) على أكبر قطر
3️⃣ نسبة CVT كبيرة جدآ (عزم عالي)

⛔ بعد 20–30 كم/ساعة يفصل السلونيد تماماً لتقم البكرات بالعمل

⛔ طب ليه ما نعتمدش على البكرات من أول لحظة؟
لأن السير لو شال العزم العالي من الصفر يحصل انزلاق في السير وتآكل

💥 ومن هنا نستنتج حاجة مهمه جدا وهي
⛔ عند التحرك من وضع الثبات خصوصاً في مطلع او رامب بتسمع صوت كأن سكاكين بتخبط في بعض من الأمام ناحية اليسار من الأسفل او في بداية السير على ارض مستوية لسرعة 30 كم تختفي بعدها وتسير الأمور بالشكل الطبيعي

💥 اعراضه
🛑 تأخير في بداية الطلعة ثانيتين
🛑 خبطة أو رعشة عند التحرك من الثبات أول ما تشيل رجلك من الفرامل وبعد ما تمشي شوية العربية تبقى طبيعية
🛑 خبطة اثناء النقل بين ال D-R
🛑 رعشة في الزحمة تختفي لما تزود السرعة
🛑 عند التحرك من وضع الثبات خصوصاً في مطلع او رامب جراچ بتسمع صوت كان سكاكين بتخبط في بعض من الأمام ناحية اليسار من الأسفل او في بداية السير على ارض مستوية لسرعة 30 كم تختفي بعدها وتسير الأمور بالشكل الطبيعي

🛡️ الوقاية
▪️ تغيير زيت الفتيس وتنظيف الدوره وخصوصاً الڤالڤ بودي في معادها كل 40 الف كم وتغيير الفلاتر لان الزيت الفاقد للزوجه يجعل الضغط ما يوصلش مظبوط فا الكلتش يزحلق بشكل متكرر فيؤدي إلى تآكل بطانات طقم الطلعة ويحدث الاعراض سالفة الذكر
▪️ الإهتمام بدورة التبريد باستخدام مياه تبريد جودة عالية للمحافظه على تبريد زيت الفتيس عن طريق مبرد زيت الفتيس
▪️التحرك بالسيارة وحده وحده دون التعجيل

💥💥السؤال المهم هنا والخلاصة؟
أولًا: هل تنظيف الـ Valve Body يحل مشكلة Low Brake خليني أوضح لك إمتى ينفع وإمتى لأ عشان ما تخسرش وقت أو فلوس

✔ الحالات اللي التنظيف بينجح فيها:
1️⃣ رعشة خفيفة أو خبطة بسيطة عند الطلعة
2️⃣ تأخير بسيط في التحرك (ثانية مثلًا)
3️⃣ المشكلة مش دايمة (تيجي وتروح)
4️⃣ مفيش برادة حديد في الزيت
5️⃣ زيت CVT قديم أو متسخ بس مش محروق
6️⃣ الأوم بتاع Low Brake Solenoid مظبوط
7️⃣ العربية ماشية كيلو متر قليل

🛟 في الحالات دي
> غالبآ بستم Low Brake أو مجرى الزيت عليه رواسب ومع التنظيف بيرجع الحركة

🌀 ليه التنظيف ينفع؟
لأنه بيفتح مسار زيت Low Brake Solenoid والزيت ده بيمشي في مسار دقيق جدآ وأي وساخة بسيطة هتأخر الضغط أو تخليه يمسك ويفصل بعنف وساعتها هتحس بالاعراض المذكورة فالتنظيف يفتح المجاري يخلي الضغط يوصل تدريجي ويرجع النعومة اثناء بداية السير

❌ إمتى التنظيف ما ينفعش؟
1️⃣ خبطة قوية جدآ من أول الطلعة
2️⃣ رعشة مستمرة حتى بعد ما العربية تسخن
3️⃣ تأخير كبير في الطلعة (3–5 ثواني)
4️⃣ الزيت فيه برادة أو ريحة حرق
5️⃣ المشكلة موجودة من زمان
تغيير زيت وتنظيف قبل كده وما فرقش
6️⃣ الأعراض بتسوء مش بتتحسن

⚠️ هنا غالبآ بطانات طقم الطلعة نفسها متآكلة
أو Valve Body فيه تآكل ميكانيكي

⚠️ نقطة مهمة جدآ
التنظيف لازم يكون فك كامل للـ Valve Body تنظيف بمحلول مخصص وهواء مضغوط مش مجرد تغيير زيت أو غسيل خارجي

🎯 الخلاصة الذهبية
▪️تنظيف Valve Body ممكن يحل مشكلة Low Brake لو العيب تعليق أو اتساخ لكن لو في تآكل الحل تغيير واهم شيء ميكنش اثر على البنود الداخلية
▪️السلونيد هو المسؤل تماماً على سلامة طقم الطلعه وسلامة البكرات من سلامة طقم الطلعه
▪️ بند الطلعة جزء أساسي قبل البكرات
▪️ أي خلل فيه = ضغط وحمل غلط على البكرات
▪️ الضرر بيبدأ بسيط… وينتهي بتلف كامل لو اتساب

🌹اللهم صلي وسلم وبارك على سيدنا ونبينا محمد🌹
🌱خيركم من تعلم العلم وعلمه 🌱

للاستفسار
م.عمرو صادق
01028577788

09/12/2025

لو عربيتك 💥 نيسان قشقاي 💥وعندك مشكلة في قراءة مؤشر البنزين ⛽🛜
تعالى اقولك ازاي تقدر تحدد المشكلة اذا كانت العوامه A او العوامة B او الاثنين معاً .

▪️ اولآ
⚙️ يعني ايه عوامة بنزين ؟؟
هي جزء موجود داخل تانك الوقود راكب على طلمبة البنزين وظيفته قياس كمية البنزين الموجودة في السيارة، ونقل هذه المعلومة إلى عداد البنزين الموجود على لوحة العدادات

▪️ثانيا
⚙️ ازاي بتشتغل؟
عوامة البنزين فيها قطعة بتطفو فوق مستوى البنزين
لما مستوى البنزين يعلى الذراع يرتفع الإشارة توصل لعداد البنزين إنه "مليان"
ولما البنزين يقل الذراع ينزل العداد يظهر "فاضي" أو قرب يفضى.

▪️ثالثاً
⚙️ أعراض تلف عوامة البنزين !!
1️⃣ قراءة غير مطابقه بين مؤشر البنزين وكمية البنزين الموجوده في التنك
2️⃣ تحليل معدل الإستهلاك علي شاشة العدادات غير منطقية

▪️رابعآ
⚙️ إزاي تتأكد بنفسك اي عوامة هي السبب A-B Or AB

⛽ املأ التانك بالكامل 📶
لو المؤشر طلع لأعلى مستوى في الشاشة العوامة B سليمة وراقب مع الإستهلاك نزول المؤشر الى ان يصل لأقل مستوى قرب الأحتياطي فهذا يدل ايضا ان العوامة A سليمة
💥 💥 علمآ بأن
🔍 العوامة A بتقرأ من ( 0-50%)
🔍 العوامة B بتقرأ من ( 50-100%)

🛑 الخلاصة
راقب المؤشر لو نزل من الفول الي النص وثبت ده معناه ان المشكلة في A
طيب لو فولت ⛽ والمؤشر عند النص بردو تبقى المشكلة في B
لو فولت والمؤشر ثابت عند الفول او الأحتياطي يبقا A-B تالفين

🛡️ ازاي تبقا في الآمان بأمر الله ومتتعرضش لنفاذ الوقود المفاجئ وده في حالة ان عندك مشكلة في قراءة مؤشر البنزين
⛽ فول تنك البنزين على اول فصلة لمسدس البنزين
♻️ اعمل ريست لل Trip A وعند اتمام 500 كم أعد ملئ التنك مره اخرى طيب ليه 500 كم عشان تبقا في الآمان لان في سيارات استهلاكها عالي جدااا وسيارات استهلاكها مظبوط
🔧وده طبعآ حل مؤقت لحين التغيير ...

☎️ للأستفسارات
م. عمرو صادق
01028577788

08/11/2025

🌹
موضوعنا اليوم ان شاء الله
هنتكلم عن 💥 مبرد زيت المحرك بجميع تفاصيله لنيسان نيو قشقاي ورينو كادچار من حيث ...
الوظيفة - الأسباب الرئيسية لتلف مبرد الزيت - اعراض تلف مبرد الزيت - الوقاية والأصلاح وازاي تفرق في تشخيص المشكلة بينه وبين كولار الفتيس وچوان وش السليندر

⚙️ اولآ
آلية العمل
▪️مبرد الزيت دوره هو تخفيض درجة حرارة الزيت الراجع من المحرك قبل ما يدخل تاني لدورة التزييت.
بيشتغل عادة باستخدام نظام التبريد بالماء (Coolant) يعني الزيت بيعدي من ناحية، والمياه من ناحية تانية داخل المبرد بدون ما يختلطوا، فقط يحصل تبادل حراري.
🔥 تعريف التبادل الحراري للمعرفة
هو عملية انتقال الطاقة الحرارية بين جسمين أو أكثر، نتيجة فرق في درجات الحرارة، من دون حدوث تفاعل كيميائي بينهما.
💦🛢️وبتتم العملية دي داخل المبرد

🚫 ثانياً
الأسباب الرئيسية لتلف مبرد الزيت
▪️تآكل داخلي أو خارجي بسبب الصدأ وده بيحصل من ايه؟؟ بيحصل نتيجة استخدام مياه تبريد غير أصلية (فيها أملاح أو مواد كاوية).
↩️ بمعنى ان الصدأ يبدأ يأكل جسم المبرد من الداخل لحد ما يحصل تسريب بين الزيت والمياه ليتكون خليط يشبه الطحينة.
▪️انسداد في مجاري الزيت أو التبريد داخل المبرد
↩️ وده بيحصل بسبب تراكم الرواسب أو الطين الناتج عن زيت قديم أو مياه تبريد غير نظيفة فيمنع تدفق الزيت بحرية داخل المبرد فترتفع درجة حرارة الزيت، وارتفاع درجة حرارة الزيت بيؤدي الي فقد خواصه وتآكل الأجزاء الداخلية بسرعه.
▪️ضغط زائد في دورة الزيت أو دورة التبريد
↩️ لو صمام ضغط الزيت (Oil Pressure Relief Valve) عالق أو فيه عطل، ممكن يسبب ضغط زائد يؤدي لتلف جوانات المبرد أو تسريب الزيت للخارج.
↩️ ايضا لو الثرموستات في دورة التبريد عالقه ترتفع درجة الحرارة والضغط ممكن يزيد جداً لحد ما يتلف المبرد.

❌ ثالثاً
أعراض تلف مبرد الزيت
▪️ارتفاع مؤشر درجه الحراره
▪️صوت خشونة في المحرك اثناء التشغيل
▪️تكون خليط يشبه الطحينة
▪️أداء المحرك غير مستقر أو ضعف العزم بسبب زيادة الإحتكاك نتيجة اختلاط الزيت مع الماء

🛡️ رابعآ الوقاية
1️⃣ تغيير زيت المحرك في معاده بأنتظام مع تغيير فلتر الحشو في كل مره بيتم فيها تغيير الزيت
2️⃣ استخدام مياه تبريد اصليه بتركيز ومواصفات موصي بها
3️⃣ افحص مبرد الزيت والجوان في كل صيانة دورية

⚙️🔧خامسآ
كيف تتم عملية الأصلاح وازاي اقدر افرق في التشخيص اذا كان العيب في كولار التبريد وفي الحالة دي لازم افرق بين
اذا كانت عملية الخلط بين
⛔ خليط مياه مع زيت محرك
⛔ خليط مياه مع زيت فتيس
او العيب من چوان وش السليندر

🔷 مياه مع زيت المحرك( كولار محرك)
🔬وللتأكد من ده
🔍 افحص مقاس الزيت وفي الحالة دى هتلاقي لون الزيت علي المقاس باللون الكريمي (طحينه)
🔍 افحص قربة الريداتير هتلاقي طبقة زيتيية سميكة ورغاوي بنية
🔍 ضغط في دورة التبريد والخراطيم بتنتفخ بعد التشغيل
🔍 ارتفاع مؤشر الحرارة نتيجة انسداد كوعة الثرموستات نتيجه لتراكم الخليط بداخلها ويحدث في هذه الحالة خلال في التشغيل

💥 خطواط الإصلاح 💥
🔧 تنظيف دورة المياه جيدآ وبشكل متكرر بالمواد المخصصة لذلك
🔧 تسليك الريداتير وتنظيفه
🔧 تغيير كولار التبريد والچوانات الخاصة به
🔧 مراجعة الثرموستات
🔧 مراجعة حساس ماسورة الشجرة الجانبية المسئول عن تشغيل المروحة وتنظيفه
🔧 مراجعة حميع خراطيم التبريد لان اختلاط الزيت مع الماء قد يجعلها اكثر مرونة وهذا يجعلها لاتصلح لدورة التبريد
🔧 تغيير مياه تبريد جديده مطابقة للمواصفات وسحب الهواء من الدائرة التبريد لتعمل بشكل صحيح
🔧 تغيير زيت بفلتر حشو جديد
🌀 اتاكد ان المروحة تعمل بشكل صحيح ودورة التبريد مظبوطه

🔷 مياه مع زيت فتيس( كولار فتيس)
🔬وللتأكد من ده
🔍 افحص قربة الريداتير هتلاقي طبقة خفيفة دهنية باللون اللبني برائحة زيت الفتيس النفاذه
🔍 افحص عينة من زيت الفتيس
🔍 عند تجربة السيارة هتلاحظ خلل في نقلات الفتيس وده بسبب خلط المياه مع زيت الفتيس مما يؤدي الي فقد خواصه وعمل خلل في ضغوط
الزيت وارتفاع درجه حرارته

💥 خطواط الإصلاح 💥
🔧 نفس الخطواط السابقة عدا تغيير زيت المحرك
🔧 عمل دورة غسيل كاملة للفتيس من اثار المياه ووضع الزيت الاصلي وبرمجته

🔷 لو العيب من چوان وش السليندر
⛔ في المقام الأول لازم تعرف وظيفة چوان وش السليندر
هو الفاصل بين غرف الأحتراق وفاصل بين ممرات المياه التبريد وفاصل بين ممرات الزيت للتزييت

🔬وللتأكد من ده
▪️عند بداية التشغيل والضغط على بدال البنزين هتلاحظ ظهور فقاقيع داخل قربة الريداتير
▪️بداخل قربة الريداتير هتلاقي طبقة زيتيية سميكة ورغاوي بنية وكذلك الأمر في مقاس الزيت
▪️اختبار CO₂ في الردياتير يتحول لون السائل من أزرق إلى أصفر → غازات احتراق دخلت دورة التبريد
▪️قياس ضغط البساتم (Compression Test) أسطوانة أو أكتر ضغطها منخفض
▪️ فقاعات في مياه الردياتير عند ضغط الهواء في السلندر
Leak-down Test

💥 الإصلاح 💥
🔧 فك وش السلندر بالكامل ومراجعته عند الخراط لعمل اللازم
🔧 تغيير چوان وش السليندر
🔧 تغيير الچوانات اللازمه للمحرك بشكل عام
🔧تنظيف و تغيير مياه التبريد
🔧 تغيير زيت المحرك بالفلتر
‼️ ومايظهر بعد الفك

🌲الخلاصة
التشخيص مهم جدااااا
إلمام سيادتكم بالتفاصيل شئ مهم

مركز كيان لقطع الغيار والصيانه نيسان 🚘🛠️
نحن نفخر بتقديم خدمات متميزة في مجالات متعددة . فريقنا من المهندسين و الفنيين يتمتع بالخبرة الواسعة في صيانه جميع اعطال السيارات

🛑 صيانة سريعة ودورية
🛑 ميكانيكا (قسم خاص للعمرات)
( محرك - فتيس )
🛑 كهرباء وتكييف
🛑 عفشه
🛑 تغيير زيت الفتيس وتنظيف الدورة الخاص به
🛑 تنظيف دورة التربو من اثر تراكم الكربون والزيوت
🛑 سمكرة ودهان
🛑 جهاز كشف أعطال 💻
🛑 كشف بيع وشراء

🟦 حيث يمكننا تحديد وإصلاح المشاكل بدقة وفعالية. بالاضافه الى توافر قطع غيار أصلية وبدائل ⚙️⚙️

🟦 يتوفر ايضا خدمه الكشف المفصل والدقيق عن السياره قبل الشراء حتي تكون مطمئن دائما 🛡️

📱للتواصل والأستفسار والحجوزات
مدير الصيانة
م.عمرو صادق
01028577788

‏
🔵 لينك الصفحة
https://www.facebook.com/profile.php?id=100092621657810&mibextid=ZbWKwL

👫 لينك المجموعة
https://www.facebook.com/groups/1133881024071919/?ref=share_group_link

📌 اللوكشن
https://maps.app.goo.gl/Tc3XfCdYLvT9ojpk6

⏰ مواعيد العمل
يوميآ من الساعة 12 ظهراً وحتى الساعة 9 مساءآ عدا يوم الاحد أجازه

Amr Sadek Nissan For Help

21/07/2026

05/07/2026

17/01/2026

18/12/2025

16/12/2025

14/12/2025

09/12/2025

08/11/2025

Address

Telephone

Website

Alerts

Contact The Business

Shortcuts

Share

Category

Listing takedown request