16/05/2026
عارفين ده معناه إيه؟ ☀️🔥
معناه إن الجروبات هتتملي بعد شوية بـ :
❌ “كل نقلات الفتيس نورت فجأة”
❌ “الباسات مش راضية تدور”
❌ “أصلح ميكا الـ DSG ولا أغير؟”
❌ “هو بلف الكباس بيتغير أصلاً؟!” 😅
فخلي البوست ده عندك… يمكن يوفر عليك وجع دماغ ومصاريف كبيرة الصيف ده 👇
🚗 فتيس الـ 6 نقلات 09G
راجع الكولر ومستوى الزيت، والأهم يكون زيت محترم، دول اسباب حرارة الفتيس.
حرارة الفتيس في الصيف من أشهر أسباب إن النقلات كلها تنور فجأة مع المشاوير الطويلة.
🚗 الباسات واللوك الشهير بتاع الصيف
لوك القطمة بيحب الحر 😅
ممكن العربية ترفض تدور بعد الوقفة في الشمس.
لو هتركَن في شمس مباشرة:
☂️ حط شماسة
🌬️ أو سيب تهوية بسيطة من الزجاج
ولو حصلت؟
افتح العربية وسيبها تتهوى شوية… غالباً هتدور لحد ما تغيّر اللوك.
🚗 الـ DSG والزحمة = قصة حب مؤذية
في الزحمة استخدم مانيوال شوية،
ريّح الميكا من الطالع والنازل المستمر.
❄️ وبالمناسبة…
أيوه يا سيدي بلف الكباس بيتغير عادي 😂
🌡️ قبل الحر ما يقلب عليك:
✔️ راجع أي تسريب في دورة التبريد
✔️ اتأكد من الثرموستات
✔️ بص على المراوح وسلاسة دورانها
✔️ اكشف ضغط الفريون
لأن الفريون لو ناقص… الكباس يزعل
ولو الكباس زعل… السربنتينة هتزعل معاه 😅
احفظ البوست… وهتفتكره أول ما الحرارة تعدي الـ 40 👌
