16/11/2021
فيه ظاهرة منتشرة وحقيقى مش عارف مين الأيادى الخفية المُدبرة لهذه الظاهرة .. ألا وهى ان محلات الملابس الداخلية الرجالى , واخدين بالكم من كلمة ( الرجاااالى ) زى دايس وقطونيل و الامبراطور بيكون البياعين اللى فيها آنسات ، مش مدامات حتى لأ .. آنسات!!
ليه طيب؟
انتوا كده مستفيدين ايه؟
طب لو حبيت اسألها على حاجه Technical؟
طب لو البياعه حبت تجود وقالت " دنا باخد منه لنفسى " .. متخيلين كم العبثية واللامنطقية اللى فى الحوار؟
لا والجميل فى الموضوع انها داخله بتسألنى بكل ثقة " انت بتدور على حاجه معينه ؟ "
اه يا ستى بدور بس مكسوف اقولك والله 😂😂
واحده فى فرع دايس اللى فى الف مسكن لقيتها مطلعالى بوكسر وفتحته من الكيس وبتقولى ده مقاسك!
ساعتها افتكرت امى لما كانت بتلبسنى وانا خارج بلبوص من الحمام بعد الدُش وانا عندى ٤ سنين و تنحت فشخ واتأكدت ان القميص متزرر للآخر وابتسمت وسكت .. تسكت القادره ؟ لا
تقولى ده ممتاز جدا !
طيب هصدقك ليه .. يعنى ايه الريفرانس بتاعك يا ست الكل ؟
- حضرتك بتدور على حاجه ؟
= اه عاوز لباس لو سمحتى
- لباس نوعه ايه يا فندم
= لباس الحياء يا ولاد الكلب 😂😂