09/01/2026
نصائح تاجر عجوز :
1- مش كل زبون مكسب
في زبون يشتري منك مرة ويعلم عليك ، وفي زبون يعلم معاك العمر كله اختار مين تحافظ عليه
2- الفلوس بتيجي وتروح، السمعة لو راحت ما بترجعش
كسب بيعه بغش = خسارة سوق كامل بمرور الوقت
3- اشتري وانت خايف، وبِيع وانت مطمن
اللي يتهور في الشراء يتشل في البيع
4-المخزون تقيل على اللي مش فاهم
البضاعة اللي ما بتلفش، بتاكل من راس مالك كل يوم
5-ما تحسبش المكسب وقت البيع… احسبه وقت الشراء
اللي غلط في الشراء، مهما لف ودور خسران
6-السوق ملوش كبير
اللي ينام على اسمه أو تاريخه، يصحى يلاقي غيره أخد مكانه.
7-ما تحرقش السعر عشان تمشي بضاعة
اللي يتعود على الرخيص، عمره ما يقدر الغالي
8-اسمع أكتر ما تتكلم
الزبون وهو بيحكي بيقولك تبيع إزاي
9-الديون زي النار
تدفي لو كانت صغيرة… تحرق لو سبتها تكبر
10-افتكر دايما
السوق مش سباق سرعة ، السوق لصاحب النفس الطويل
