13/12/2024
ليه العربية الكهربائية مفيهاش دينامو يولد طاقة مع المشي؟ - بص يا ابو الصحاب اخبط لايك وقلوب وانت معدي وتعالى اقولك الخلاصة بالبلدي 😂
بص يا صاحبي، الفكرة عبقرية، بس لما نطبق قوانين الفيزياء نفهم إنها مستحيلة.
أهم قانون هنا هو: “الطاقة لا تفنى ولا تستحدث من العدم لكنها تتحول من شكل لآخر”. يعني مفيش طاقة ببلاش، وكل حاجة ليها تمنها. يعنى هتدفع هتدفع 😂
انا مش شايف فولو للصفحة
الدينامو مش الحل اللي في بالك ولا انك جبت التايهة يا ابو الصحاب
الدينامو بيحوّل الطاقة الحركية لطاقة كهربائية. كلام جميل، لكن عشان الدينامو يولد كهرباء، محتاج طاقة حركية. والطاقة دي هتتسحب منين؟ من الموتور اللي شغال على البطارية.
لو عملنا كده، البطارية هتستهلك طاقة أكتر عشان تعوض الدينامو، وفي الآخر العربية تخسر أكتر ما تكسب. يعني الموضوع كأنك بتحاول تملى كوباية مية من نفس الكوباية اللي بتفضيه.
المهندسين لقوا حل أذكى اخبط لايك بقى 😂
بدل ما نركب دينامو ونضيع الطاقة،
السيارة الكهربائية بتستخدم نظام اسمه استرجاع الطاقة (Regenerative Braking). وده اتكلمنا وشارحته فى فيديوهات كتير ازاى استغل الطريق لصالحي لما العربية تفرمل، الطاقة الحركية اللي كانت هتضيع فى الهواء تتحول لكهرباء وتتشحن في البطارية. كده بنستغل الطاقة اللي كنا بنرميها بدل ما نحاول نخلق طاقة من العدم. انا شايفك يالى معملتش لايك وقلوب 🤭
طب هل الموضوع مجرد قوانين علمية؟
أهو هنا تيجي المؤامرة يا صاحبي! الشركات عارفة إنك ممكن تسأل السؤال ده، وعارفة إن فيه أفكار بسيطة ممكن تُطبق، بس ليه تطبقها وتخليك تشحن العربية أقل؟ كده هتقلل أرباحهم من بيع شواحن سريعة ومحطات شحن!
كل تفصيلة محسوبة بعناية عشان تفضل معتمد على الأنظمة اللي بيقدموها. يعنى من الاخر تحت رحمتهم 😳
يعني العلم بيشرح، بس المصالح التجارية بتتحكم. يا أبو الصحاب لازم دايماً نبقى صاحيين! صح ولا اية
لو استفدت من البوست والسؤال ده كان فى بالك ارزع لايك واعمل شير واعمل منشن لصاحبك اللى واجع دماغك كل شوية نحط دينامو فى العربية الكهرباء
#تعديل
حبايبنا اللى بيقوله ممكن نحط الدينامو على العجل هو الدينامو ده مش هيحتاج طاقة علشان يشتغل ولما يحمل على العجل مش هيقلل من عزم السيارة بالتالى هياخد طاقة اكبر علشان يفضل شغال يعنى الطاقة اللى هتفقدها مش هتبقى اد الطاقة اللى هترجع
الموضوع علمى
.
