08/07/2014
Bey2ollak.com
مساء الفل عليكم يا اهل العاصمة ، ده معاد نشرة (5) مساءً .. ريزو بيمسي عليكم وبيقولك:
نبدأ بـ كوبرى 6 أكتوبر:
من المهندسين للتحرير لسه مفيش امل .. والزحمة مستمرة لغاية مدينة نصر.
الاتجاه التاني من مدينة نصر للتحرير هايل وبقية الطريق زحمة للمهندسين.
شارع رمسيس من وسط البلد للعباسية الزحمة مستمرة بس العكس جميل.
ونفق الازهر رايح جاي فى الاتجاهين وسط البلد وصلاح سالم لذيذ.
نطلع على الأوتوستراد:
من حلوان للقلعة كويس ومن القلعة لسيتي ستارز مش بطال بس بعد كده زحمة للمطار.
والعكس من المطار لسيتي ستارز هايل .. ومعقول لغاية كوبري 6 اكتوبر اللى بتبتدي منه الزحمة لغاية القلعة وبيتحول الطريق حلاوة من القلعة لغاية حلوان.
كورنيش النيل:
من الزراعي لاركيديا مش بطال وبعد كده لذيذ لوسط البلد.. بس من وسط البلد للدائري زحمة وبعد كده حلاوة لحلوان.
والعكس من حلوان للمعادي جميل وبقية الطريق للزراعي مش بطال.
نعدي على صلاح سالم:
من كورنيش النيل للقلعة معقول وبعد كده كويس لكوبري 6 اكتوبر وزحمة للمطار.
والعكس من المطار لكوبري 6 اكتوبر زحمة وبعدين جميل للقلعة وبعدها ماشي لكورنيش النيل.
نروح على الدائري:
الدائري بصفة عامة كويس ماعدا من نزلة الصحراوي لغاية اول وصلة المريوطية و من نفق السلام للزراعي ومن مخرج السخنة للاوتوستراد دول زحمة.
البحر الاعظم :
من كورنيش الجيزة للدائري مفيش امل بس العكس مش بطال.
نختم بالمحور:
من الشيخ زايد لكوبري 15 مايو لذيذ بس العكس من كوبري 15 مايو للدائري مفيش امل بسبب حادثة هناك وبقية الطريق بعد كده حلاوة للشيخ زايد.
وكوبري 15 مايو : من المهندسين لوسط البلد لذيذ والعكس صعب.
وتجنبوا محور احمد عرابي : من شارع احمد عرابي للدائري مفيش امل.
ومحور صفط اللبن من الجيزة للدائري زحمة شديدة.
سوقوا على مهلكم .. هانت علي الفطار :))
لمتابعة أحوال المرور لحظة بلحظة نزل بيقولك على موبيلك
http://app.bey2ollak.com
