04/10/2026
لو بتسوق الأوتوماتيك ...
لازم تعرفى شوية حاجات
⚠️أول حاجة هنتكلم على الرموز الأساسية اللى بنشوفها فى الفتيس
الـ P يعنى Park
دة اللى بتوقف بية العربية
الـ R يعنى Reverse
دى اللى بيخلى العربية ترجع لورا
مارشدير يعنى
الـ N يعنى Neutral
وضع التمووير ... الموور يعنى أو الوضع الحيادى
الـ D يعنى Drive
وضع السواقة او المشى بالعربية
1 - لازم تبقى عارفه أن العربية الأوتوماتيك مش هتدور
على الـ D ولا هتدور على الـ R لانه
بـ إختصار ال D و ال R بيفصلوا كهربا عن المارش تماما و مش هيخلى العربية تدور نهائى
2 - و أنتى واقفه فى أشارة هاتى الـ N اللى هو المور علشان تريحى تروس الفتيس و متلفش على الفاضى و تبقى العربية عايزة تطلع
و انتى ماسكها فرامل
3 - و أنتى بتجيبى الـ D أو الـ R
خلى رجلك على الفرامل لأنك لو جبت حاجة منغير فرامل هتلاقى العربية مشيت
منغير ما تدوس بنزين لان التروس اتحركت و حركت العربية معاها ...
4 - مينفعش تنقلى من نقلة لـ نقلة و العربية ماشية حتى لو ماشية على سرعة 5 كم يعنى مينفعش مثلا و انتى بتطلعى من ركنة و جايبه ال D و العربية لسة براحة اوى اهى و بتطلع من الركنة تروحى جايبه ال R عشان تعدلى نفسك و تطلعى
لا انتى كدة بدمرى تروس الفتيس مع الوقت لازم العربية تقف
و تروحى جايه ناقله من الـ D و الـ R و العكس
5 - نيجى بقى للـ الاوضاع التانية و هى الـ L و الـ 2 و الـ 3
الـ L هو الغيار الاولانى و دة الناس بتستخدمة فى المطالع الجامدة لانة بيدى عزم شديد على سرعة قليلة بس خدى بالك مينفعش تكونى ماشيه 60 ولا 80 و تروحى جايبه الـ L هتكسرى الفتيس كدة اخرك 30 بالكتير تجيبى الـ L عليها
الـ 2 و دة الغيار التانى و الاول مع بعض بيسمح للعربية تننقل بينهم
الـ 3 و دة الغيار الاول و التانى و التالت فقط مش بتنقل للرابع
ممكن عادى و انت ماشى على الـ L او ال 2 او ال 3 تجيب ال D مرة واحدة عادى لانة دة شغال على جميع النقلات ف اى وقت عادى
6 - خلي بالك لو عايزه تحافظى على فتيس عربيتك
و انتى بتركنى او بتقفى بالعربية
متروحيش جايبه ال P مرة واحدة و متشديش الهاند
او تجيب ال P و تشد الهاند بعدها
الوقفة الصح بالفتيس الاوتو هو انك خلاص هتبطلى اهو و تنزل من العربية ركزى بقى معايا
تروحى دايسه فرامل و تجيبى الـ N و ترفعى الهاند و بعد كدة
تجيبى ال P
3خطوات ... من الشمال لليمين
N > Hand Break > P
انتى بكدة حملتى على الهاند بريك و اللى وظيفتها توقف العربية
لكن لما بتجيب ال P و بعد كدة الهاند انت كدة حملت العربية كلها على المكنة بكلة على ترس الفتيس و مع الوقت بيتاكل و يتكسر و ترجعى تقولى لية انا كنت محافظه على العربية
#سواقة
#بدر #الشروق #مدينتي #هليوبوليس #المستقبل #القاهرة
