19/09/2026
“هيونداي فينيو بكام كاش؟”
— الكاش مش متاح… تقسيط بس! 😂
يعني باختصار: تعالى أنصب عليك، مش تعالى أبيعلك عربية!
وعارف إن في ناس هتقولي: لا موجودة كاش.
أنا مش بجمع، ومش بقول إن كل المعارض بتعمل كده، أنا بحكيلكم بس اللي سمعته من معرض حقيقي.
بس لو هتشتري كاش، في ناس بتطلب زيادة ممكن توصل لـ100 ألف جنيه فوق السعر الرسمي، والسعر الرسمي نفسه شايفه ناس كتير مبالغ فيه.
يا جماعة، العربية شيء أساسي مش ترفيهي.
وخصوصًا إن العربية بتتجمع في مصر، كنا نتمنى يكون السعر أقل، عشان يبقى في فرصة لناس أكتر إنها تركب عربية كويسة، وكمان يبقى في توازن أكتر في أسعار العربيات المستعملة.
وعشان محدش يزعل مني، أنا مش بهاجم العربية نفسها، أنا بتكلم عن طريقة البيع والأسعار اللي بتتحط على الناس.
فنصيحتي ليك: متخليش حد يجبرك على حاجة أنت مش مقتنع بيها.
اسأل، وقارن، وخد وقتك… ومتخليش حماس العربية يخليك توافق على أي شروط تتحط قدامك. قلولي اي البديل ليها فعلا يستاهل
