ورشة موتوسيكلات

17/01/2024

عاوز تحافظ علي الموتوسيكل بتاعك يبقي لازم تستعمل زيت خاص با الموتوسيكل والزيت الخاص بالموتوسيكل هو زيت 4t او اي زيت مرسوم عليه موتوسيكل غير كدا يبقي بلاش تستخدم اي زيت وخلاص واستخدم زي اللي في الصور كدا 👇👇

31/05/2023

كنت هعمل ليكم الفكره دي بس لقتها خطر جدا لو انا ماشي علي طريق وبسرعه والسلك اتقطع مش هيبقي معايا فرامل

16/05/2023

انا مش بعمل دعايه لحد بس المحل ده يستاهل كل خير وانا بنفسي بشتري من عنده كل حاجه وبجد ارخص سعر في مصر واتصل وشوف بنفسك

بسم الله الرحمن الرحيم بكرة فية عرض ضرب نار ع كاوتش بيراميدز البيع قطاعى فقط الجمعة وبس
اتفرج ع اخر فيديو وهاتفهم 😎🤝🏻👌🏻
👌🏻 اقل سعر ف مصر👌🏻 😎
بتاع الغلااااابة❤️💙💜
👮⭐البيــــــــــه⭐👮

صفحتنا ع الفيس بوك: https://www.facebook.com/profile.php?id=100088121535525
التيك توك ...تابعونا وشوفوا الجديد ☝🏻💪🏻
tiktok.com/
موبايل: 01060244481

واتساب: https://wa.me/+201060244481

جروب الشحن :https://chat.whatsapp.com/Fv6HkII2Elb9b2BtqhSI5G

العنوان: القاهرة المرج الجديده نفق اللوادر بجوار الطريق الدائرى
اللوكيشن: https://g.co/kgs/x7NuDG

16/02/2023

👍💪

27/10/2022

19/10/2022

.احذر من تلف بلاطة الشحن.
السبب الرئيسي في تلف بلاطة الشحن هي البطاريه لما تتلف او تشيل اوطاش البطاريه وتزود بنزين جامد او تفرغ البطاريه من الشحن
فيجب تغيير البطاريه اول ماتتلف ولو سليمه بس فرغت من الشحن قدامك حلين حتى لا تتلف البلاطه
١-شحنها عند الكهربائي على التنجر
٢-تدور.زق وتسيب المكنه تشحنها بس بشرط متزودش بنزين طبعا لو سئلت الكهربائي هيقولك الكلام ده غلط هيقولك لازم تزود بنزين.سيبك منه وتعالى افهمك
اولا تعالى نفهم دائرة الشحن بتتكون من ايه

١-ملف الشحن وده بيخرج تيار مترددac بيخرج من ١٥الى١٠٠فولت ac كل ماتزود بنزين يزيد الفولت
٢-الفلام وده عباره عن قطعة مغناطيس ركبه على الكرنك وعلى ملف الشحن لما الموتور يشتغل يلف الفلام على الملف ويولد تيارac
٣-بلاطة الشحن ودي بتتكون من دائرتين اساسيتان وهما دائره اسمها (بريدج) ودي وظيفتها تحول من acالىdcاي من تيار متردد الي تيار مستمر ،الدائره الثانيه اسمها (فولتجرجيوليتور) ودي وظيفتها تخفيض وتثيبت الفولت الخارج من الملف عند ١٥فولت مايزدش، كدا فهمنا دائرة الشحن بالتفصيل تعالوا بقى نفهم مع بعض ايه الي يحصل لو شحنت بطاريه فارغه وزودت بنزين اثناء الشحن

اولا : البطاريه لما بتفرغ من الشحن بتسحب تيار عالي حوالي 10امبير المشكله هنا بقى ان دائره (بريدج)الي في البلاطه مابتستحملش اكتر من ٥امبير اكتر من كده تدخل في خطر وتتلف البلاطه ف الحل هنا ايه ،لو مزودتش بنزين اثناء الشحن الملف هيخرج تيار بسيط للبطاريه فهنا الدائره هتتحمل
ثانيا: لما ترفع اوطاش البطاريه وتزود بنزين المشكله هنا بقى في دائره (الفولتجرجيوليتور) ودي بتتلف ازاي الدائره دي بتخفض وتثبت الفولت عند ١٥فولت بس بتخفض من ٤٠فولت واحنا اتفقنا ان الملف بيخرج لحد ١٠٠طيب كدا فيه٦٠فولت زياده هنا بقى دور البطاريه بتساعد
(الفولتجرجيوليتور)وبتثبت الفولت يبقى احنا وصلنا هنا لنتيجتين الاولى ان البطاريه بتساعد على تثبيت الفولت طيب لو البطاريه مش موجوده هنعمل ايه في ال٦٠فولت الزياده دول الحل بسيط جدا ماتزود بنزين مش احنا اتفقنا ان الملف بيخرج من ١٥ الي ١٠٠تقريبا مع زيادة البنزين معنى كده ان لو مزودناش بنزين خيرج ١٥فولت تقريبا وكدا البلاطه في امان وبكده وصلنا للنهايه انا عارف اني اتكلمت كلام كتير مكلكع بس الكلام ده للي عايز يفهم او بيأوح

اما ملخص الكلام لو مش عايز البلاطه تتلف عليك بفعل هذا
١-ماتيلش اوطاش البطاريه وتزود بنزين جامد
٢-البطاريه لما تفرغ اشحنها عند الكهربائي او لوحبيت تشحنها في المكنه ماتزودش بنزين جامد ممكن سنده خفيفه
٣-البطاريه لما تتلف لازم تتغير فورا
٤-لما ملف الشحن يتلف لازم يتغير فورا
٥-اسف على الاطاله واي سؤال تحت امركم 🤔😇

18/10/2022

❤️فيها حاجة حلوة❤️

16/10/2022

#شرح تظبيط تاکیهات الموتوسيكلات

من أجل أعضاء صفحتنا الكرام

ورشة موتوسيكلات

هنحتاج فقط لمفتاح واحد مقاس 10

بصرف النظر عن أشكال المفاتيح المتعدده المهم المقاس و جودة

المفتاح علشان نحافظ على المسامير هنفك أولا مسامير وش التاكيهات ومكانها في أعلى رأس الماتور هنفك الصامولتين بمفتاح 10 ونسيبهم معلقين

هنداء أول خطوه

بعد ما نتأكد ان الماتور بارد تماما

بعد فك وش التاكيهات

هتلاقی صامولتين مقاس 10 ظاهرين أمامك واحده على شمالك

وواحده على يمينك

ونحرك المنفله هتلاقى الصامولتين بيتحركوا للأعلى والأسفل بحيت يكون صباب البنزين مغلق وصباب العادم مفتوح والعكس صباب العادم بيكون تجاه الشكمان وصباب البنزين بيكون اتجاه

الكربيراتير

وطبعا كلنا عارفين الشكمان

طیب نظبطهم ازای

هنحرك المنفله بالراحه بواسطة اليد لحد ما يكون الصباب بتاع البنزين للأعلى وصباب العادم مضغوط للأسفل وبتبداء تربط المسمار خلى الاتنين يدوب لمسين بعض فقط واربط الصاموله تانی وبعدين حرك المنفله بنفس الطريقه لكن العكس خلي صباب العادم لفوق وصباب البنزين لتحت ونفس الشيء اربط المسمار لحد ما يلامس رأس الصباب واربط الصاموله

ال فكيت من عليه الصاموله لحد ما يتقابل مع رأس الصباب

رقم واحد صباب العادم

رقم اتنين صباب البنزين
وبعد كده
شغل المكنه لو اشتغلت معاك مظبوطه وصوتها مظبوط یبقی کده تمام لقيت الصوت ثابت مفيش تقطيع يبقى كده تمام لو لقيت في تقطيع تظبط الهوا بتاع الكربيراتير

رقم واحد صباب العادم رقم اتنين صباب البنزين

ولو لقيت في صوت كرر نفس الطريقه بس اربط المسمار زیادہ بمقدار لفه أو نص لفه على حسب الحاجه بلاش تربط المسمار بشده لازم يكون متلامس فقط أو فرق بينهم بمقدار شفرة موس موضوعه

بينهم

لو كل شيء تمام والصوت ظبط والمكنه صوتها طبيعي بتقفل المسامير بتاع وش التاكيهات من تانى وتشغل المكنه لمده خمس دقایق سرانسيه وتلاحظ صوت الماتور

وأخيرا تزويده بنزين لأخر البكره واركب المكنه بعد كده براحتك وطريقة التظبيط بتختلف من ميكانيكي لأخر ناس بتظبط بطريقه تانيه لكن دى أسهل طريقه ان شاء الله تفيدكم وشكرا

16/10/2022

مشاكل المارش الشحن البطاريه جزء 3

موعدنا اليوم ان شاء الله مع مشاكل المرش بعد ماتعرفنا فى البوستين السابقين ازاى نتعرف على مشاكل الشحن والبطاريه وازاى تعالجهم بقيلنا مشكلة المرش وهى اسهل المشاكل فى التعرف عليها يعنى لو كل شئ مظبوط والمكنه مابتدورش مرش بسهوله هاتجيب لمبه متوصل بيها سلكين تضع سلك منها على السلك المربوط بوسط المرش هاتلاقيه مربوط بصموله عشره لمس السلك عليها كويس ووصل سلك اللمبه التانى على اى شئ مش معزول بجسم المكنه واضغط مرش لو اللمبه نورت يبقى كدا توصيلاتك سليمه ومشكلتك مرش( اربط على الصاموله كويس احيانا بيكون العيب انها مهويه) دا فى حالة ان بطريتك كويسه طب لو اللمبه مانورتش هنا بقى يبقى فى مشكله بالتوصيلات وهنبدأ من سلك لاقط المرش وفى ناس تسميها كتاوت هاتلاقيها كتله متوصل بيها سلكين سلك من البطاريه وسلك رايح للمرش حط طرف من سلك اللمبه على السلك المتجه للمرش والطرف التانى حطه على سالب البطاريه واضغط مرش لو اللمبه نورت يبقى لاقطك سليم حاول تشوف سلك المرش ممكن يكون عايز عراويه تتحل وتتسنفر او السلوك مش مربوطه كويس او سلوك البطاريه مش مربوطه كويس طيب لو اللمبه منورتش رغم انى بسمع صوت تكت لاقط المرش يبقى كدا الاقط بايظ او السلوك اللى جايه من البطاريه ليه مش مربوطه كويس او مأكسده نضفها وجرب طيب لو مافيش صوت تكه فى المرش هاتلاقى سلكين رفيعين خارجين من المارش واحد لونه اصفر فى احمر وواحد لونه اخضرفى احمر او على حسب موديل المكنه هات طرف من سلك اللمبه اللى معاك ودخله فى السلك الاصفر فى احمر وسلك اللمبه التانى سبته على سالب البطاريه وافتح الكونتاك واضغط مارش لو نورت يبقى كدا كتلة المارش عندك سليمه وكمان توصيلاتك والمشكله عندك بالسلك الاخضر ودى ممكن تحلها عن طريق انك تجيب سلك سالب من اى جزء من المكنه وتربطه مع السلك الاخضر او ممكن توصل السلكين اللى متوصلين فى مقبض الدبرياش وصلهم ببعض جرب الحل اللى هايمشى معاك لحد ماتروح لمكانيكى يحللك المشكله او لو حبيت تمشى بيها كده عادى هى ما بتأثرش على شئ غير ان المكنه ممكن تدور مرش وهى واخده ناقه عن طريق الريموت او المفتاح يعنى لازم تكون حظر وخصوصا من الاولاد الصغار طيب لو وضعنا سلك اللمبه فى السلك الاصفر فى احمر وضغطنا مرش ومانورتش يبقى انت كدا عندك مشكله بالتوصيلات او كتلة المرش وانصحك ماتحاولش تلعب فيها اذا كانت خبرتك ضعيفه طيب كل اللى سبق ده خاص اذا كان المرش مابينطقش خالص طب لو المرش بيلف بس ضعيف ومابيقومش المكنه بسهوله هات بطرية كويسه واربط فيها سلكين قويين وضع الموجب على السلك اللى بوسط المرش والسالب بجسم المكنه واضغط كويس وجرب لو المرش لف معاك بقوه يبقى مارشك سليم ومشكلتك بطاريه وعشان تطمأن ان توصيلاتك سليمه فك بطريتك واربط البطاريه الكويسه مكانها وجرب لو اشتغل كويس يبقى كده كمان توصيلاتك سليمه واتأكدت من مشكلة البطاريه( فى المنشورات السابقه شرحة كيف تختبر البطاريه وتتعرف على البطاريه الجيده) لو عملت اللى قولت عليه ومازال المرش ضعيف يبقى مشكلتك هى المرش ممكن فعلا يلف لكن يكون تقيل وضعف باقى اخر عيب واخبث عيب وهو ان احيانا يكون المرش بيه تقل او ضعيف والبطاريه كذلك فتركب بطريه تانيه على مكنتك المرش يشتغل تمام تركب بطريتك على مكنه تانيه هى كمان تشتغل تمام ودى نادرا لما بتحصل وفى الحاله دى اختار الانسب ليك وغيره وانا انصح بتغيير البطاريه لو كانت قديمه طبعا هناك مشاكل بلى المرش ودى طبعا بتعرفها عن طريق صوت الخربطه اللى بتسمعه وانت بتدور
ملحوظه هناك بعض الموديلات بتشتغل مفاتيح المرش على السالب ودا موجود بالتروسيكلات بمعنى السلكين الرفعيين اللى خارجين من المرش بدل مافى واحد ارضى ثابت والاصفر هو اللى بيوصل الكهربه لا هاتلاقى سلك الكهربه اللى ثابت والارضى هو اللى بيوصل وانت عليك تعكس طريقة الاختبار بدل ماتوصل على سالب البطاريه وتضغط مرش وصل على الموجب
وبكدا بحمد الله نكون انهينا السلسله دى واللى الغرض منها مش انك تكون مكانيكى وتعرف كل شئ الغرض انك تحاول تتوصل للمشاكلالبسيطه او والمكانيكى بيشتغلك تبقى فاهم هو بيغيرلك ايه عشان الناس اللى بتشتكى من كثرة تغيير الاشياء وبردو مازال العيب موجود وفى الختام ولكم التوفيق

16/10/2022

مشاكل المارش الشحن البطاريه جزء 2
-------------------------------------------------
بعد ماستعرضنا المشاكل الخاصه بالشحن فى الجزء الاول هانستعرض ان شاء الله المشاكل الخاصه بالبطاريه وازاى نتوصلها طبعا بعد ماختبرت الشحن وطلع كل شئ تمام لسه بردو المرش مابيقومش او النور ضعيف ممكن تكتشف مشكلة البطاريه بسهوله عن طريق انك تركب بطارية صديقك مثلا وتجرب عليها طيب لو اشتغلت يبقى تمام وتوصيلاتك كويسه طب لو مادورتش يبقى مشكلتك اما مارش او التوصيلات فيها مشكله شييك عليه واتأكد ان العراوى اللى بتتربط فى البطاريه مش مأكسده لو مأكسده نضفها بميه سخنه وبعدين سنفرها لو دايبه غييرها واتأكد ان الارضى مربوط كويس بجسم المكنه بس نصيحه حاول تدور بالبطاريه الجديده وانت قافل البطال او شايل سلك البيبه بتاع البوجيه لحد ماتفضى تقريبا ويبقى المرش مش قادر يقوم بعدين دور المكنه منفله لمدة دقيقتين مثلا وبطلها وشغل مرش لو اشتغل يبقى كدا شحنك تمام وكمان توصيلاتك واتأكدت ان مشكلتك بطاريه
طيب ازاى اتعرف على مشاكل البطاريه فى البدايه هاتشوف الصوابع بتعتها لو عليها اكسده نضفها بماء ساخن وسنفرها لو هى بطاريه سائله وديها لحد بتاع بطاريات يكشف عليها ويغيرلها ميه طب لو هى جافه بعد ماتعمل كل الخطوات السابقه لو ماشتغلتش ممكن انك تشيل الغطاء بتاعها بقطر هاتلاقى تحته فتحات زى البطاريه السائه احقنها ميه مقطره(مية نار) فى بطاريات كتير بتجيب نتيجه كويسه على حسب جودتها او على الاقل هاتمشيك على ماتدبر امورك اخر شكوه البطاريه مابتقومش الصبح دى فى اغلب الاحيان بتكون مشكلة بطاريه فى ناس يتقولك ممكن سلك ملمس يحسم الامر ده انك تفصل سلك من سلوك البطاريه قبل ماتوقف المكنه والصبح وصله لو لقيت البطاريه كويسه فعلا وفى فرق واضح يبقى فى مشكله بالضفيره واحيانا فى ناس بتبقى مركبه طقم صوت او حاجات كده وهى اللى بتعمل المشكله دى ممكن انته بعد ما البطاريه اشتغلت معاك تجرب تفصل مثلا طقم الصوت لكن من السلوك الرئيسيه مش من المفتاح بتاعه وبس او لو مركب شئ تانى افصله فى اليوم التالى لحد ماتتوصل للعيب
ملحوظه لازم تتأكد ان مسامير البطاريه مربوطه كويس ومافيش تحتها اى عوازل زى اكسده او خلافه واحيانا البطاريه نفسها بتكون ضعيفه يعنى تعطيك لفتين والا تلاته للمرش او تلف المرش بس ببطء وتلاقى الناس بتقولك دا المرشبيلف والمكنه مش بتدور لازم تعرف ان لازم مكنتك تكون مظبوطه على الشعره عشان تقوم على بطاريه ضعيفه البطاريه الجيده ممكن تعطيك لف متواصل للمرش لمدة 6 مرات مثلا كل مره حوالى 3 او 4 ثوانى مش تكتين وشكرا لحضراتكم وعزرا على الاطاله

16/10/2022

مشاكل المارش الشحن البطاريه جزء واحد
----------------------------------------------------
المارش مابيشتغلش او بيتكتك ومش قادر يشغل المكنه البطاريه ضعيفه النور مش كويس مشاكل بتواجهنا كلنا روحت لمكانيكى قالى غير بطاريه والتانى قالى غير بلاطه شحن وغيره قالى مرش ياترى مين اللى صح دى اكتر كلام يتقال طيب ازاى نعرف نميز العيب بسهوله هاحاول ابسط الشرح خصوصا ان معظم اللى فى الجروب فكرتهم بسيطه والله الموفق
1_ ازاى اعرف مشكلة الشحن نظرا لانك مش هاتلاقى افوميتر فا ببساطه تجيب لمبة فليشر ويكون متوصل فيها سلكين بدوايه مثلا وتتأكد انها شغاله وبعدين تدور المكنه وتتركها شغاله على السلانسيه وتفصل الفيزه وتوصل سلك من اللمبه فى السلك الاحمر بتاع الفيزه اللى جاى من الضفيره مش اللى جاى من لاقط المرش وسلك اللمبه التانى توصله على السالب بتاع البطاريه طبعا لو المكنه على السلانسيه هاتلاقى فى ذبذبه فى اللمبه وبعدين زود للمكنه بالراحه لو لقيت اللمبه بتضعف يبقى دى مشكلة بلاطه من غير ماتفكر طب لو لقيت اللمبه بتزيد لحد ما تتوهج لنسبه معينه وبعد كدا مهما تزود ماتزيدش يبقى كدا الشحن عندك تمام ودور على المشكله فى حته تانيه طيب لو لقيت اللمبه بتتوهج اكثر من الازم وممكن لو زودت تتحرق كمان يبقى كدا المشكله ماتخرجش عن اتنين اما البلاطه بايظه او سلك التنظيم بتاع البلاطه فاصل طيب ازاى اعرف اقولك تفصل اللمبه وتوصل البطاريه وكل شئ عادى وتروح على البلاطه تفصل الفيشه بتاعتها وتفتح الكونتاك بعد ماتفصل الفيشه امسك الفيشه اللى جايه من الضفيره هاتلاقى فيها خمس الوان تلاقى سلك لونه اسمر ركب فيه سلك من بتوع اللمبه والسلك التانى لمسه على اى جزء ارضى مايكونش عليه دهان عشان يوصل معاك لو اللمبه نورت يبقى كدا تمام واتأكدت ان العيب عندك فى البلاطه وبكدا نكون غطينا مشكلة الشحن الضعيف والزايد وعرفنا ازاى نحلها باقى اخر حاجه ان المكنه مابطلعش شحن خالص طيب دى هاتعرفها ازاى احنا اتفقنا ان انته فى الاول لما بتفصل سلك الفيزه وبتوصل اللمبه عند البطاريه وكده فى حالة تكون المكنه مابتخرجش شحن مش هاتلاقى اللمبه بتنور خالص طيب ازاى تعرف المشكله فاكر فيشة البلاطه اللى قولنا عليها هاتروح عليها وتلاقى سلكين واحد وردى والتانى اصفر تدور المكنه وتسبها على السلانسيه وتلمس سلكين اللمبه بحظر على السلكين دول اذا لقيت اللمبه بتنور يبقى كدا ملفك الشحن عندك تمام والتوصيلات لحد بلاطة الشحن تمام طيب طيب لو مانورتش يبقى فى مشكله فى ملف الشحن او فى التوصيلات مشكلة الملف سهله هاتروح للفيشه اللى خارجه من الماطور وتلاقى نفس اللونين طبعا لازم الفيشه اللى خارجه من الماتور تكون واصله عشان المكنه تدور وانت لمس السلكين اللى معاك على السلكين دول كويس عن طريق تدخيلهم فى الفيشه لو نورت اللمبه يبقى كدا ملفك سليم ومفش باقى عندك غير انك تشوف مشكلة التوصيلات تانى خطوه بطل المكنه ووصل بطريتك عادى هاتلاقى سلكين واحد اخضر والتانى احمر فى الفيشه اللى موصله للبلاطه مش فيشة البلاطه نفسها واخر شئ سامحونى على الاطاله بس انا حاولة اغطى اكبر قدر من الموضوع عشان تلاقى كل الامور فى بوست واحد واسأل الله لى ولكم التوفيق

12/09/2022

ارجو عمل اعجاب بالصفحه لنشر المزيد من الفيديوهات