10/03/2026
اسعار البنزين طبعا غاليه وزادت النهارده لمستويات عاليه والمشوار بقي مكلف جدا ولكن في حلول للتقليل من حرق البنزين وفي نفس الوقت بتطول في عمر الماتور اهمها والي في متناول ايدينا كلنا كاالاتي :
١- تثبيت السرعه علي الطرق السريعه بمعني ادق وانت ماشي حاول رجلك تبقي ثابته علي سرعه معينه اطول وقت ممكن في الطرق السريعه.
٢- الكاوتشات مهمه جدا مراجعه ضغط الاطارات بصفه دوريه وانها تكون متساويه علي الاقل في الاربع كاوتشات.
٣- محاوله تقليل احتكاك الهواء للعربيه بمعني اوضح ان الشبابيك متبقاش مفتوحه كلها لحد الاخر يعني يكفي الشباكين الاماميين يبقي نص فتحه او تلات ارباع فتحه عشان يعمل مرونه مع جسم العربيه واحتكاكه في الهواء كل اما الهواء زاد جوا العربيه كل اما بقي جسم العربيه تقيل كل اما بيحاول ياخد عزم اكتر عشان يوصل معاك للسرعه الي انت عايزاها وده بيؤدي لاستهلاك اكتر.
٤- زياده عدد لفات الماتور بمعني اوضح الحرق علي الغيار زي ما بنسميه كلنا كل اما الماتور اخد راحته كل ما كانت عمليه الحرق سلسه اكتر.
٥- في الاماكن الي هيبقي فيها وقوف كتير ووقت اطول ممكن نبطل الماتور لو المده احتمال انها تزيد عن دقيقه لاكتر وده ممكن تعرفه من لوحه مثلا عداد الاشاره او زحمه بسبب عطل ما او حادثه علي الطريق وهاكذا.
٦- الصيانات بالكامل زي الزيت فلاتر هواء بنزين وزيت ومواعيدها وده اهم نقطه عشان تاخد اعتماديه اكتر وتقدر انك توفر اكتر في الاستهلاك العام عدم الاهتمام بيها بيزيد الاستهلاك في الطرق السريعه 10٪ وفي داخل المدن والطريق المزدحم بيوصل ل 25٪.
