12/08/2024
اعتذار رسمي
بنقدم إعتذارنا لكل فلاح إتقال له في يوم
👈 انت فلاح و جاي من ورا الجاموسه 🐃
بنقدم إعتزارنا وبنقولك :
أيوه أنت الأهم و أنت سيد الناس .
إرجع وأنت فخور و مرفوع الراس .
إرجع والله أنت الأصل والأساس .
إرجع إزرع أرضك وراعي الجاموسه والحمار .
إرجع إبنى الفرن البلدي من جديد في وش الدار .
إرجع ربي الخروف و الفرخه والبطه والوزه
إرجع إنتج البيضه والجبنه و القشطه والزبده .
إرجع إنتج القمحه والشعيره والرز البلدي بتاع زمان .
ارجع وازرع داير الارض باميه و فول وفلفل وبتنجان .
ارجع وابني فوق السطح برج حمام وجنبه بلاص مش .
ارجع ابوس ايدك اكلنا اتسمم وبقا كله غش ف غش .
ضحكوا علينا ب لانشون و فيتا و فلامنك .
خلو عشيتنا طعمها ماسخ و ضنك ف ضنك .
فراخ بيضا لا ليها طعم ولا فيها ثمره و كمان مهرمنه .
ولحوم و زيوت وسمنه بقلة الضمير متصنعه .
إرجع كلنا بنعتذر لك وبنقولك بجد إحنا أسفين ✋
وبنعتذر لبرج الحمام و للجاموسه وللأرض والطين ✋
