31/05/2020
النهاردة روحت توكيل تويوتا العباسية علشان حملة تغيير كبسولة ايرباج السائق والماستر سويتش للزجاج ومجرى كرسي السائق مجانا.
روحت الساعة ٩ ص بتحجز قبلها بالتليفون ويطلب منك رقم الشاسيه، هيقولك اذا كانت تخضع لحملة التغيير ولا لا.
كله لابس كمامات وجوانتيات بيقيسوا الحرارة ويعقموا العربية قبل استلامها.
بتسحب رقم خدمة زي البنك وتنتظر دروك بيقابلك مهندس يشرحلك الموضوع، ويستلم منك العربية
الموضوع اخد من الساعة ١٠ ص ل الساعة ١.٣٠ بعد الظهر
يتم خلع الطابلوه كاملا وتغيير الكبسولة،
استلمت العربية تمام مافيش اي مشاكل والزجاج اختلف فعلا عن الاول
ممكن حضرتك تدخل على اللينك ده هتعرف عربيتك ليها استدعاء او لا https://www.toyota.com.eg/ar/mytoyota/recall-checker
مادفعتش جنيه واحد
اتمنى تكونوا استفدتم ولو فيه استفسارات تحت امركم
عربيتي ياريس ٢٠٠٦ اتوماتيك
منقول
Whether you’re a toyota owner or just have a question about our products, toyota is committed to providing a rewarding customer experience.
