10/05/2026
البارح بقى كان يوم عجيب!!!! نزلت الشارع فى جولة غير مخططه بموتوسيكل من المنتزة وحتى كارفور سيتى سنتر!!! من طريق الكورنيش رايح راجع الشوارع ما شاء الله نضافة ومرور خفيف الشرطه ورجال المرور منتشرين على طول الطريق بين كل عربية مرور والتانيه ١٠٠ متر!!! مافيش لجان ولا توقيف العربيات ولكن الملاحظ أن إشارات المرور أغلبها مطفأة!!! مافيش رعونه فى الطريق بين السواقين كل العربيات ملتزمة بالسرعات القانونية!!! حالة من السكون والطمأنينه بصراحة عمرى ما شفتها ياريت الحالة دى تكون يوميا!!! انا تحليلى للموقف ده اعتقد انه بسبب انتشار قوات وعربات شرطة المرور فكل المخالفين سواء رخص قياده أو عربيات كنوا فى بيوتهم لأنهم جبناء ومابيخافوش غير بعنيهم!!!! الأمر التانى أن الركاب مش لاقيين ميكروباصات برضه عشان قلتهم فى الشوارع لنفس السبب وهو خوف المخالفين من النزول !!! كان البارح السبت افتتاح جامعة سينجور
والريس وضيفه الرئيس ماكرون فى الاسكندرية !!! الرئيس ماكرون وزوجته النهاردة الاحد بيجروا على الكورنيش والمرور شغال عادى جدا!!! ده بيعكس حاجتين!!! رقى الشعب السكندرى والأمان اللى البلد أصبحت فيه!!! ياريت الحالة دى تفضل على طول!!! احنا لما بنحب نبهر العالم بنبقى شعب محترم والله غير بس بعض الواغش اللى عايش بيننا وبيعتمد على تهاون الشرطه فى فرض النظام هم اللى بينغصوا حياتنا ويعكروا مزاج الشارع!!! #تحيامصر 🇪🇬🇪🇬
