VAG scan programmation (2026)

27/05/2026

عيد أضحى مبارك للجميع كل عام و انتم بخير تعيدو بل صحة وهناء و لعقوبة للعالم الجاي ان شاء الله

15/05/2026

عليكم ورحمة الله وبركاته
جمعة مباركة للجميع
كيما عودناكم مع المشاكل تاع الميكانيك هذه المرة كيما كثير مرات مع البولو 4 phare او المسماة بال 9N بمحرك الاسطوري دبابة الميكانيك بانظمة الشاحنات نظام حقن البومب انجكسيون روتاتيف لي سبب نجاح المبيعات في نوع المحركات هذا خاصة في البومب انجكسيون اليكتريك المهم هذه للبولو بمحرك الاسطورة 1.9sdi 64ch جاه فيه مشكل فيبراسيون فرالونتي و لاكسيليراتور ثقيل و المحرك يفيبري و دخان ابيض قاوي
الاحتمالات الممكنة:
-انجكتور او زوج مبلوكيين
-مشكل فل بومب انجكسيون فنيسيسار داخل الي مسؤول عن الحقن
-تيوات تاع ليزانجكتور مبوشيين
-بوسوار مكلاطيين
-صوبابة مبريدية
تشخيص الأولي :
أظهر انو هناك عدم احتراق في السلندرين الأول و ثاني
جربنا بومب انجكسيون أخرى بقا نفس المشكل و نفس الأعراض
جربنا سيري ليزانجكتور أخرى نفس الشيء
نحينا دوريت تاع فلتر الهواء لا يوجد صوت لخبطة تاع بوسوار او صوباب مبريدية حتى كي تنحي لاجورج لا يوجد تفوار ولا تطراش يعني دومي تحتاني سليم 😁
واش تفترضو المشكل حتى حنا مجاناش في بالنا و نادرة وين تصرا و جامي تلاقيت بمشكل مثل هذا ولا واحد صرالو مشكل نفسو
المشكل لي وقع :
بعد ما فرطتما لاكيلاص قررنا نحيو لي صوباب نفيريفييوهم صبنام روصور صوباب مكسرين في زوج لي سلندر لي فيه ديفو ميحرقوش يعني صوباب تهبط يرجعها للبيسطون ربي ستر متكسرتش راس صوباب و دار كارثة خونا غير دارتلو المشكل رفدها فديباناج و جابهالنا مزادش مشا بيها حمد الله نحينا لي صوباب كاع صبنا عدد منهم ناقص بدلناهم كلهم بيهم بلي روصور
روديناهم حطينا سيري بوسوار جديدة لانهم القدم تنظرو و صبناهم ناقصين نحيحا لي بيسطون فيريفييناهم ملاح مع سيغمون مزال جدد دومي تحتاني يبان محطوط لأنو نقيي ربي يبارك سيلاندري انديزيام مهو ناقص السيغمون القديم مزير و بيسطوات جو مفيهم كيما تشوفو ول محرك خونا شرا سيارة هذي عندنا 11 سنة إستعمال مفتحش المحرك ربي يبارك بعد ما قلبنا دومي تحتاني صبنا بلي كلش مليح محبيناش نعاودو اي قطعة بويسك المحرك سليم ملتحت حتى سيغمون كي قسناه و شفنا حالتو محبيناش نبدلوه لانو سليم و قررنا نخدمو غير دومي فوقاني لي هو الكيلاص و جبنالها جوان كيلاص جديد زيت زيت جديد حطينا لاكيلاص زيرناها بل كوبل سيراج تاعها حطينا لاشان فل كالاج زيرنا كلش عمرنالها زيت نفطال تاع البيدون بارجينا ليزانجكتور حمد الله ناض المحرك دخن شوي ممبعد صطابلا شد روحو عمرنالها الماء باش نشوفو مكاش حتى فويت خليناها دور ممبعد جربناها فطريق مشينا بيها مدة ممبعد فيريفيينا سلامة المحرك حمد الله ميخرجش لا يفور والا والو ممبعد داها خونا مشا بيها مدة عاود رجعها درنالها g12 و بدلنا زيت جديد و راحت تمشي لحد الآن راهي ماشاء الله فطريق لا تفوار لا سخانة لا تطراش و حمد الله المحرك منع و ربي يصلح لمولاها و ربي يخلف عليه حق الخسارة
لي عندو أي مشكل استفسار يتواصل معانا فل خاص ولا يتصل عبر الهاتف ولا يخلينا ميساج فل واتساب
رقم الهاتف:
أسامة: 0696771881
خالد : 0662393133
جمال : 0661284952
مكان العمل: باب الواد رابح بيصاص طريق سيدي بنور بجانب محل سوشي
https://maps.app.goo.gl/SkZohWWMJ9gGrrU69
و بارطاجيو معاكم المنشور باش لي عندو مشكل ممكن نفيدوه بتجربتنا ممكن يوقعلو نفس المشكل و ديرو متابعة فل صفحة باس يوصلوكن منشوراتنا و نتمنى راكم تستفادو منا
#ميكانيك 💙 #ترند

11/05/2026

سلام عليكم ورحمة الله وبركاته
مع سيارة أخرى و مشكل آخر
هنا معانا سيارة غولف 3 بمحرك 1.9 tdi 110 تاع خونا
المشكل لي فيها : كل متكالي لاشان تديكالا وحدها و تولي متنوضش كي تبات
الاحتمالات الممكنة :
لاشان مرخية
طوندور عيان
بينيون داربراكام مديسيري
بينيون فيلبروكان عيان
المشكل كي ظهرنا بعد تشخيص بعد ما نزعنا لاشان و فيريفيينا صبنا بولون تاع بينيون فيلبروكان مديسيري البولون تاعو ايا كي نحيناه صبناه كيما تشوفو فل صور يجي تقول فيه كوتي plat وين يحكم مع فيلبروكان باش ميدورش ايا بسبب انو كان مديسيري و زيد فوق ذلك محرك ديزل فيه فيبراسيون بزاف تنكل البينيون هذاك ملداخل ايا ما سبب انو ولا يديكالا
الحل :
تلديل البينيون بواحد آخر
المشكل لي واجهنا نقص قطع الغيار حوسنا و خونا يحوس ثلاث أيام باش دبر البينيون خونا مشكل قطع الغيار لازال يهبلنا
المعم ركبنا البينيون هذا تاع لاكاص حمد الله لي متقاسلوش لخونا فيلبروكان صينون تولي في مشكل آخر مهم ركبناه زيرنا بولون مليح و ركبنا لاشان تاعها نوضناها ناضت قانون ابري ريغلينا لابومب انجكسيون مليح و سييناها مريغلة ماشاء الله ممبعد داها خونا و مشا بيها حمد الله مزادتش دارت المشكل و ربي يخلف عليه كيما يقولو هكذا والا كثر و لولا تفطنه كون ولات في خسارة كبيرة بزاف و ربي يصلحلو
لي عندو أي مشكل استفسار يتواصل معانا فل خاص ولا يتصل عبر الهاتف ولا يخلي ميساج فل واتساب نردو عليه في أقرب وقت
مكان العمل باب الواد رابح بيصاص طريق سيدي بنور
https://maps.app.goo.gl/SkZohWWMJ9gGrrU69

رقم الهاتف:
أسامة: 0696771881
خالد : 0662393133

#ميكانيك 💙 #ترند

09/05/2026

أي قطعة تحبو نحكو عليها فل منشور الجاي نديرولها شرح معمق لي تجي في راسكم اي قطعة فل محرك تحبو نحكو عليها لي تجيب اكبر عدد تعليقات نديروها سهرة غد او بعد غد

09/05/2026

سلام عليكم ورحمة الله وبركاته
مع سيارة أخرى و مشكل آخر هذي سيارة زارتنا تاع خونا
لي هي بولو بوليس موديل المعروف بل 9n3 بمحرك 3 سلندر ديزل توربو لي هو 1.4tdi انجكتور بومب PD engine للعلم محرك هذا تريفيزا عند ميكانيكي آخر و خرج فيه ديفو يعني منجحش
المشكل لي جات عليه :
تسريب زيت المحرك لسائل تبريد للعلم روفرواديسور مسيبريمي ول محرك هذا وين خرج من ريفيزيون و للعلم سخن و طفا و بعدها راح تريفيزيا عند ميكانيكي
الاحتمالات الممكنة للمشكل :
بلوك مشقوق فيه فيسير
كيلاص فيها مشكل
جوان كيلاص مفيسيري ولا محروق
حنا قبل الفتح و لوم زيت لي يخرج فل قرعة لانو شخصيا جاز عليا المشكل هذا الاحتمال لي حطيناه في راسنا انو البلوك مشقوق و كما كان الحال نحينا الكيلاص ظهر البلوك فيه شقوق في بلايص البولونات
السبب : عدم تنظيف اماكن البولونات فل بلوك تراكم الاوساخ و زيت ول ماء في تلك الاماكن مع تركيب البولونات ول كيلاص و تزيار ماذا يحدث الوسخ هذاك ول ماء و زيت المتراكم معندوش وين يخرج القوة الكبيرة المطبقة عند تزيار تأدي بتشقق للبلوك
الحل : تغيير البلوك مع العلم انو البلوك هذاك مشوميزي لكن عاد غير صالح 🥲
تغيير الكيلاص بسبب أنها راشية و شارجاوها و زيد فوق ذلك خذات شوك من الحرارة قبل متتريفيزا عند سيد
وفرنالها بلوك مشوميزي لا شقة ولا تخشة مفيه 😁 + كيلاص تخشة تاع رشاوة ولا سوسة مفيه منحي من محرك كان عندنا و + فيزوج مسكانيين يعني البيع بل غارونتي كيما تشوفو فل صور البلوك تحط سيغمون متجوزش الى شعرة فل فراغ تاع سيغمون باش تعرف بلي شوميزات ربي يبارك و كيلاص كيما تشوفو فل صور بيها بلي صوباب تاعها
باشرنا في تركيب لي سيغمون جدد مع لي بيسطون تاعو القدم ملاح ربي يبارك ركبنا الفيلبروكان + القطع الباقية كيما كوسينيي مبدلين من قبل الفيلبروكان مليح ماشاء الله مضخة الزيت الخ ركبنا مضخة الزيت ول ايكيليبرور كالينا المحرك و ركبناه فلي روبار تاعو كيما حكينا من قبل المحرك هذا فيه 3 سلندر لكي ميخرجش يفيبري الصانع واش دار باش يعوض السلندر الرابع حط ما يسمى بل فيبرور او الإيكيليبرور
دور الإيكيليبرور : تعويض السلندر الرابع و انقاص الفيبراسيون كما نعرف انو محركات الزوجية بعدد سلندرات زوجي تجي ليكيليبر تاعها يعني متوازنة بسبب انو كاين قوة مضادة متساوية يعني كيما محرك الاربع سلندر فيه زوج مكابس تهبط و زوح تطلع يعني دورة تاع المحرك تكون متوازنة لكن محرك ال 3 سلندر او المحركات بعدد احادي من الاسطوانات خاصة صغيرة مثل 3 سلندر بإستثناء ال 5 سلندر قادر على انو يدور بسلاسة الاربع سلندر و يمد قوة قريب لل 6 سلندر و زيد فيه عدد اسطوانات اكثر يقدر يقترب من التوازن تاع محركات زوجية في حين ال 3 سلندر صغير جدا و صعيب باش تحقق فيه توازن لذلك وضعو هاذ القطعة دوارة رغم ذلك تشوف انو مزال الفيبراسيون شوي فل محرك دورة تاعو تحسها غير منتظمة كيما ال 4 سلندر خاصة في محرك ديزل أين القطع الدوارة اكبر و اثقل و الاحتراق قوي
نعود للمحرك غلقتا الكارتار غلقناه حطينا دومي بجنب درنا للكيلاص رودينا لي صوباب مليح حطينا لي جوان غيد جدد فل ايرلنغ erling حطينا لي بوسوار تاع المحرك محطوطين جدد لاربراكام ليزانجكتور فيريفيينا لي جوان ركبنهم من قبل خونا جدد ركبنا لارومب تاع ليزانجكتور فيسو نقينا بلاصة بولونات مليح ركبنا كيلاص مع دومي متور تحتاني ركبنا لي بولون زيرنا الكيلاص مع البلوك بل كوبل سيراج ركبنا المحرك كامل فل سيارة ركبنا ليزاكسيسوار تاعو ركبنا لاشان كاليناها زيرنا طوندور درنالنا زيت oilfino فل 5w40 خرج المحرك ماشاء الله لا تخلاص لا تطراش لا والو ماشاء الله خرجنا خونا بأقل اضرار ممكنة لكن الخلاصة : خونا خسر خدمة ماندوفر أخرى و كيلاص و بلوك و خدمة تور لي شوميز جدد لكن كلش راح في باطل بسبب غلطة الميكانيكي سابق كلنا نغلطو لكن يجب الحذر و كاين بعض مالكي سيارات يولي يوريلك في خدمتك يقولك لالا متبدليش هذي ولل يكون مزير ميبدلش بعض القطع كيما صراتلنا مع لعض زبائن تفتحلو المحرك ممبعد يقولك منيش قادرلو تعشي تعشي غالقو ناقص بشوميزات ناقصين و يحوسوه ينجح لكن خونا هنا صدقوني في دمرو ماديا الميكانيكي سابق هكذاك و لم من و من و تسلف باش يخدمها قانون و يخلق غلقة شابة و يروح يمشي مهني مكان لا تخلاط لا والو و حمد الله تهلينا فيها كيما نتهلاو في رزقنا و دقننا في ابسط الأمور و خونا وثق فينا في رزقو و مخذلناهش و ربي يباركلو في رزقو و ربي يعوضو عل خسارة و ربي يفتح عليه
و نتمنى انكم استفدتو شوي من المنشورات تاعنا و ديتو خبرة كيما ديناها بسبب الأخطاء ول مشاكل و نتمنى نفيدوكم بمنشوراتنا بل معلومات لي بغا يستفسر على اي حاجة فل محرك ولا مشكل ولا قطعة و لا طريقة عملها يخلينا كومونتار ولا بغيتو نديرلكم منشورات تفصيلية عن بعض القطع بسبب وضعها و طريقة عملها خلونا تعليقات و لي عندو استفسار يخلي ميساج بريفي ولا يتواصل معانا فل واتساب ولا يتصل عبر الهاتف و نردولو ان شاءالله في اقرب وقت و لي ملحقناش نردولو يسمحلنا بويسك عندنا ضغط رهيب فل عمل ما يعمل بيه غير ربي سبحانو

مكان العمل باب الواد رابح بيصاص:
https://maps.app.goo.gl/SkZohWWMJ9gGrrU69

الهاتف:
أسامة: 0696771881
خالد : 0662393133

#ميكانيك 💙 #ترند

05/05/2026

سلام عليكم ورحمة الله وبركاته
نتمنى تكونو بخير ديما مع البولو هذه المرة مع بولو بوليس محرك 1.9 sdi تاع زبون تاعنا راحلو كيت دومبرياج ديجا كان كي جات ريغلينا لابومب انجكسيون تولهنالو بلي ناقص أيا خونا نساه و مشا بيها حتى ولا يباتيني بزاف أيا تأدنا بلي ديسك راح ايا هبطنا لابواط صبنا ديسك مشوفي جبنالها كيت دومبرياج فل LUK ركبنا تاع ال 1.4 ess غرون مودال يركب عادي ركبنا الديسك صونطريناه في بلاصتو زيرنا البلاطو ركبنا غيد بيتي و لابيتي جدد زير ركب لابواط ركب كاردوات زيرو بولونات ركب ريسيبتور نوض سيي ماشاء الله رجعتلها مشية الحلوة و زيد تيراج تاعها ربي يبارك ماشاء الله و هذي ديجا البولو زارتنا عندها يامات صرالها مشكل منوض و اثر ذلك صبنا تيو مغلوق تاع لاليمونطاسيون تاع بومب انجكسيون و صبنا لاشان راح تنقطع ربي ستار و حمد الله ربي سترو
لي عندو اي مشكل استفسار يتواصل معانا فل خاص ولا يتصل عبر الهاتف ولا يخلي ميساج واتساب
رقم الهاتف:
اسامة: 0696771881
خالد: 0662393133
الموقع مابس maps :
https://maps.app.goo.gl/SkZohWWMJ9gGrrU69

#ميكانيك 💙 #ترند

28/04/2026

سلام عليكم ورحمة الله وبركاته
عدنا مع نشر
مع بولو تاع خونا لونطروتيان خونا غير ما شراها زارتنا من اجل تغيير كوروا ديستريبيسيون حزام توقيت شرينالها كيت فل inna كومبلي حطيناها فل كالاج كي لعادة نجينا لاشان طوندور لي galet ركبنا لي galet جدد ركبنا لاشان ركبنا طوندور طوندينا لاشان مليح تأكدنا من لي روبار متحركوش ممبعد فينينا كلش نوضناها ناضت مليح و ريغلينا لابومب انجكسيون بل سكانار خرجت قانون ماشاء الله مولاها داها مهني هكذا تمشي متخافش تتقطع فأي لحظة و نوعية تاع لي تجي فل كيت تجي دوريجين
لي عندو أي مشكل استفسار غموض حب يحجز موعد
يتصل عبر الهاتف ولا يخلينا ميساج في خاص صفحة ولا واتساب
رقم الهاتف
أسامة :0696771881
خالد : 0662393133
موقع الغاراج : https://maps.app.goo.gl/SkZohWWMJ9gGrrU69

mecanicadeautos #ميكانيك 💙 #ترند

28/04/2026

عدنا ول عود أحمد
خاوتي مزال باقيين فل غاراج القديم هذا لأسباب تقنية مزال مبانتش مكان آخر غلقنا مدة هذي درنا نيطواياج و تستاف للغاراج و مرحبا بل جميع لي عندو اي مشكل اي استفسار ولا حاب بحجز موعد يتصل

17/04/2026

سلام عليكم ورحمة الله وبركاته
كثير يتسائل لماذا توقفت عن نشر السبب انو نحن في فترة توقف عن العمل و و البحث لتبديل مكان العمل لذلك غير نديرو ديميناجمون رانا بعدها نعود للنشر لذلك لي يتصل و منردولوش يسمحلنا لانو موقفين العمل لاشعار آخر لحين إيجاد مكان أفضل و لي مرديناش عليهم سمحولنا و سنعود بقوة إن شاء الله

26/02/2026

سلام عليكم ورحمة الله وبركاته
مع سيارة أخرى هذه المرة سيارة بولو بوليس 9n3 بمحرك 1.9 sdi 64ch
جات من أجل صيانة دورية خونا قرر يبدل كيت شان مع مضخة الماء و كان فيها فويت زيت كوتي شان ايا قررنا نغيرو لي جوان سبي فيزوج كوتي شان ايا جا الكيت فل hepu طبعا سبتة دائما تاع كونتينونتال الاصلية و زاد جاب مضخة ماء جديدة للنو القديمة رشات و لو كمل بيها يامات تبدت تفويتي ايا تم تغييرها ثم ركبنا لي جوان سبي غيرنالها لي galet تاع لاشان للزوج ركبنا لاشان طبعا قبل كل شيء حطيناها فل كالاج زيرنا طوندور دورنا المحرك مقاسش اضرب نوض عمرنالها سائل تبريد جديد g12 و خليناها دور ريغلينا لابومب انجكسيون بمساعدة سكانار
و معلومة اضافية لي عندو كومبريسور تاع لاكليم يرحي و حاب سيبريميه ها هي ريفيرونس تاع سبتة تاع بدون كليم 5pk835 و دعوة خير
لي عندو اي مشكل استفسار يتواصل معانا فل خاص ولا يتصل ولا يخلي ميساج فل واتساب
رقم الهاتف :
أسامة :0696771881
خالد : 0662393133
مكان العمل باب الواد رابح بيصاص طريق سيدي بنور
https://maps.app.goo.gl/SkZohWWMJ9gGrrU69

#ميكانيك 💙 #ترند

26/02/2026

سلام عليكم ورحمة الله وبركاته
رمضان كريم للجميع و صحا صحوركم
مع زيارة سيارة غولف الجيل الخامس تاع خونا من تيزي وزو فيها محرك 1.9 tdi 105 خونا عندو مدة و هو حاب يجيب سيارة ايا كتب المكتوب هذه المرة و للعلم خونا صرالو فل روفرواديسور دوجيار لي يجي ملور كانت سيارة تنقص سائل تبريد أيا سيبريما لي دوريت لي يروحو للروفرويسور دوجيار لانو فيريفييا كلش بقا الشيئ الاخير هذاك و خونا حط منشور نصحناه بهذاك لانو شخصيا صراتلي تجربة معاه و سيريميتو كليا ايا خونا كان من قبل حاب يحذف لوجيار ايا جابها نحينا روفرواديسور دوجيار كليا و خدمنالها طولة تاع حديد ركبناها فل تيو لي يج خارج من كوليكتور ديشابمون قبل توربو و خدمنا واحد لللادميسيون و نحينا كاع روفرواديسور من بلاصتو لانو معندوش حتى خدمة هكذاك و كان فيه مشكل داخل يفويتي الماء زيد على ذلك سعرو غالي لتغييرو ايا بعد ذلك درنا حذف الالكتروني طبعا كي لعادة بواسطة جهاز ال kess لاستخراج ملف السيارة و تعديله بواسطة برامج خاصة مهم كلمنا الحذف الالكتروني و هو أصعب شيء حمد الله تم بنجاح ثم بعد ذاك درنالها فيريفيكاسيون جينيرال فطريق و بواسطة سكانار راقبنا كل امور سيارة على ما يرام ربي يباركلو لخونا و ربي يصلح
لي عندو اي مشكل استفسار يتواصل معانا فل خاص
مكان العمل باب الواد رابح بيصاص طريق سيدي بنور
https://maps.app.goo.gl/SkZohWWMJ9gGrrU69
رقم الهاتف :
أسامة : 0696771881
خالد : 0662393133

#ميكانيك 💙 #ترند

VAG scan programmation

27/05/2026

15/05/2026

11/05/2026

09/05/2026

09/05/2026

05/05/2026

28/04/2026

28/04/2026

17/04/2026

26/02/2026

26/02/2026

Address

Telephone

Website

Alerts

Contact The Business

Shortcuts

Share