28/08/2026
د یو لیټر تېلو بیه ٩٥ افغانیو ته ورسېده؛ ولس شکایت لري!
په بازارونو کې د تېلو د بیې لوړېدو خلک اندېښمن کړي دي. د یوه لیتر تېلو بیه تر ٩٥ افغانیو رسېدل، د عامو خلکو او په ځانګړي ډول د موټرچلوونکو پر اقتصادي وضعیت دروند فشار اچوي.
خلک پوښتنه کوي: ولې د تېلو بیې دومره لوړې شوې او د کنټرول لپاره یې جدي اقدام نه کېږي؟
د تېلو بیه یوازې د موټر خاوندانو ستونزه نه ده؛ د تېلو له ګرانېدو سره د ترانسپورټ کرایه، د توکو لېږد او په پایله کې د لومړنیو خوراکي او نورو توکو بیې هم لوړېدای شي.
ولس له اړوندو ادارو غوښتنه کوي چې د تېلو د بیې د لوړوالي علتونه په روښانه ډول بیان کړي، بازار وڅاري او د بېځایه ګرانفروشۍ مخه ونیسي.
د خلکو پوښتنه دا ده: د ولس اقتصادي فشار به تر کومه وي؟
